12-12-1428 هـ, 05:44 مساءً
السلام عليكم ورحمة الله وبركاتهـ ...

كل عام وانتم بـ 100 خير ^_^

من اسبوعين تقريباً وانا اقول بكتب هالموضوع

وكل يوم اقول بكرهـ هع هع هع

انا الحين عمري 17 سنهـ

وعندي حب الشباب من كان عمري 14 سنهـ

طبعاً استخدمت اشياء كثيرهـ

احياناً ما تفيد واحياناً انا اللي ما احب استمر

طبعاً راح اكتب لكم العلاج اللي استفدت منهـ ^_^

اول شي :

لـ حب الشباب

علاج اسمهـ Dalacin T (( دلاسين ت ))

طبعاً هو محلول يجي فوقهـ زي الاسفنجهـ عشان توزعينهـ ع المنطقهـ المصابهـ

ممتااااااز جداً

يعني خلال اسبوعين بيخف بشكل كبيير

طبعاً هو يختلف حسب نوع البشرهـ

بس ان شاء الله كلها شهرين او 3 شهور ويروح كل حب الشباب ^_^

وهو يخفف الاثاار ايضاً

سعرهـ 28 ريال سعودي .. صناعتهـ أمريكيهـ

اشتريتهـ من صيدلية النهدي وتحصلونهـ بكل الصيدليات ^_^

تقدرون تبحثون عنهـ بالنت .. لأن كثير استفادوا منهـ

هذي صورتهـ .. >> عذراً مو واضحهـ مراا عشانهـ تصوير جوال







طبعاً لما استخدمت Dalacin T خف الحب بشكل كبير

فصارت الاثار اوضح من الحب

عشان كذا قررت اني استخدم شي يروح هالاثار

قرأت كثير عن تجارب البنات مع Contractubex

طبعاً هو يستخدم لأثار الحروق والعمليات واثار حب الشباب والجدري (( العنقز ))

وهذا موضوع لـ تجارب البنات

http://forum.hawaaworld.com/showthread.php?t=940790

وتقدرون تبحثون بالنت وتشوفون تجارب البنات بالمنتديات الثانيهـ

هذي صورتهـ جبتهـ من نفس الموضوع اللي حطيت لكم الرابط حقهـ



هذا اتعب وانا اقول عليهـ ممتااااااااااااااااااااااااااا اااز

مكتوب عليهـ يعالج خلال 3 اشهر

لكن خلال 3 اسابيع بتشوفين العجب ^_^

بيخف بشكل كبييييييييييير

انا صار لي تقريباً شهر ونص .. النتائج فتااااااكهـ

بس فيهـ عيب

انهـ يحرق بصورهـ مو طبيعيهـ .. >> اللي يبي الدح ما يقول اح (( معليش تحملوا حراراتهـ عشان النتيجهـ ^_^ ))

انا لما قرأت تجارب البنات قلت اكيد ما يحرق بس دلع بنات هع هع هع >> مسويهـ فيها قويهـ

بس لما جربتهـ حسيت وجهي يحتررررق

عشان كذا مستحيل استخدمهـ وانا صاحيهـ

استخدمهـ لما اناااام

وطبعاً ما راح احس ^_^

واللي تقدر تتحمل حرارتهـ >> ما اظن احد يقدر عليها هع هع

تستخدمهـ بالوقت اللي يريحها

طبعاً في نقطهـ مهمهـ

هو جل >> مو جل غليظ .. سائل نوعاً ما

لازم تدلكينهـ لين ما تمتصهـ البشرهـ

لو ما دلكتيهـ ما راح تستفيدين شي

طبعاً الوجهـ كلهـ ما ياخذ 5 دقايق بالتدليك

استخدمتهـ لـ كتفي لأن فيهـ اثار حب شباب

وخف كثييييير .. بس بالكتف ما يحرق يعني حطيهـ بـ اي وقت مو مشكلهـ ^_^

سعرهـ 33 تقريباً .. صناعتهـ ألمانيهـ

نصيحهـ ::

يا بنات لا تقعطون العلاج وتركوا عنكم الكسل

كل ما كسلتي تحطين منهـ .. حطي في بالك كيف حيكون شكلك لما يروح كل حب الشباب واثااااارهـ

وصدقيني بتروحين طيراااان ع العلاج

ولا تنسون الدعاااااء .. تراهـ اهم شي .. وادعي بنيهـ صادقهـ ان ربي يشفيك ..وان شاء الله ربي يستجيب دعواتكم ^_^

طبعاً انا لسهـ عندي شوية اثار وشوية حب الشباب بس مقارنة بحالة وجهي قبل ..الحين ولا شي .. وان شاء الله يرووووح كلهـ وارتاح منهـ

طلب أخير

اللي تدخل الموضوع ترد حتى لو تكتب نقطهـ

مو عشاني

بس عشان باقي البنات يستفيدون

لأن مشكلة حب الشباب والاثار يعانون منها كثير

يعني رد واحد ما راح يتعبك .. وبنفس الوقت بتاخذين اجر لأنك بترفعين الموضوع عشان غيرك يستفيد ^_^

واللي ما تبي ترد براحتها .. انا عارفهـ ان بعضكم يمكن مشغول او ما عندها الا وقت محدد عشان تجلس ع النت

واللي عندها اي سؤال لا يردها الا الكيبورد

طبعاً انا بكون هالاسبوع مشغولهـ شوي >> عشان شبكتي
يعني لا تزعلون لو تأخرت بالرد

وعذراً ع الاطالهـ
12-12-1428 هـ, 06:31 مساءً
حبيبتي يعطيكي الف الف الف عافيه وانا اعاني من حب الشباب

ان شاء الله...........الرجاء الانتباه للفظ الجلالة والمشيئة....عالم حواء
راح اجربه واقولك على النتايج اول بأول
لكي مني ارق تحيهــ......
12-12-1428 هـ, 06:35 مساءً
الله يجزاك خير
12-12-1428 هـ, 06:48 مساءً
السلام عليكم
.
سبحان الله وبحمده سبحان الله العظيم
12-12-1428 هـ, 06:53 مساءً
نقطهـ
12-12-1428 هـ, 07:01 مساءً
الف مبروك
وجزاك الله خير ياعسولة
12-12-1428 هـ, 07:01 مساءً
ههههههههههههههههههههههه

قصدي نقطهـ كذا (( . )) عشان ما تتعبون انفسكم

مشكوووورات ع المرووور

^_^
12-12-1428 هـ, 07:30 مساءً
الله يجزاك خير


اضغطي على الصوره لمعرفة لماذا حذف توقيعك .
12-12-1428 هـ, 07:58 مساءً
تسلمين ..

ومبروك الشبكه ^_^

الله يتمم لك على خير


** ان القلب ليحزن وان العين لتدمع وانا على فراقك ياوالدي لمحزونون **

(رحمك الله ياوالدي واسكنك فسيح جناته وبلغك منزله الصديقين والشهداء)
12-12-1428 هـ, 09:24 مساءً
يعطيك العافيه وموفقه يا قمر

اللهم أغفر لوالدي كل شي حتى ماتسأله عن شي اللهم أن كان له حاجه أعلمني أياه


الساعة الآن 09:47 .

جميع الحقوق محفوظة - عالم حواء - 2015