السلام عليكم يا أخواتي العزيزات
حابه اني أخبركم بتجربتي طوال خمس سنوات وعن النتيجة يمكن تساعدكم نفسيا ومعنويا.
لما تزوجت طبعا ما كان همي العيال لاني عروس:heart:
مر الشهر الاول والثاني والثالث
وجات البشرى من زوجي انه يبشرني بان زوجه اعز اصدقائه حامل سبحان الله كان عرسه في نفس يوم عرسنا......
قبل ميعاد دورتي قال زوجي خليني اشتري فحص حمل وجربيه طبعا ما عرفه زوجي الا من صديقه ....
وحتى لما اشتراه كنت مستغربه منه ومستحيه ... واستخدمته وطلع ما فيه حمل
حمدت ربي وقلت له مكتوب في يوم يكون عندنا ذرية صالحة باذن الله
ومرت الشهور والكل يسمعنا روحوا تعالجوا ،
روحوا تعالجوا :11retcher
وانا وزوجي من كثر ما نسمع قصص اللي تاخروا في الحمل والله رزقهم من دون علاج طبي بس بالدعاء
قلنا لستشفيات مب عندهم الرزق ، الرزق عند رب العالمين
وجلست اختي تحن علي وقالت حرام،هذي اسباب ، وزوجك يمكن في خاطره في عيال
( يعني انا ما في خاطري في عيال ) :mad:
لك الحمد والشكريالله رزقني بزوج عاقل يصبرني واصبره
وبعد 8 شهور ( وبعد ما قنعونا رحت لدكتوره معروفه وسويت فحص وطلعت عندها ما عندي شي كله سليم وخذت عينة من الحيوان المنوي وطلع كل شي سليم وفرحت واااايد ، وقالت لي الدكتورة اعتبري نفسك تاخرتي في الحمل بعد ما تمر سنة على زواجك
وبعد سنة رحت للدكتورة مرة ثانية واستغربت اني ما حملت
وسبحان الله لما كنت انتظر دوري كانت العيادة حاطة قرآن وسبحان الله سمعت سورة مريم وكأنها رساله لي .
( سبحان الله طول الخمس سنوات ، لما افكرفي العيال كنت اسمع سورة مريم يا في الراديو او التلفزيون ، يعني بالصدفة ، فكانت كأنها رسالة لي تقول اصبري تراه الصبر جميل).
المهم قالت لي الدكتورة يمكن يكون فيه شيء وهذا ما يبين بالتلفوزين روحي وسوي صورة الصبغة
المهم انا شاورت زوجي ورحنا يمكن بعد شهر او شهرين تاخرنا في الروحة ما اتذكر ليش
وسويت الاشعة وتألمت منها وطلعت وانا اصيح واقول لزوجي اذا بغيت تتزوج روح واتزوج
لكنه جلس يهديني ويقول خلاص لا تفحصي ، واللي سوت لي الاشعه تقول : ماما الولادة اصعب من هذي الصورة )
المهم رحت للدكتوره علشان تخبرني بالنتيجة ، وقالت لي انه الرحم عندي مقلوب وواحد من الانابيب فيه التصاقات ، ويمكن يكون فيه حمل بالنبوب السليم او باطفال الانابيب
انصدمت وحصلت العون من زوجي وقال عندك اولاد ولا ما عندك ، المهم نكون عايشين مرتاحين .
اقنعت زوجي باطفال الانابيب بعد ما كان رافض ، وصليت صلاه الاستخارة
وسمعت عن وحدة تمسح ورحت عندها مرتين بس ماصار حمل
قلت لزوجي ليش ما اغير الدكتورة لاني ما عرفت شو الحل بالضبط عندها .
وفعلا رحت لدكتورة معروفة اكثر من الاولى وسويت عندها الفحص وقالت لي صدمة ثانية
قالت انه الصورة اللي سوبتها يمكن يكون فيها خطأ وبعدين البويضات عندي ضعيفه حتى بالكلوميد
وقالت خلينا نجرب الابر التفجيرية
رحت عن زوجي وقلت اصدق منو فيهم
الدكتورة الاولى قالت انه البويضات سليمة بس المشكله في اللي طلع في الصورة
الدكتورة الثانية قالت فيه مشكلة في البويضات والصورة يمكن تكون خطأ
المهم ما ارتحت للابر التفجيرية وبالاخص اني سمعت انه وحده استخدمتلابر وصار فيها انتفاخات في البطن .
