18-02-1429 هـ, 09:22 مساءً
بسم الله الرحمن الرحيم


وشلونكم يابنات اول مرة اكتب بمنتدى والسبب من عيوني لا اني اعاني من القرنية المخروطية والله اني عاصرة عيوني عشان اكتب وتصدفون يا جماعة الخير كنت اشوف كل الناس صافية بشرتهم وبيضاء وانا بكل ثقة مااحط مكياج الا خفيف في الزوجات من زود الثقة المهم احس ماشوف زين ورحت لدكتورة وقالت لازم عدسات صلبة بعدين لبستها صرت اشوف احسن من اول بس بعد لبسة تغيرت وجية الناس ماهي الي كانت صافية وانا بعد واحس كل شي تغير واثريني خلف الله الحمدلله بعد سنة ضاعت العدسات رحت لدكتور بمستشفى مغربي وقال ماراح تنفعك العدسات ولاالحلقات ما لك الا زراعة قرنية وفي اسرع وقت صراحة قلت لازم افكر المشكلة مافية الا هذا الحل كلمت اختي وقالت ما لك الاتستخيرين ربك وتشربين موية زمزم وتغسلين اعيونك وكثري من الدعاء احس راح شي من الهم بس العملية وراي وراي الله المستعان معليش طولت عليكم بس الي سوت العملية وش صار علية وتكلفته في المغربي 17الف ريال انا اخاف من مغربي ادعولي يابنات ولختي الله يفرج همه ويشفيها هي وعياله واخواني واللهيجزكم الف خير ويوسع رزقكم ويستر علينا وعليكم دنيا واخرة قولو ا اااااااااااامين
18-02-1429 هـ, 09:38 مساءً
طيب اختي روحي مستشفى الملك خالد التخصصي للعيون مرره ممتازين وفيه اكثر من شخص من جماعتنا عندهم مشاكل زييك واعدى
وبعد علاجهم وعمل العمليه بالمستشفى صاروا احسن من اول بكثير

الله يكتب لك الصحه والعافيه
ولا تنسيني من دعوتك
18-02-1429 هـ, 09:46 مساءً
مرحبا انصحك اولا تروحين للدكتور خالد طباره جدا ممتاز امي متابعه عنده وسوا لها زراعه قرنيه والحمد لله نجحت بمتياز وفيه مستشفى الملك عبدالعزيز اطباء روعهامي تراجع عندهم بعد والله يوفقك ولا تنسي الاستخاره
18-02-1429 هـ, 10:13 مساءً
يسوون لك حلقات انا اتعالج عند استشاري في الاردن في تخصصي العيوون شاطر جدا مشاءا الله اذا تبغين رقم جواله ارسلي لي ع الخاص .. ومغربي نصبو علي وطلع تشخيصهم كللللللله غلط بس يبون الفلوس حسبي الله عليهم .. وعلى فكره تخصصي الظهران فيه دكتور يقول تجينا حالات لاعبين فيها مغربي ومحولينهم علينا.. وعاكف مغربي يقول انه يجيب الدكاتره عشان ياخذون خبره ويسافرون يعني يتدربون على عيون السعوديين
18-02-1429 هـ, 10:24 مساءً
اقتباس مشاركة  (KWEEN)
طيب اختي روحي مستشفى الملك خالد التخصصي للعيون مرره ممتازين وفيه اكثر من شخص من جماعتنا عندهم مشاكل زييك واعدى
وبعد علاجهم وعمل العمليه بالمستشفى صاروا احسن من اول بكثير

الله يكتب لك الصحه والعافيه
ولا تنسيني من دعوتك


مشكورة والله يوفقك دنيا واخره ويسعدك باالنسبه لمستشفى الملك خالد التخصصي يبيله مواعيد مواعيدة بالسنين الله المستعان
18-02-1429 هـ, 10:30 مساءً
اقتباس مشاركة  (زوجه المقدم)
مرحبا انصحك اولا تروحين للدكتور خالد طباره جدا ممتاز امي متابعه عنده وسوا لها زراعه قرنيه والحمد لله نجحت بمتياز وفيه مستشفى الملك عبدالعزيز اطباء روعهامي تراجع عندهم بعد والله يوفقك ولا تنسي الاستخاره




الله يشفيلك الوالدة ويخليهالكم المستشفى في اي مدينه وكم كلفت العمليه
18-02-1429 هـ, 10:36 مساءً
اقتباس مشاركة  (ام لموره الاموره)
يسوون لك حلقات انا اتعالج عند استشاري في الاردن في تخصصي العيوون شاطر جدا مشاءا الله اذا تبغين رقم جواله ارسلي لي ع الخاص .. ومغربي نصبو علي وطلع تشخيصهم كللللللله غلط بس يبون الفلوس حسبي الله عليهم .. وعلى فكره تخصصي الظهران فيه دكتور يقول تجينا حالات لاعبين فيها مغربي ومحولينهم علينا.. وعاكف مغربي يقول انه يجيب الدكاتره عشان ياخذون خبره ويسافرون يعني يتدربون على عيون السعوديين


والله صدقتي المغربي نصابين والله يكفينا شرهم ومشكوره والله يشفيك من كل مرض
18-02-1429 هـ, 10:40 مساءً
عزيزتي أنا مريت بنفس من عدسات صلبة ونظارات وفي النهاية سويت عملية زراعة القرنية في العين اليمين وحلقة في العين اليسار في مستشفى المغربي في الدمام عند دكتور متخصص في القرنية اسمه د/ طارق أبوزيد وهو ممتاز جداً والآن مازلت بعد العمليات ألبس عدسات لينة وماأشوف من غيرها وبالذات العين اليسار اللي فيها حلقة لأن الوضع متقدم وتحتاج لزراعة والله يكتب لي ويكتب لك اللي فيه الخير وينور علينا إن شاء الله
18-02-1429 هـ, 10:52 مساءً
اانا كنت بسوي ليزك عند مغربي قالي طارق ابو زيد في مغربي الدمام القرنيه عندك رقيقه ما اقدر اسوي لك ليزك(ماعندهم تقنية الاي بي ليزك للقرنيه الرقيقه) بسوي لك زراعة عدسات ب 23 الف ورحت للاردن قالو القرنيه عندك سمكها ممتاز عاليه مو رقيقه المشكله عندك عدم انتظام القرنيه تعالي بعد 6 شهور نعطيك قطره احتمال تنتظم قلت فيه امل تنتظم قال الدكتور 60% قلت بسوي زراعة عدسات اجل قال براحتك بس مكلفه قلت كم قال لان عندك انحراف وقصر نظر بتكون ب18 الف وسألته عن اثار الجانبيه لها قال ماء ازرق او ابيض مستقبلا بس ممكن نتفادى حدوث هالشي بعمل فتحات بالقزحيه قبل الزراعه يعني العمليه على مرحلتين والحمدلله سويت العمليه الاولى فتحات القزحيه ثمن زرعت العدسات .. مع العلم ان مغربي قالو بنسوي لك الزراعه ولا لها اي اثار جانبيه وماكانو بيسوون الفتحات هذي على طول بيزرعون العدسات..حسبي الله عليهم
18-02-1429 هـ, 11:47 مساءً
لاتستعجلين على العملية وخاصة في المستشفيات الاهلية
فيه مستشفى الملك خالد والملك عبد العزيز ومن قالك ان مواعيدهم بالسنين؟؟ مواعيدهم عادية
واحدة زميلتي عندها العدسة مخروطية مثلك وتراجع بمستشفى الملك عبد العزيز ويقولون مالها علاج الا العدسات الصلبةفقط علشان كذا روحي لمستشفى ثاني وخذي رايهم ولاتستعجلين على العملية لان هذي عيون مايستهان فيها
لا إله الإ أنت سبحانك اني كنت من الظالمين


الساعة الآن 10:23 .

جميع الحقوق محفوظة - عالم حواء - 2015