منتديات عالم حواء
/
القسم العام
/
التغذية والصحة
/
عسل وثوم .. وصفتي المجربة للي يعاني من حساسية الأنف المزمنة والربو .. وبالمقادير
|
|
27-12-1428 هـ, 10:42 صباحاً
|
#1 |
 عضوة فعالة 
تاريخ التسجيل: 09-12-1428 هـ
المشاركات: 576
|
عسل وثوم .. وصفتي المجربة للي يعاني من حساسية الأنف المزمنة والربو .. وبالمقادير
السلام عليكم حبيباتـــــــــي وخواتــــــي ف عالم حــــــــــــــواء
حبيت أقدم وصفة للناس الي يعانون من حساسية الأنف أو الربو أو انسداد الأنف المستمر خاصة اللي يجي خلال فصل الشتاء أو لما يكون الجو فيه غبار .. وبالتالي يأثر ع الناس ويسبب لهم حساسية .... وأنا من الناس اللي صابتهم هالأعراض وكانت مدة الحساسية بالأنف تقعد معااااي حوالي 6 – 7 شهور .. انسدااااد بالأنف ... وحكة ف الحلق ... غير التهاب اللوزتين .. وضيق تنفس ووصفولي الأطباء هالأنواع من الأدوية وما فادت معااااااااي ... بس بذكرها لكم : دوا الأكتفيد .. حبوب الكلارتين المضادة للهيستامين ... بخااااخ الأنف ... بخاخ خاص بالربو ... وكلها طبعاً مصحوبة بالمضادااااات الحيوية .. مضاد حيوي سايز 100 و300 و500 اللي هو أقوى نوع .... كل هالأشيااااااء جربتها على مداااار ثلاث سنوات متتابعة وما كانت تعطي نتيجة ... وعااااد إنتو تخيلوا 6 أو 7 شهور الفاين دوم ف إيدكم أو تحسووون بضيق نفس وصدااااع وحالتكم حاله ..غير سقوط الشعر نتيجة المضادات الحيوية ... وشحووووب الوجه .. يعني نظارة البشرة اختفت ...  وآخر شي جربته من العلاج كان إبر الكورتيزون ... خطير بس خذيته عشاااان أرتااااح ... وفعلاً راحت الحساسية فترة ورجعت ... بس ما أنصحكم فيه (( الكورتيزون )) ممكن يسبب فشل كلوي على رأي الطبيب اللي عالجني ... المهم تعبـت من شي اسمــــــــــــــه عـــــــــــــلاج ومضــــــــــــادات وإبـــر وغيره ........  فلقيت هالوصفة بالصدفة ... وهي : 14 ملعقة طعام عســــــــــــــــل طبيعــــــــــي أصلي  + 7 فصــــــــــــــوص ثـــــــــــوم  طريقة التحضير كالتالي : تجيبون برطمان زجاااااجي نظيف ومعقم داخل الفرن .. وبعدها تحطون العسل ف البرطمااان تقشرون فصوص الثوم وتقطعونه شرااااايح بالسكين مش بالفرامة ال7 فصوص ... تغلقون البرطمان بشكل جيد وينحط ف مكان بارد وجاف .. حتى لو ف المطبخ عاااااااااادي يستخدم بعد مرور أسبوع طريقة الإستعماااااال : - ملعقة طعااام صباااحاً قبل الفطور أو الريوق بنصف ساااعـــة كاملة .. ولازم ينمضغ باللسان وياخذ فترة ما تقل عن دقيقة ف الفم .. - ملعقة طعااام مسااااءاً قبل النوم مباشرة بنصـــــف سااااعة يعنــــــــــي المجموع ملعقتين في اليوم الواحد .... وهالوصفة لأسبوع وممكن زيادة الكمية ... أدري ريحة الثوم تضايق بس أنا مجربتها وراحت الحساسية اللي عندي بالشهور ... وصار لي سنتين ما أستخدم أي علاج أو أي مضاااد حيوي و (( بالنسبة لي خذ الموضوع أسبوع ونص تقريباً )) وأنا أتناول الوصفة ... وراح أذكر لكم بعض الأعراض اللي صاحبت هالوصفة معاااي بعد ما جربتها : - حدوث اسهااال .... ولا تستغربون ........ لأني قريت ف بعض المصادر إن العسل الطبيعي يعمل على تذويب البلغم و تنظيف المعدة من الجراثيم الناتجة عن البلغم وغيرها من أمراض المعدة . - مفعول الثوم يعمل كالمضاااد الحيوي ويقوي منااااعة الجسم .. ويرجع للجســــــــم صحته .. ملاحظة : -- بالنسبة للعسل حبيبااااتي لازم يكون أصلي مو مغشوش ... ويفضل تاخذون العسل اليمني ... غااااااااالي بس أصلي ... وعلشااان تعرفون الأصلي من المغشوش (( العسل الأصلي ثقيل ورايق وما يتجمد إذا انحط بالثلاجة ... وطعمه لاذع ويلسع اللسان وتشمون ريحة الخلية أو الشمع )) والعكس صحيح ... العسل المغشوش بيجمد وريحته عاديه .. وطعمه يجي بدون لسع ف اللسااان ... فانتبهوا لها النقطة )) ... -- و حبيت أوضح شغله إن الربو عندي كان مصاااحب لحسااااسية الأنف .... واختفى مع اختفاااااء الحساسية .. يعني ما عدت أتحسس من الغبار زي قبل .. فما أدري وش العلاقة ... بس ****لله يفيد الناس اللي تعاني من الربو المزمن . وتحياااااااااااتي لكم يا الغالياااااااااااااااات ... ولا تحرموني من دعوااااتكم الحلوة يا رب دلع سنفورة 