استخرت ربي في الابر وسمعت عن اطفال الانابيب اكثر وعن مستشفى معروف يسوي هذي العمليات
قلت بروح اسوي موعد عندهم
وطلبت دكتورة اتعالج عندها
قالوا الدكتورة في اجازة
واقنعتني اللي تكلمني اني اسوي عند دكتور ، لكن الفحوصات تسويها الممرضات ، واذا احتجت لاطفال الانابيب احول عن الدكتورة وهي تسويها
ولما سويت الفحوصات انصدمت مرة ثانية
قال الدكتور انه فيني تكيس
وهذا من اسبابه زيادة الوزن ، وانه وزني زايد ولازم اني انقصه :7_5_122: ، وعطاني حبوب للتكيس ، وسبحان الله لما كنت متزوجه كنت وايد ضعيفة ولما كملت سنتين بدا وزني يزيد ،
وثاني شيئ قال انه الصورة اللي سويتها ما فيها أي مشاكل
والانابيب سليمة
من اصدق فيهم ؟؟؟؟؟؟؟؟؟؟؟؟؟؟؟؟؟؟؟؟:confused:
طبعا ما ادري ليش ماحسينا بالراحة من الدكتور وقلنا بنغيره وبعد شهرين تقريبا سويت موعد عند الدكتورة المنتظرة ، وقالت لي لازم تنقصي وزنك ولا بيصير عندك تضخم في المبايض وتؤدي للوفاة :eek:
وفعلا نقص وزني والكل مستغرب اني ضعفت
وخطفن شهرين كنت اتصل بالمستشفى علشان اسوي موعد عند الدكتورة يقولوا طالعه اجازة :( بعدها بدا وزني يزيد وسمعت عن الاعشاب ،وصليت الاستخارة علشان استخدمها ، وسبحان الله كنا كل مانسير السوق ننسى الفلوس في البيت او ننسى العنوان او ننسى سالفه الاعشاب
فكنت مرة ارتب اغراضي واقول لزوجي يمكن الاعشاب مب مفيدة لاني ما احس انه اتيسر لنا موضوعهن , وبعدين لقيت عنوانهم وانا ارتب قلت اجرب ولازم اسعى,
وعطاني الادوية الغريبة وقال استخدميها مدة شهر
عسل ومرمرية وصبر وغيره من الادوية
وصبرت على الاعشاب علشان لما اروح للدكتورة تشوف التكيس راح ولا لأ لأنه عندي تكيس حاد
وخطفن 20 يوم
وصارت عندي لوعة من الاعشاب لدرجة اني اشربه وانا مغمضة :09:
لين صرت ارجعه :44:
وما ادري كان زوجي حاس اني حامل وحتى اخته ,
قلت له خلاص انا بسوي الفحص مع انه الدورة مش متأخرة وااايد ، وطلبت منه اني اخذ بريك من الاعشاب لاني مليت منها حتى لو ما طلع حمل عندي
واشتريت الفحص وكانت صدمة حلوة ماتوقعتها
وقلت لزوجي روح واشتري فحصين علشان اتأكد
وفعلا طلعت حاااااااااااااااااااااااااااامل :icon28:
سجدت لربي سجده شكر، وجلست ابكي لانه ربي رحمن رحيم وكريم رغم تقصيرنا في العبادة
وعطاني ربي الذرية من دون عمليات ومن دون ما احس انه خطفن علي 5 سنوات يعني ما احس اني عانيت في حياتي الزوجية
والصبح رحت العيادة وخبرت الدكتورة اني متأخرة واني ابى اتأكد من الحمل ، وانه حملي كان بعد ما استخدمت الاعشاب
وكانت المفاجأة اني كنت حامل قبل ما استخدم الاعشاب 12 يوم
وانا لما كنت ارجع الاعشاب كان هذا وحاااام
سبحان الله
ابصرااااااااااااااااااااااااااااحة
لا خاب من استخار
استخيروا ربكم في كل صغيرة وكبيرة
واكثروا من الاستغفار
زوجي كان يستغفر 500 مرة في اليوم ، وبعد ما رزقني الله بولد الله يحفظة من كل شر ، صار يستغفر زوجي 1000 مرة
الله يرزق كل مسلم ومسلمة بالذرية الصالحة
الله يحفظ لي زوجي وولدي واسرتي من كل شر
ونصيحة اخيرة : اذا كنتي متأخرة في الحمل لاتخبري أحد انك رحتي العيادة وسويتي فحوصات ، هذا شي خاص بينك وبين زوجك ، واذا سألوكم قولوا ما فينا شيء ولو كان فيكم شي .
كنت اسكت القريب والبعيد بهذا الشي لما يسألونا ( اقولهم فحصنا وما فينا شيء ) وانا ما كذبت هذا كلام اول دكتوره .
والسلام عليكم ورحمه الله وبركاته
sun2moon @sun2moon
عضوة جديدة
يلزم عليك تسجيل الدخول أولًا لكتابة تعليق.
mahabba
•
الف مبررررررررررررررررررررروك
الله يتمم لك على خير ويرزقك الدرية الصالحة
على فكرة حتى انا لي خمس سنوات متزوجة وللان لم ارزق باطفال
دعواتك لي بالدرية الصالحة
الله يتمم لك على خير ويرزقك الدرية الصالحة
على فكرة حتى انا لي خمس سنوات متزوجة وللان لم ارزق باطفال
دعواتك لي بالدرية الصالحة
بسم الله الرحمن الرحيم
الف الف الف مبروك يا اختي الله يرزقني انا وانت وجميع المسلمين يا ربي يا كريم
الف الف الف مبروك يا اختي الله يرزقني انا وانت وجميع المسلمين يا ربي يا كريم
الصفحة الأخيرة
ربنا يكرمك بكل الخير