تجمع للأعمال الصالحه أي وحده عندها عمل صالح مخبيته تخبرنا عنه حتى لو كان غريب !!!!

[سافا]

السلام عليكم
بدخل في الموضوع بس قبل أحب أذكركم اليوم الجمعه ومحتاجه دعواتكم لي في " التوفيق بدراستي وبامتياز وفي إن ربي يرزقني الزوج الصالح الغني اللي يكرمني ويسعدني واحبه ويحبني وأهم شئ يخلص لي "

المهم
أنا جلست أفكر وأفكر قلت حنا عضوات حواء مسجلين بنك نيم باسماء مستعاره يعني محد يعرف الثاني وهذا أجمل مافي النت ..
قلت هنا أحسن مكان لكلامي لاني احب هذا القسم وحسيت انه ينفع هنا لذا نرجوا عدم نقله مهما كانت الظروف ..
أنا قلت ان هذا الدنيا دنيا زوال "فانيه"وكلنا نردد هالكلمه بس بدون مانستشعرها لذا تجدونا دائماً في هم’ مشاكل’ لهث دائم حول هذا الحياة الدنيا ومن اسمها دنيا يعني دنيئه سافله حقيره ماتسوى شئ ومن خلال تجاربي في الحياه وجدت بالفعل ان المعاصي هي سبب حرمان الرزق ومثال سريع وحده خطبها واحد ماكانت تحلم باظفره وسوت معصيه يعتبرها الناس بسيطه لكن يمكن تكون عند ربي كبيره وسبحان الله ربي صرف هالرجال الزين عنها ووالله اني اعرفها ومتحسفه قد شعر راسها "أختي"

[سافا]

يتبع.....
ولكن من تجارب عمليه اخرى وايضا مثال اخر سريع .. صديقتي كانت عاصيه بكل معنى الكلمه وكانت تخسر حياتها تدريجا بسبب لعب الشيطان عليها وشوي شوي تخسر تخسر لما اصبحت وحيده وبصراحه ماكانت هذيك المعاصي كانت فقط :
تغتاب تسمع اغاني تلبس قصير وعاري وبنطلون وتنمص حواجبها وتكلم ولد عمها على امل حب عذري وزواج وفي تلك الاثناء كانت تخسر اشياء بالتدريج بدون ماتحس خسرت دراستها واصبحت فاشله بعد التفوق وشوي شوي خسرت خواتها وامها واخوانها واهلها كلهم وقرايبها صارروا مايثقون فيها ويشكون فيها وولد عمها قفل جواله ولا عاد يتصل بها وخسرت صديقاتها وخسرت جمالها اللي اصلا ماكان موجود وفجاه لقت نفسها وحيده حتى انا تخليت عنها مو في ارادتي لكن لظروف واشغال الحياه ويمكن ربي كان بيعلمها درس وييها ترجع له المهم تقول فجاه احسست بفراغ روحي وحزن وياس اخوانها ماعاد يلقونها بال وحالتها كسيفه وتقول فجاه كنت جالسه في البيت قلت ليه مااادور في بيتنا اتمشى غرفه غرفه ودخلت مكتب اخوها وهو اللي كان يدرس فيه لقت كتاب "الجواب الكافي لمن سأل عن الدواء الشافي " لابن القيم <<بشتريه ان شاء الله
وهو اللي غير حياتها وجدت ان كل اللي صابها كان بسبب ذنوبها وان ربي حتى لو اعطاها شئ من ولادتها ومن طفولتها راح تخسره وذلك بسبب معاصيها لما كبرت وصارت تقرا الكتاب كل يوم من هول الصدمه وصار تدعي بهالدعاء اللهم اني استغفرك عن جميع الذنوب التي اعلمها وعن جميع الذنوب التي لااعلمها واتوب اليك واشتغلت بالاستغفار وارجعت تدعي ربها والحمدلله اللحين هي كلمتني ودخلت الجامعه بفلوس زوجها ونسيت اخبركم زوجها اخلاق ودين وغني واللحين هي حامل .....وملكه جمال بنظره وبنظر اهله وانا زانت بعيني صااارت بيضاء وتقول مااستخدم شئ بس بحاول فيها ولا يهمكم
الخلاصة من قصصي ان ربي لا يمل حتى تملوا ...

