::*:: أنــــــــــا حـــــــــــــــــــــامــــــ ــــل ::*::

اللهم صل على محمد وآل محمد

باركوا لي بناااااااااااااات انا حامل !!!!!!!!!! والله اني نفسي مب مصدقة وخايفه ان الدوره تنزل علي بأي لحظة من الخوف والصدمة ........... ما تتخيلون فرحتي اشكبرها
الله يرزقكم وحده وحده بكل ما تتمناه والله لا يراوي اي وحده الحرمان والالم اللي عشته الحمدلله ألف حمد وشكر لك يا رب العباد
:icon28:

من 4 ايام الدورة اتأخرت علي وانا مثل ما بعضكم يعرفون عملت تلقيح صناعي فشل من أول مرة وخذت شهر راحه على اساس ااني اعيدها هذا الشهر ... انتظرت الدورة يوم يومين .. اربع .. وبتاريخ
28 نزلت علي كمية بسيطة جدا من دم لونه بني تقريبا مع الالام بسيطة وقلت خلاص جتني مع ان آخر دورة كانت بتاريخ 30 - 11
لكن في نفس الوقت انقطعت الدورة لحد يوم 30 اتصلت بالدكتورة قالت لي راجعيني ضروري بكرة الصبح .. رحت وقلبي بيوقف من الخوف ولساني ما له غير جملة استغفر الله ربي العظيم وأتوب اليه .. رحت لها اليوم والدموع والضيق بيخنقوني
وسوت لي التراساوند لاحظت دائرة صغيرة في الرحم شكت و قالت لي بسوي لج تحليلين للبول كرمكم الله و للدم .. وبعد تست البول شافت خط خفيف جدا في التست باركت لي قلت لها ابداً .. ما بفرح الا بعد تحليل الدم علشان ما أعشم نفسي وزوجي ونفرح على الفاضي :( ياما انحطيت في هالمواقف :angry2:

قالت لي النتيجة اليوم المســــــا .. وانا من الخوف والضيق يلست افكر مع اني من امس مب نايمه لكن مع هذا النوم ما زارني و زوجي ذبحني من اسئلته :arb:
وعلى الساعة 6 ونص المغرب وانا اجهز نفسي للصلاة اتصلت الدكتورة تقول لي :
ألف مبروك انتي حامل ... وصار لك 4 أسابيع حامل
:icon28::icon28::icon28::icon28::icon28:

صدقوني ارتجفت و ضليت اصيح و اضحك من الفرح جتني حالة من الفرح اول مرة احس فيها طبعا ما تتخيلون فرحة زوجي والاهل بالخبر .. الحمدلله على كل حال والله اني دعيت لكم من كل قلبي الله يرزقكم بالحمل السليم والطفل الصـالح والسليم .. ادعوا لي ان حملي يثبت ..


يالله انتظر ردودكم الطيبة
:26: