السعودية - الرياض
تجهيزنفاس بيدسودانية
حلاوةدلكةحمام بخارام هبةتخليك لمبةلزواجك وعروس بعدالنفاس لطلعتك خبرةثق
              

السعودية - الرياض
تجهيزنفاس بيدسودانية
حلاوةدلكةحمام بخارام هبةتخليك لمبةلزواجك وعروس بعدالنفاس لطلعتك خبرةثق
إضافة رد
 
أدوات الموضوع انواع عرض الموضوع
قديم 27-01-1429 هـ, 04:18 مساءً   #1
ام امجاد واثير

محررة
 
الصورة الرمزية ام امجاد واثير
 
تاريخ التسجيل: 22-01-1428 هـ
المشاركات: 1,196


معلومات عن تجارب البنات في الآلات

هذا الموضوع تابع للموضوع الأساسي اللي هو

طلعت لنا الآت جديده ؟؟؟؟؟؟عرفونا عليها ؟؟؟؟

وهذا الرابط حقه

http://forum.hawaaworld.com/showthread.php?t=1076609

واللي اعطاني الفكره الأخت .....دمعه وحزن ..... يوم انها ابدت اقتراح اني افرمت الموضوع <<<<<<<<<قال ايش قال داخ راسها

فطبعا حقوق النشر لها

في هذا الموضوع ما ابغى احد يرد

هذا للأطلاع بس


واي اضافه تكون في الموضوع الرئيسي الموضوع رابطه اعلى

ويعذروني البنات اذا ما حطيت اسمائهم بصراحه داخ راسي وانا اقص والزق واحمل<<< جاني ما جا الاخت
.............................. .............................. ........


براون ميلتي كويك كومبليت



وفيه حجم ثاني



واجمع البنات هنا انها ممتازه

وانا مجربتها
عملها ...... شفره حديد ل تقطيع البصل .... فرم الطماطم ....... فرم البقدونس (( بس تخليه ناعم مررره فلازم تتحكمين في السرعه وتخلينها واطيه ))).... فرم الدجاج او اللحم بعد السلق .... فرم البسكويت ...

الخفاقه السلك .... خلط الدريم ويب .... خلط اللقيمات والكيك ....

الخفاقه الحديد .....خلط الشوربات والعدس والفول ... وهو حار

ممكن لها عيب واحد اللي هو انك لازم تمسكينها ما تشتغل من نفسها

باقي الشفرات مو عندي ...

شاريتها ب 300 ريال
.............................. .............................. ............


اله تحميص الفوشار

ما ادري البنات وش يقصدون

هذي

او

هذي



الأولي نستعملها للقهوه واهي اللي البنات يسمونها حماصة القهوه

وهذي صورتها من جوا




وللقهوه تجنن <<<<<عن تجربه وسريعه بس ما تكثرين قهوه ملئ يدينك الاثنتين
وفيه بنت تستخدمها للفوشار

وتقول وعندي الة صنع الفشار ومبسوطة عليها اللي مثل القبة احيانا نوع الفشار هو اللي ي

اما اله الفوشار البنات يقولون عنها

آلة تحميص الفوشار
صراحة و الله تحسفت على سعرها و هاي بالمطبخ ما بستعملها
هي فرحت عليها أول ما شريتها لكن بعدين إكتشفت إنك عم تاكلي فوشار ليييين ما يقرمش و لا في طعم الملح أبدا
فكانت سيئة برأيي و ما أنصح حد فيها

.............................. .............................. ................

كينوود

الحجم الكبير <<< هذا اللي عندي

روعه للعجن تخلي العجينه اسفنجه <<<< بس لازم تكون مقاديرك صح

انا ما احط بمقدار بس الكينوود افضل من المولينكس << هذا اللي انا مجربته

هذي اللي عندي



ويجي معاها <<<< على حسب اختيارك انا اخترت خلاط الطماط وفرامه اللحم

العجانه يجي معاها ثلاث شفرات سلك للكيك ..... وحديد للعجن ..... وثالثه ما ادري لأيش

انا خلطت فيها العصيده طلعت تجنن

وهذي بعض آراء البنات

وخلاط الكيك مولينكس اللي يجي معاه اناء الخلط ... بس اقول ياريتني منتظره وشاريه لي العجانه كينووووووووود لاني خاطري اشتريها.

.............................. ...........................

