هذا ياطويلات العمر انا تقريبا مجربة كل المنتجات الي بالسوق (الخاصة بالبشرة) لكن في بعض المنتجات استخدمها وما أكملها ماراتاح لها وارميها وبعضها مارجع اشتريها ومن خلال تجاربي المتواضعةالي حابة اشارككم فيها
الصورة الأولى تبين خلاصة تجاربي للمستحضرات الي اثبتت فعاليتها
من اليمين منتجات هيمالايا
غسول الوجة بالكركم والنيم (لجميع انواع البشرة)
والي جنبة ماسك باللوز والخيار والأنناس يترك ع البشرة لحد ماينشف وينزع من الأطراف ويشيل معه الخلايا الميتة ويرطب البشرة ويعطيها صفاء ومع الإستمرار يفتحها ويشيل البقع والنمش استخدمة مرة بالأسبوع
الثالث (غسول +قناع فيزبلي كلير) من نيتروجينا استخدمة مرة بالأسبوع روعه ينظف بعمق ويخلي البشرة تلمع نظافة وانتعاش انا احطة واتركة 5 دقايق وبعدين امسحة بفوطة مبللة واغسلة وانشف البشرة واحط بعدة قناع هيمايلايا الي ذكرتة بالأول
وبعدها امسح بماء ورد بارد عشان اسكر المسامات
أما الكريمات الي احبها :26: كريم اولاي بخلاصة ورق التوت البري (كريم النهار) رهييييييب ماقدر اوفية حقة صح أول مابديت أستخدمة حسيت بشرتي تحسست منه وطلع لي كم حبة بس بعدين خلاص ماعاد صارت تطلع لي لآن بشرتي تعودت علية
اما أخر واحد الأسود هذا كريم اولاي توتال ايفكتس (كريم ليلي) روعه روعة روعه يحارب علامات تقدم سن البشرة الـ7 تقدر البنت تستخدمة من سن 23 وطالع يعني الي بالعشرينات والثلاثينات مناسب لهم .حطية بالليل واول ماتصحين اغسلي وجهك وشوفي الرونق والصفاء مفعولة فوري :26:
ماء الورد البااااااااااااارد << يحفظ بالثلاجة دائما
ماتتخيلون مفعولة ع بشرة الوجة كيف خاصة بعد غسل الوجة الصبح امسحة بقطنة مبللة على كامل الوجة والجفون
نعومة لمعه توريد يقفل المسام
وأخيراااااااااااا شرب الماء يوميا بمقدار لترين يعني من 6 الى 8 اكوب باليوم , الماء الصديق الصدوق:26: للبشرة بدون شرب الماء مستحيل نحصل على بشرة نقية وصافية حتى لو أستخدمنا كل مستحضرات الدنيا