كل من سأل عني...هذي آخر اخباري...واتمنى الدعاء

لكل من سأل عني وارسل لي بالخاص يطمن علي الله يجزاكم خير ويجعلة في ميزان اعمالكم انا كتبت هنا بالعام عشان صعبة ارد على كل وحدة خاص لاني ماادخل نت كثير الله يجزاكم خير ويعافيكم ويحفظكم من كل شر انتو ومن تحبون وكل غالي عليكم ....الله لايفجعكم بغالي ...

اما اخباري الحمدلله على كل حال مثل منتو عارفين على ماهو علية الام في الثدي الايسر والذراع اليسرى والرقبة الجهة اليسرى وورمة اعلى الصدر طبعا هذا من كم شهر بس الحين يمكن من شهرين وصل للثدي الايمن ي بلاضافة للايسر صارو كل الثنين يوجعوني حتى الذراع الايمن صار يوجعني معاد اعرف انام لاعلى يميني ولايساري توجعني حتى الرجل اليمنى واليسرى والركب بعد صارت توجعني ومن اسبوع وصل الوجع بطني ....الحمدلله على كل حال دعواتكم...حتى الوساوس قامت تزيد وطبعا احس اني مريضة نفسيا...ابوي الله يرحمة مات واحنا صغار ماراح انساة الله يرحمة وعشت انا وخواني وخواتي يتمان طبعا مات بالسرطان الله يشفي المسلمين منة...وامي لمى كانت بالحداد اكتشفت ان اخوي مريض وتنوم بالمستشفى وطلعوة وقطعو عنة العلاج قالو مافية فايدة انت ماتجاوبت مع العلاج الله يشفية ويعافية والله ماراح انسى هذا اليوم اللي دريت ان اخوي مريض نزل علي الخبر وصدمني قمت انتفض وركبي تنتفض وجتني روعة قوية الله يشفية ويخلية لبنتة..وهوتوة شباب ووسيم وجامعي بس المرض مارحمة تحول من اللون الابيض إلى اللون البني المصفر وصار دايم ضايق صدرة ...وإذا قرو علية المشايخ والله ماانسى اللي شفتة قام يتحقرص ويتلوى من اللألم قالت لهم امي وش اللي فية سحر ولامس قالو فية عيون قوية مجتمعة ....ومرة امي خذت غسال فناجيل وبيالات وفصم ناس واثقين فيهم ونحبهم بعد بس قالت ابجرب اشوف وخمرتها في موية وقرت عليها وراحت ترش اخوي فيها والله انةصار زي الدودة بغى ينكسر ظهرة وهو يتلوى ويصارخ انا خفت وخذت بنتي وطلعت من الغرفة خفت ان فية جني رحمتة والله بغى ظهرة ينكسر ... تفاجأت معقولة ذولي ينضلونة ويحسدونة وهو ملتزمين ويصومون الاثنين والخميس وطيبين لاخر درجة وقمة في الاخلاق ...وهو خف بس ماطاب لانة فية عيون كثيرة جدا وقديمة ويقول الشيخ علاجها يطول وانا خايفة يموت لانة تعبان الله يخلية لبنتة...ادعو لة....
اما انا انتو عارفين لمى قلت رحت المستشفى وبكرة الاشعة بس من الخوف معاد رحت ثانية لاني اعرفة مستشفى حكومي وكبير وبيقعدون يحللوني ويشيعوني مليون اشاعة ويضيقون صدري تركتهم انا قلبي مايتحمل اسمع اخبار ...
رحت لمستوصف اهلي جنب بيتي وسويت الاشعة عندهم وقلت للدكتورة الاشعة امانة اذا طلع فيني شي لاتقولين اسكتي وانا ابفهم وانا طلعت سليمة بشريني ..قالت سليمة ....قلت احلفي ..وتحلف واحلفها ثانية...وتحلف قلت الحمدلله..وقالت امي اتركي هالمستوصف الصغير الاهلي وروحي للحكومي اللي معطينك موعد هم اللي يعرفون عندهم انواع الاشعة واستشاريين بس قلت خلاص منيب رايحة ومستحيل اروح ...الاهلي قال مافيك شي إن شاءالله مافيني شي ..رغم اني تعبانة والى الان الورمة المسها ويتنقل ويزيد الالم ...حتى راسي معاد اتحمل الصداع اللي فية...
ياليتني ماتزوجت صرت ارحم بنتي صغيرة ووحيدة .ياليتني ميتة وانا صغيرة..واقول لخواتي إذا مت وحدة منكم تزوج رجلي عشان بنتي تقول امي مانبي زوجك كبير على خواتك وخواتي يقولون مانبغاة....ياقلبي يابنتي ياليتها تموت معي....خايفة عليها من هالدنيا اللي مافيها خير ...خايفة يجيها شي بعد موتي ..كل ماتذكرت قصة الولد اللي يوم ماتت امة دخلة جني وصار يصرعة يوم قرو علية قال الجني انا من زمان ودي ادخل فية بس امة كانت تسمي علية كل مايطيح ويوم ماتت معاد فية احد يسمي علية ويهتم بة لقيت الفرصة ودخلت ...المشكلة ان بنتي كثير طياحها ودايم يصقع راسها بالجدار وتمشي وتخبط بالجدران لان عيونها تدمع وقال الدكتور لازم نظارة وانا راحمتها توها صغيرة وتلبس نظارة وش بيجي شكلها مسيكينةتوها ماكملت السنتين...حتى طلع عند بطنها حبوب حمر كثيرة قال الدكتور لازم تحويل للمدينة الطبية عشان يسوون لها تحاليل يشوفون السبب وخفت عليها ومارحت المدينة الطبية...صرت اخاف من نتايج التحاليل ومن نتايج الاشعة واصلا المستشفيات مامنها فايدة يدخل الواحد حي ويطلع ميت....ابوي الله يرحمة دخل حي وطلع جنازة ...وكان كل مايروح لمراجعة يضيقون صدرة بنايج الاشعة ونتايج التحليل...شفتو ان المستشفى مامنة منفعة؟؟؟اخوي دخل عندهم ونوموة وضيقو صدرة بنتيجة التحاليل والاشعة وضيقو صدورنا معاة وقالو اطلع من المستشفى مالك علاج وهو بعز شبابة وصغير الله يشفية يارب...وانا سوولي تحليل قبل مااجيب بنتي وطلع فيني السكر وانا توني ماكملت 23سنة ورثتة من ابوي الله يرحمة ...عشان كذا خفت من كل شي اسمة نتيجة.....نتيجة اشعة نتجة تحاليل ...الله يشفينا ويعافينا..المستشفيات خرطي...عشان كذا اقول لاتقولون لي روحي المستشفى...العلاج اللي انا مقتنة فية الدعاء والصدقة والرقية الشرعية....وانا ودي اروح لشيخ يقرا علي بس اخاف يطلع فيني جني ...كل شي صارت اخاف منة ....وهذي هي اخر اخباري...واشكر كل وحدة سالت عني ودعت لي...الله يجزاكم خير ولي دعوة لكم في السجود إن شاء الله...
لاتنسوني ولااخوي من الدعاء....جزاكم الله خيرا...وآسفة على الاطالة لاني حبيت افضفض لكم اللي في قلبي .....(اللهم ارضني بقضائك وبارك لي في قدرك)....
واعذروني يالي يرسلون لي خاص إذا ماقدرت ارد عليكم لاني ماادخل نت كثير والله اني اكتب الحين وبطني يوجعني....كل شي بالحياة ماصار لة طعم....


استودعتكم الله الذي لاتضيع ودائعة...