اله المعمول

اراء البنات <<<<< لأني ما جربتها

اللي تسال عن اله المعمول اقول بصراحه اله فاشله جدا سويت معمول فيها
مرتين طلع مو ناضج من داخل وناشف مثل ماقالت الاخت ملكة الليل
وجربت فيها الفطاير طلعت للنظر مو للاكل لان شكلها حلو بس وعجينه ومو ناضجه
يعني باختصار مانفعت كل السبل فيها

وفيه اخت منزله موضوع وتمدحها

هذا الرابط

http://forum.hawaaworld.com/showthread.php?t=891222


.............................. .............................. ..........
فيه اخت تقول

اما الميكروويف انا نفعني في تسخين الطعام بصحنه يعني ما يحتاج اطلع قدور واغسلها
واحيانا اعمل كوب القهوة به ولما يبرد ارجع اسخنه فيه واعمل فيه الكسترد كمان او البشاميل لانه ما يحترق به

بنات بالنسبة للبشاميل في الميكروؤييف طريقتي اقل من عادية يعني حليب مخلوط مع دقيق واضعه في المكروويف و كل فترة اخرجه واقلبه وارجعه تاني وهكذا الى ان يتخن ونفس الحكاية مع الكسترد حليب بودرة وسكر وكسترد او دقيق وبيض وماء اخلطهم جيدا وبعدين على المكروييف وكل دقيقتين تقريبا اقلبهم وارجعهم يكملو استواء وهذا جزء من وصفة حلوة بس ما اتذكر مقاديرها حاليا
فايدة عملها بالمكروييف ان قاع القدر ما يحترق مثل على النار وما يصير طعم الكسترد محترق
كمان في اذابة الثلج عن الاطعمة المجمدة اذا كنت مستعجلة

.............................. ..........................

لنا عوده



اللهم لك الحمد كما ينبغي لجلال شأنك وعظيم سلطانك
ام امجاد واثير غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




27-01-1429 هـ, 04:29 مساءً
#2


عدنا


براده الماء



مفيده بس اللي عندها صغار تشتري اللي تنحط فوق الدولاب

.............................. ...........................


وفيه اخت تقول

اخر جهازشريته كان طباخه الارز ماركه دورا والصراحه حلوه للارز وجميع المحاشى
وتفصل بعد الطبخ لوحدها

[url=http://www.khellan.net/up2/][/url

.............................. ...........................

فيه اخت تقول

عندي مكينة مولينكس اللي مثل هذي:



تسوي كل شي يخطر على بالك : تعجن تطحن تخلط تقطع أشكال تفرم تعصر.... بس عيبها إنها صغيره يعني ما تنفع للعوايل الكبيره خاصه في عملية العجن .... يجي معها 3 قطع اللي هي خلاط الكاس و الطحانه و الزبدية الكبيرة

بس عندي الطحانه البرتقاليه ما احب اطحن غير فيها خاصه القهوة تطلعها ناااااااعمه

.............................. .........................



فيه اخت تقول



فرن كهربائي حلو لشوي الدجاج الصواني خاصه لما تكون عندي عزيمة والفرن الكبير العادي




رد مع اقتباس
ام امجاد واثير غير متواجد حالياً  



27-01-1429 هـ, 05:00 مساءً
#3


نتابع


اله المعمول



فيه بنات يسوون فيها الفطاير

راجعوا هالموضوع

http://forum.hawaaworld.com/showthread.php?t=891222

.............................. ................

اله الوافل



وهذي المقادير والطريقه للأخت الصبار ايضا

المقادير :
4بيضات
4ملاعق حليب بودر
1ملعقة شاى فانليا
1م ك بيكنج باودر
هيل شوي خل شوي بهارات المعمول
1كأس الجبن الصغير زيت
1كأس الجبن الصغير سكر

توضع جميع المقادير السابقة في الخلاط ثم تصب الخلطه على
4 كأسات جبن كبير دقيق وتعجن جيدا
للحشو تمر

الطريقة :
نأخذ مقدار من العجينة قطعه أصغر من البيضة شو وتكور ثم تفرد وهي بيدك ونضع فيها كور من التمر وتكور وتكونين مسخنة آلة الوافل ونضع الكور فيها أنا اضع على واحده أو اثنين عشان تنفرد كويس وتأخذ شكل القالب واسكر الآله ترى بسرعة تتشقر قبل ما تنطفي اللمبه يبي لك تنتبهين وأذا طلعتها أشيل الزوائد اقطعها بالسكين لين تأخذ شكل القلب
وأن شاء الله تعجبك
ممكن ترشيها سكر مع قرفة
.............................

اله المطازيز



الأخت رغد عمري منزله طريقه تصلح لها ......وتقول

اله صنع لمطاطيز ,,

سعرها بميه وعشرين تقريباا في السيف او اي محل اواني منزليه

طريقه قرصان عمرالحلوه ,,

نص كاس سكر

ثلاثه ارباع بكيت زبده 200 جرام

بيضتين

نص كاس ماء

3كاسات دقيق بر ممكن تزيد معك الى 4 كاسات

كركم,,فلفل اسود,,فلفل احمر حار اذا تحبينها حاره حبه سودا كل نوع ملعقه كبيره

شوي هيل وشوي ملح
ب ,ب ملعقه صغيره

تعجن وتكور كور صغيره كبر صفار البيضه

وممكن اكبر او اصغر على كيفك

وتصف في الاله وتسكرينها عليها

الاله بدورها بتفردها وتحمرها
,,,,,,,,,,,,,,,,,,,,,,,,,,,,,, ,,,,

قرصان الزعتر

2بيض

نص كاي زيت

كاس ماء

جميع المقادير توضع في الخلاط

وتعجن بــ 3كاسات دقيق ابيض ,,,واحياناا اسويها بر

2ملعقه صغيره ب,ب

ملعقه ملح

تكور ثم تغمس في خليط من الزعتر والسماق

وممكن تغمسينها باي شي >>>قرفه,,ينسون,,انتي وذوقك

وترص في الاله

بس انتبهي لا تضغطين عليها بقوه عشان ماتتقطع القطع

وبس عليكم با العافيه

وآلاله تقول اخت عنها

آلة المطازيز زي ماتسمونها تنفع لأشياء ثانية هي أصلا يسمونها آلة الجباتي خبز معروف في الخليج تقدرين تسوين فيها خبز التورتيللا والجباتي فيه طرق كثيرة في المنتدى والعجائن اللي تخبزينها على الصاج تقدرين تحطينه فيها وعني رصعت المرقوق فيها عشان ما أفرد ونجح طالع زي قرصان المرقوق اللي تشترونها(صراحة ما أحب أشتريها أحب شغل بيتي )صلحيها في وقت فراغك وفرزنيها وطلعيها إذا احتجت لها


.............................. ...............

الغلايه الكهربائيه



الجميع متفق انها مفيده

وفيه اخت ذكرت لنا طريقه تنظيفها ......وقالت

الغلايه ممتازه بكل معنى الكلمه صار لها عندي 4 سنوات ما شاء الله عليها
وبعدين انا انضفها عن الجير الابيض اللي يرسب عليها بالخل اغلي الخل مع المويه تقربا احط غطايتين خل
وبعدين اخليه ساعتين وبعدين اكب المويه واحط مويه نضيفه واغليها مره ثانيه
والله ترجع جديده وبكذا تغلي المويه اسرع

.............................. .............................. .....


مكواة الكبس



تقول اخت عنها

للي سألو عن مكوات الكبس اذا استخدمتي البخار اللي يجي معها في بعض انواع الاقمشه تكرمشه

لكن استخدميها بدون ضخ البخار او اذا كانت الملابس مكرمشه من الاساس ابخ عليها مويه من البخاخ اللي جاي معها حتى تلين ثم افردها بيدي على المكوى واكوي تطلع روعه وممكن كوي الملابس وهي نصف مبلوله بعد الغسيل ايضا يمنع الكرمشه

اما بالنسبه لكواية الثوب في البدايه كنت افشل في كويه وكل مره اجرب طريقه واتجاه وكنت مصره على الاستغناء عن الكواي وفي الاخير الحمد لله وفقت الى طريقه مريحه ومظمونة النتائج لكوي ثياب زوجي وابني ونحن الان لا نعرف طريق الكواي


ايضا معها اسفنجه تشبه المخده توضع في منطقة الظهر العلويه للثوب او القميص او البلوزه من الداخل ويكوى من فوقها لتعطي شكل مستوي لهذه المطقه وكل هذا لم يأتي الا بكثرة التجربه والممارسه
امي واختي وبنات عمي واخوي كلهم يوم شافوها عندي اشتروها على طول ومبسوطين عليها


واخرى تقول
مكوى الكبس روعه بس مايكوي الثياب روعه لكوي البناطيل والقطع الصغيرة
.............................. .............................. ...

