15-02-1429 هـ, 10:39 مساءً
مساء الخير لاحلى بنات بالمنتدى
حبيت اليوم اعرض لكم تجربتي الشخصيه
وجبت لكم خلطه مجربه لتطويل ولتكثيف وتنعيم الشعر انا مجربتها بنفسي ومكوناتها طبيعيه
انا كان شعري قصير وخفيف مررررره وبعد ما استخدمت هاذي الخلطه صار طويل وكثيف
وحتى الفراغات اللي كانت بمقدمة شعري طلع فيها شعر
وما اطول عليكم واليكن مكوناتها.....

ملعقتين حنا
فص ثوم مهروس
ملعقتين سدر
ملعقة زبادي
ملعقة عسل
ملعقتين خل
ملعقتين زيت خروع
نصف كوب ماء دافئ

نخلطهم جيدا وتوضع على الشعر لمدة ثمان ساعات ثم نغسلها بماء فقط ثم ندهن الشعر بكريم بارشوات او اي كريم يناسب شعرك ونترك الكريم على الشعر لمدة ساعه ونصف بعد ذلك استحمي وجففي شعرك بالمجفف
تستخدم ثلاث مرات اسبوعيا لمدة شهر وشوفي النتايج المبهره
والله العظيم هاذي
الخلطه عن تجربة شخصيه انا مجربتها جربوها وادعؤلي بالدعاء الصالح والله الله بالردود
15-02-1429 هـ, 10:52 مساءً
مشكوره حبيبتي وما قصرتي والله يوفقج في الدنيا و الاخره ان شاء الله
15-02-1429 هـ, 11:01 مساءً
الله يعطيك العافيه
من زمان وانا ادور خلطات زينه وإن شاء الله تنفع معي
15-02-1429 هـ, 11:42 مساءً
الله يقبل دعاي لك
يكفي حرصك على نشر الفائدة ربي يسعدك
15-02-1429 هـ, 11:52 مساءً
مشكورة عزيزتي على هالخلطة لكن
من وين انتي ووين ألقى السدر ما فهمت هل هو شي مطحون ولا أوراق نهرسها
وانتي قلتي الخلطة 3 مرات أسبوعيا مو وايد أنا عادة أسبح شعري بس مرة بالأسبوع واش كثر يطيح الشعر كيف أسبحه 3 مرات أحسه بيدمر ولا كيف أختي ؟؟؟؟؟
وهيييي تنفع لليهال لبنوتي اللي عمرها 4 سنين ترا شعرها مكتكت شويتين
16-02-1429 هـ, 12:18 صباحاً
اختي ام سهيل
شكرا على المرور العطر
ودمتي
16-02-1429 هـ, 12:32 صباحاً
مشككككوره وجزاك الله خير على عرض تجربتك
بسالك شلون ريحتها في الشعر لاني متردده بسبب الثوم ...



~.. ليه أكدّر خآآآطري .. على دنيا بأخليها ..؟!
16-02-1429 هـ, 12:55 صباحاً
مشكوره

ان شاء الله اجربها عن قريب
16-02-1429 هـ, 01:42 صباحاً
جزاج الله خير وموفقه اختى
16-02-1429 هـ, 03:16 صباحاً
يعطيك الف عافيه وانا بجربها واشوف النتايج.


الساعة الآن 06:20 .

جميع الحقوق محفوظة - عالم حواء - 2015