اللهم اغفر لي واغفر للمسلمين والمسلمات سبحانك الله وبحمدك .. سبحان الله العظيم .. استغفر الله
 |
|
|
|
27-12-1428 هـ, 11:07 صباحاً
|
#2 |
|
عضوة فعالة
تاريخ التسجيل: 25-12-1428 هـ
المشاركات: 643
|
اخت دلع وصفتك ربما تساعد في علاج الحساسية
بالنسبة للعسل فالافضل استخدام البريبوليس (الشمع ) واكله مع العسل فهو علاج جيد للحساسية فهو ان شاء الله علاج للحالة بدون اعراض جانبية ويساعد في الحفاظ على مستوى الهيستامين المتسبب في الحساسية ========= اما الثوم فله استخدام وحينما يتم قطعه او فرمه فان المادة الفعاله تتطاير وافضل عدم استخدام الثوم لمن تعاني من انخفاض ضغط الدم او من سيولة الدم او من لديها تقرحات في الامعاء او قرحه معديه او من امراض الامعاء او الالتهابات لانه يحدث اسهال واضطرابات معوية بسبب المواد الفعاله المتواجده بة فيجب الحذر ========= معرفة العسل الطبيعي ليس بالتجمد فالعسل يختلف من نوع الى اخر حسب الرطوبة وغير صحيح مايقال عن التجمد او غيره من وضعه في الثلاجه او غيره لمعرفة العسل الطبيعي هو المختبر فقط .وليس بالشم او الرائحة |
|
|
|
|
27-12-1428 هـ, 11:22 صباحاً
|
#3 |
 محررة فضية تاريخ التسجيل: 05-05-1428 هـ
المشاركات: 3,021
|
مشكوره ياعسل
|
|
|
|
|
27-12-1428 هـ, 11:46 صباحاً
|
#4 |
 عضوة نشيطة
تاريخ التسجيل: 18-12-1422 هـ
المشاركات: 492
|
الله يجزاج خيييير على الوصفة والله ينفع بها ان شاء الله ...
|
|
|
|
|
27-12-1428 هـ, 08:57 مساءً
|
#5 |
 محررة
تاريخ التسجيل: 28-07-1427 هـ
المشاركات: 1,959
|
جزاك الله خير وربنا يسعدك .
 |
|
|
|
|
28-12-1428 هـ, 01:11 صباحاً
|
#6 |
|
محررة تاريخ التسجيل: 25-01-1428 هـ
المشاركات: 1,674
|
يناسب لثلاث سنوات
اختي
ان وقفتي عند توقيعي فادعيلي بتفريج الهم |
|
|
|
|
28-12-1428 هـ, 04:25 صباحاً
|
#7 |
|
محررة فضية
تاريخ التسجيل: 09-09-1425 هـ
المشاركات: 3,324
|
جزاك الله خيرا
|
|
|
|
|
28-12-1428 هـ, 07:13 صباحاً
|
#8 | ||||||
|
عضوة فعالة
تاريخ التسجيل: 09-12-1428 هـ
المشاركات: 576
|
مشكورة يا الغلا ع النصااايح ... بس بالنسبة للعسل فيه ناااس خبيرين بالعسل الأصلي ولو بطرق تقليدية .. وممكن اللي يحب يتأكد يروح المختبر مثل ما تفضلتي .. وأسعدني مرورج العطر ..
العفو حياااااتي ... وأسعدني مرورج يا الغلا
وإياك ِ .. ومشكورة ع المرور الغاااااااوي
وإياك ِ .. وألف شكر ع المرور الطيب
ما فهمت قصدج يا الغلا .... بس إذ تقصدين إن الفترة اللي استخدمت فيها الطريقة قصيرة وعالجت الثلاث سنوااات ... أحب أوضح (( إن الثلاث سنين كلها علاجات كيميائية .. وآخرها إبر الكورتيزون اللي مفعولها شال الحساسية لفترة زمنية تقدر ب3 أو 4 شهور )) خلال فترة الشتاء والإبرة مضرة مثل ما وضحت .. واستعملتها مرتين على مدى سنتين بجانب المضاد الحيوي .... ولكـــــــن السنة الرابعة ..هي السنة اللي شفت الوصفة صدفة عند بعض عجايزنا اللي يعالجون الكحة والسعال بالعسل والثوم .. فحبيت أتجه لإتجاهم وأجرب على عمري .. والحمدلله فادت معاااي ... ****لله أكون وفيت ف الرد يا الغلا
وإيااااك ِ.. وأسعدني مرورج العطر يا الغلا
|
||||||
|
|
|
|
28-12-1428 هـ, 03:02 مساءً
|
#9 |
 محررة ذهبية
تاريخ التسجيل: 25-12-1427 هـ
المشاركات: 4,067
|
الله يعطيك العافيه ويتمم عليه نعمه الصحه
أنا خارج الخدمة
|
|
|
|
|
28-12-1428 هـ, 03:10 مساءً
|
#10 |
 محررة برونزية
تاريخ التسجيل: 22-07-1425 هـ
المشاركات: 2,442
|
جزاك الله خير وبارك الله فيك
طيب وش اللي يوخر رائحة الثوم لأن تعرفين نخالط ناس وهالوصفه تصلح لجميع الاعمار يعني الاطفال من عمر كم نقدر نستخدمها معهم
قمه الحرمان ان يجبرك الصمت على الكلام ويعجزالكلام عن التعبير
وتصمت ويبقى ألمك 
|
|
|
|
| أدوات الموضوع | |
| انواع عرض الموضوع | |
|
|
العرض العادي