لنا عوده



رد مع اقتباس
ام امجاد واثير غير متواجد حالياً  



27-01-1429 هـ, 05:27 مساءً
#4
عدنا


غساله الصحون

انا عندي اريستون هذي صورتها



تقدرين تحطين فيها الجيك وخلاط البصل والشفره

التباسي لا لأنها كبيره ((( صراحه انا ما نستعملها عشان كذا ما جربت )))
البراريد <<<< اذا قصدك ترامس الشاي والقهوه ما اعتقد لأن الغساله حرارتها عاليه

انا ما جربت

القدور ينفع اللاستنلس ستيل والتيفال <<<< المعدن ما تصلح (((( تسودها عن تجربه )))

وانا قدوري استنلس بس لازم قبل ما احطها في الغساله انظفها بالليفه الخشنه واحطها

ووالله انها احسن من غسل الشغاله

ابريق الشاي اذا كان استيل راح يطلع يلمع كأنه جديد
بس لو كان معدن زي القدور لا ماينفع
وصحون الميلامين اذا تقصدين بالبلاستيك عادي بالعكس حتي ماتبقي فيها ريحة زي الغسل العادي لان حتي رضاعات الاطفال البلاستيك تدخل فيها

ولازم لها صابون وملح وملمع خاص

.............................. .......................

اله الكابوتشينو بانواعها

فيه اخت مجربتها وتقول

اله الكابتشينو عندي مخزنة ماانصح فيها....
اولا لانك راح تطفين فيها بعدين حالها حال الاجهزه الباقية...
ثانيا انا مااحب حوستها وتغسيل اغراضها..
ثالثا حطي فنجال سكر وفنجال ماء بارد وفنجال نسكافة واضربيهم بخفاقة الكيك لين يتضاعف الحجم ويغلظ وضعي من الرغوة مقدار اللي تبينهفي الكاس وصبي عليه حليب ساخن......
كابتشينو ولالالالالالالالالالالالا اروع
جربوها بتعجبكم ...


وللأمانه وحده تقول عنها

اله الكباتشينو روعه انا اللي عندي كينوود ومعاها مطحنه على جنب اطحن على قدنا والله تطلع زي حقت المحلات

واعتقد هذي حقتها



وقالت ايضا في رد اخر
مالقيت غير هذي الصورة مو نفس اللي عندي بس نفس الادوات
لانه اللي عنده مطحنه مع الجنب
واللي يخرج منها الهواء على الجهه الثانيه


شفتي الفناجنين اللي تحت فوقها زي اليد تلفينها على اليمين تنزل وتحطين فيها مقدار القهوة اللي تبغينها وتخلين سطحها متساوي
وبعدين تظغطين الزر اللي عليه صورة فنجان القهوة وتنزل المويه
اللي زي اليد اللي مايله شويه على جنب تلاقينها على الجهه اليسار
هذي لما تسخن المويه في زرار عليه رسمه زي الهواء لما تثبت اللمبه يعني المويه سخنت تضغطين عليها وقيدك حاطه حليب في كوب وتنزلين هي العصايه جوت الكوب ويطلعك رغاوي جوت الحليب
وبعيدن تصبينها على القوة في الفنجان
وسلاماتكم
واتمنى انه اكون فهمتوا عليا
العصايه نزليها في الكوب مرررررررره الين اسفله منها يسخنه ومنها يطلع لك رغوة واذا سخن ارفعيها شويه وتطلع رغوة
والقهوة عبي المكان اللي تحطيه فيه البن والله ماني عرفه ايش اوصفه بس ان شاء الله عرفيته خليه شويه ناقص شويه بس
وحطيه في مكانه وشغلي المويه عليه وعبي ثلث الكوب والباقي كمليه بالحليب
وبالعافيه





لنا عوده


رد مع اقتباس
ام امجاد واثير غير متواجد حالياً  



28-01-1429 هـ, 06:40 صباحاً
#5


عدنا

وش رايكم ب هالمكانس

هذي بالمويه



وهذي بالبخار




بصراحه روعه وعاجبيني ورخيصات <<<< في الخطه الخمسيه القادمه راح استريهم باذن الواحد

وهذا رابط موضوعهم للأخت ابداع

http://forum.hawaaworld.com/showthread.php?t=1091984

.............................. .............................. .......

