السلام عليكم ورحمة الله وبركاته
هلا اخواتي واعتذر عن تأخري لبدء الدوره لظروف خاصه....والحين ان شاء الله راح نبدأ
انا قررت احط كل شي هنا
لاني ماني منتظره الشكر من احد ولا تثبيت الموضوع ولا تطبيق البنات بالصور..:27:
حطيت الموضوع عشان افيد واستفيد..!!!!
وابغا الاجر وبس...
اول شي نقول
اللهم علما ما ينفعنا وانفعنا بما علمتنا إنك أنت العليم الحكيم
راح نقسم الدروس كم قسم...اول شي راح نشوف الاغراض المستخدمه للدوره...
****عندنا اهم شي هو القماش.....
قماش الايتامين يكون من القطن..عباره عن مربعات وفيها فراغات عشان التطريز...وتلاقيها بألوان مختلفه..على حسب الشي الي تبغي تسويه...واسمه بالانجليزي Aida fabric....اما قماش الكنفا اسمه evenweave fabric وممكن تسوو بحث عنهم وتشوفوهم....الحلو في قماش الايتامين تلاقيه في كل مكان.!! يعني انا اشتريه من جرير مرات وبكل الالوان وسعره مناسب.....
وهنا صور أمثله لها من تصويري..
تختلف بعض الاقمشه بحجم فتحاتها.....بس المتوسط هو اريح شي للعين..وكل ماكانت الفتحه كبيره الصوره راح تكبر وانتي تطبقيها...
وهنا صور مقربه اخذتها من النت عشان تشوفو كيف شكلها:
يتبـــع
***ثاني شي عندنا الخيوط....وهذي نقطة جدا مهمه...لما تكون الخيوط اصليه راح تعيش معاكي اكثر وماراح يتغير لونها او تفصخ على القماش وقت الغسيل....واحسن خيوط عن تجربه هي خيوط DMC وانا اشتري اللون الواحد ب 3 ريال....
وهذي صور لها
خيوطي جبت لها علبه من عادل خاصه فيها.....وصرت احطها هناك وبكذا ما تضيع ولا اخاف عليها...!! وحتى لو بقي شوي من الخيط فيه كرتون الف الخيط فيها وارتاااااح...صراحه رائعه وهذي صوره لها:
وطريقة استخدام الخيوط جدا سهـــله..!! وهنا الطريقه:
اول شي قصي الطول المطلوب من الخيط...بعدين خذي 3 فتايل من الخيط وافصليهم عن الخيط....وبكذا راح تستخدميه مرتين....
الصور مو واضحه بس اتمنى تكون الفكره وصلت
وفيه نقطه مهمه....دايما لما نجي نخيط...ندخل الخيط بالابره ونربط طرفين الخيط في بعض صح:o؟؟؟
بس هنا لا..!!
هنا لازم واحد من الطرفين يكون غير مربوط.....حاولت اصوره في هذي الصوره:
++مرات تكون فتحات القماش عندك كبيره جدا..وبكذا انتي ماراح تفصلي الخيط اثنين عشان ماتطلع فراغات