[سافا]

استغفروا واكثروا من العمل الصالح ... واسعوا بالخير بين الناس وترا اهمها صلة الرحم
ياقاطعات الرحم
كم لك ماكلمتي خالتك ’عمتك ’جدتك ..كلميهم بس مو لازم تجين عندهم
لا حول ولا قوة الا بالله ....
على العموم انا اتمنى اني احصل اجر كبير من ربي على موضوعي هذا واتمنى ترفعونه كل شوي عشان الناس تدعي لي ويكون عمل خير وتذكير وعشان اكون سبب في قيام الاخوات بعمل صالح .
أبدأ بنفسي اكتشفت عمل صالح حلو يقربني من ربي اكثر واحسه بفرحه غير صيام البيض واثنين وخميس وغير الاستغفار وقيام الليل .
اكتشفت عمل صالح .......

[سافا]

طبعا اكيد الاغلبيه يعرفه بس مو مشكله انا حاطته هنا للقله وقليل فيه بركه <<هههههههه
انه تقومين قبل الفجر بنص ساعه تصلين ركعتين وبعد ذلك تصلين الفجر وبعدين تجليسن بسجادتك تستغفرين لحد مايطلع الاشراق وتصلين ركعتين الاشراق التي يقال انها تعدل حجه او عمره ...تشجعوا
واذا قمتن به لاتنسوا اختكم سافا فانا بأمس الحاجه لدعائكن <ولا مانع تخلوا امهاتكم تدعيلي وعيالكم الصغيرين ترى قلوبهم صافيه واسرع في الاجابه <<<<هههه كأني تخيلت وحده ماسكه بزرانهم وهي عند الكيبورد وتلقنهم يالله ماما وراي اللهم وفق سافا بدراستها وجعلها تجيب امتياز اللهم زوجها باحسن واحد بالدنيا ويكون صالح ومخلص ويكونون سعدين بعض"ماألمح أبد"
وب سلامتكم
اليوم الجمعه
اللي ماراح تدعي لي تراني بزعل وبتقولون وش دراها دعيت لها اولا بكتب لها في المنتدى برد اني دعيت لها !!!!
ادري لاتنصبون ههههه ادعي بقلبك وكامل روحك لي لاني
الساااااااااحره الزرقاء !
لا انا عندي احساس !!!!!!!!!!!!
ميغسي بوكو
سافا

[سافا]

نسيت اقولكم ......احبكم كلكم

الله يعيطك الف عافيه على هالموضوع الحلو وجلعه بميزان حسناتك اختي..
عسى ربي يرزقك بالزوج الصالح اللي يسعدك ويهنيك ويرزقني انا بعد ههههههههههه

[سافا]

ليش ماقريتوا موضوعي ولا رفعتوه ؟؟؟؟؟؟؟؟؟؟؟؟؟؟؟
مو مهم بالنسبه لكم
الله يسامحكم !!!!!!!!!

[سافا]

للرفع

[سما صيف]

أنا صراحة حاطة بشنطتي سبحة كل ماغيرت الشنطة أشيلها مع أغراضي المهمة للشنطة الثانية علشان ما أنساها تدورن وش أسوي فيها أسبح في كل مكان وأذكر الله في السوق لما تقفل المحلات للصلاة وأنا مالي صلاة أو في المستشفى وأنا رايحة للجامعة في الطريق وفي بعض المجالس لما ما يعجبني الكلام اللي فيه وفي كثير من الأوقات أتمنى تجربونها حتى تكونوا من الذاكرات لله

[سافا]

المشاركة الأصلية كتبت بواسطة سما صيف

أنا صراحة حاطة بشنطتي سبحة كل ماغيرت الشنطة أشيلها مع أغراضي المهمة للشنطة الثانية علشان ما أنساها تدورن وش أسوي فيها أسبح في كل مكان وأذكر الله في السوق لما تقفل المحلات للصلاة وأنا مالي صلاة أو في المستشفى وأنا رايحة للجامعة في الطريق وفي بعض المجالس لما ما يعجبني الكلام اللي فيه وفي كثير من الأوقات أتمنى تجربونها حتى تكونوا من الذاكرات لله

تجربه مرررررررره رائعه
يالله
اللي بعده <<<ههههه