اله لف ورق العنب



طريقه استخدامها لأن كثير من البنات ما يعرفون لها

وتراها ب 30 ريال

اولا لازم القماش الاسود يكون مبلول بالمويه

ثانيا تفرشين الورقه وتدخلينها باصابعك داخل الفتحه وتكون في الطرف العلوي

(((( اذا كانت الورقه كبيره تقسمينها نصين ))))))
تضعين الحشو

تلفين الطرفين الايمن والايسر جوا (((( كانك تلفين الورق بدون الآله )))

وتدفعين بقوه بيطلع لك الوره ملفوف وش زينه

الصوره المنزله للآله تبين لك الطريقه



انصحك تشترينه من الخيمات ((( اللي يسوونها جمب المجمعات في المواسم ))) وبتلاقين رجال يشرح لك عملي عليها )))

واوعدك اذا صلحت ورق عنب اصور لك الطريقه وانزلها

لأن الآله مو عندي عند اهلي <<<<<ما نحب ورق العنب اهلي يحبونه وما اصلحه الا اذا رحت عندهم

(((((((((((( واذا احد من الاخوات تبي تنزل الطريقه الله يقويها )))))))

واهي تخلي ورق العنب زي كذا




.............................. .............................. ...

الة البيتزا



منقووووووووووووووووووووووووول

المقادير

للعجين
كوب طحين
2 ملعقة زيت زيتون
بيضة
ملعقة صغيرة بيكينغ بودر أو خميرة عادية بس لبيكينغ بودر جربوها بيه تطلع روعة
حليب فاتر

الحشوة
صلصة طماطم
زيتون أسود
فطر
كوب موتزاريلا مبروش
نص كوب بارميزان مبروش
شرائح مورتاديلا او باتي
قطع دجاج مطبوخة

التحضير

العجين نخلط جميع المقادير

نرق العجين نضعها على آلة البيتزا
لدقيقة ثم نقلبها

ونضع باقي المقادير بالترتيب المعتاد



وبالهناء والعافيه

واخت تقول

الة البيتزاء ساعدتني كثير خاصه في العزايم وفي رمضان لان الفرن مزحوم وبرضوه استفدت منها بعمل الشورما دجاج مع الصوص والخضار يعني مالها استعمال واحد عش البلبل برضوه

.............................. .............................. .......

انواع الآ ت التوست او الآت تحميص الخبز <<<< وانا الاحظ اختلاف الماركه ما يفرق

هذي للتوست المحشي (((اي حشوه ))) وانا استخدمها للصامولي او للمفرود تجنن



بس نصيحه لاتستخدمين لاستخراج الخبز اي قطعه حديد استخدمي خشب

وهذي لتحمير التوست ايضا روعه



وهذي ايضا يمدحونها الأخوات



.............................. .............................. ..............


مفرمه الملوخيه
ممتازه لكن استخدام الملوخيه في خلاط الكاس مع الطماطم اسهل

.............................. .............................. ......

اجمع الأخوات على عدم منفعه القلايه الكهربائيه لأسباب عده


تستهلك زيت كثير ................ لا تستطيعين تقليب الطعام بداخلها ............... تترك الأكل طري وغير مقرمش ..........

.............................. ...........................

اجمع الأخوات على فعاليه الغسالات الأتوماتيك بمختلف انواعها مع شذوذ بعض الأراء في عدم تنظيفها الجيد <<<<لكن عن تجربه شخصيه ممتازه جدا

وايضا المجفف الكهريائي ممتاز جدا الملابس من المجفف الى الدولاب ....ملابس البيت لا تحتاج الى كوي اذا استخرجتيها ساخنه وطبقتيها او علقتيها <<<<<عن تجربه شخصيه

وانصح بالغسالات الكبيره اللتي تسع 10 كيلو وما فوق لتغسيل البطاطين والكفرات

.............................. .............................. .......

ولنا عوده


رد مع اقتباس
ام امجاد واثير غير متواجد حالياً  



28-01-1429 هـ, 05:27 مساءً
#6
مشكوره وانا من متابعات الموضوع وهنا افضل مختصر وحفظته عندي


توقيع

استغفر الله الحي القيوم واتوب اليه _سبحان الله وبحمد.
؟أسأل الله العظيم رب العرش العظيم ان يشفيني ويفرج همي يارب العالمين والمسلمين أجمعين
حسبي الله ونعم الوكيل
رد مع اقتباس
بتلات زهر 2 غير متواجد حالياً  



28-01-1429 هـ, 06:01 مساءً
#7


عدنا

عصاره العصير

فيه ناس يستخدمون اليدويه ومرتاحين لها اللي هي هذي

الكبس




وفيه ناس يستخدمون الكهربائيه اللي هي هذي



وفيه ناس يستخدمون اليدويه العاديه <<<< وهذي ما اعتقد بيت يخلو منها فهي سهله عند ارادتك عصر حبه واحده

((((((((((( لا يوجد صوره ))))

ونصيحه مجرب عند شرائك العصاره الكهربائيه او اليدويه احرصي ان تكون حاده ((( اي المكان اللذي يوضع عليه الفاكهه المراد عصرها ان يكون حادا وليس منحني )))

.............................. ............

مبخره كهربائيه



هذي تصلح اذا كنتي مستعجله <<<لكن ريحه البخور ما تضبط

بس الأفضل العاديه والبخور <<<< تطلع ريحه البخور على اصوله

.............................. ..........................

اله غزل البنات


اهي نفس اللي في السوق (((حقت المحلات )))

ما ضبطت معي <<<<< اهو حلو ويسلي بس اذا بغيتي كميات كبيره ما تسوي لك

شريتها من الحسين للألعاب ب 100 ريال

ينحط فيها سكر ناعم عادي مو مطحون

.............................. .............................. .....


المكواة البخاريه (((( نسميها ام عصا )))



وهذا رابط وحده من الأخوات اميره المنتدى تمدحها

http://forum.hawaaworld.com/showthread.php?t=1089804

وفيه ناس يرتاحون لليدويه بالبخار او عاديه >>>> وهذي تنفع للي عندهم شغالات <<< عشانهم ما يعرفون الا لها


.............................. .............................. ................

صانعه الخبز



على العموم الات الخبز تختلف من نوع الى نوع
وفي منها احجام مختلفة
اللي عندي حجمها متوسط من ماركة
Panasonic
معها كتاب بالانجليزي فيه عدة طرق لعمل الخبز
واهم شئ انك تتبعي الطريقة والكمية بالظبط

الطريقة اللي عندي
كوب ونصف ماء
اربع اكواب وربع دقيق خبز
ثلاث ملاعق كبيرة سكر
ملعقتين كبار حليب بودرة
ملعقة ونصف صغيرة ملح
ملعقتين كبار زبدة بدرجةحرارةالغرفة
ملعقتين صغيرتين خميرة بيرة

اضع المقادير في الصينية المرجودة في الالة
واضغط على زر العجن والخبز

طبعا هي اتوماتيك راح تعجن لوحدها وتنتظر قليلا وتخبزها
وتطلع لك مثل خبز اللوف الجاهز


اتمنى اني افدتك
لكن أكرر لكي ان الالات مو مثل بعض واحجامها تختلف
الافضل انك تستخدمي نفس المقادير المكتوبة في الكتاب المرفق للألة

لنا عوده




لاتنسوني من الدعاء


رد مع اقتباس
ام امجاد واثير غير متواجد حالياً  



28-01-1429 هـ, 06:04 مساءً
#8


عدنا
اله الدونات <<<<<<<<<<<ما يمدحونها البنات



حبيبتي الة الدونات ماتنفع ابداً زي آلة المعمول عجينة بالوسط واذا طولتي الوقت احترقت ومازالت عجينة من الداخل

واخري تقول

آلة الدونات أمي تصلح فيها تستوي بس طعمها مو حلو كأنه كيك عادي

وثانيه تقول

الات الدونات على طول رميتها ماتستوي العجينه وتلصق

.............................. .....................

طباخة الرز



ولا وحده من البنات قالت كيف تستخدمها بس انا كنا مسافرين وفي مطعم كانوا يطلعون الرز منها

بس اعتقد على مويه وملح بس <<<<<على حسب ضني

ياليت البنات يفيدونا

.............................. ......................

سنعود



رد مع اقتباس
ام امجاد واثير غير متواجد حالياً  



02-02-1429 هـ, 12:11 صباحاً
#10
موضوع مميز جدا ياليت اكثر تفصيل عن اسماء ماركات الاجهزه


رد مع اقتباس
اسلوب المرأه غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 11:06 .