طرق تقديم المهر.......وطريقة عرض الذهب ادخلي وخذي فكرة وساعدينا بافكارك!

طرق تقديم المهر.......وطريقة عرض الذهب ...
كل عيد وبيوتكم عامرة بالمسرات والأفراح :icon28:....قلت ما دام الدعوة عيد ليش يا elms:27: ما تحطين شئ يفرح بناتنا العرايس وعيالنا المعاريس:39: وتوفرين الجهد على المعرس وأهله في ......اكيد موتقديم الشبكة والمهر (تحلمون :booo::42:خخخخ قاعدة امزح ).....إنما طريقة التقديم وتدرون أن الشخص يكون حايس:icon810::09: يدور على أفكار:freak6: لتقديم المهر ومن هاذ المنطلق الإنساني في مساعدة شبابنا وأمهاتهم وخواتهم
وكل آل ..........شكلي قلبتها خطبها) المهم نرجع لمحور حديثنا واترككم مع الأفكار المتنوعة بس نصيحة البساطة البساطة والذوق أهم من أي شئ ثاني وخذي الشئ الي يناسبك ويعبر عن ذوق أهل المعرس ....خلاص انتهت المحاضرة وتفضلوا ولا تنسونا من الدعاء وأي فكرة حلوة يسعدني انك تضيفينها..

1- ينحط في صندوق - مثل المندوس - و فيه عطور عربية أو على ذوقج و فيه بوكس صغير للمهر
و تكتبين على الصندوق من داخل قصيده بإسم المعاريس
شي يديد و حلو و راقي
أو تحطين مصحف صغير و جنبه بوكس للمهر و بنفس المندوس
2- شوفي عند القرشي العلب الكبيره الي من خشب
اشتري منه واحد الي له درج من تحت سحاب للمهر وفوق حطي غرشه او اثنين خمس تول دهن العود و عود بعد جنبه
احلا ما يهدى
3- في فكره شفتها بمحل..

جايبين استاند مرايه صغيره وشالوا المرايه وخلو البرواز ومكان المرايه حطوا مجسم للرقبه بالمخمل ومعلقين عليه الطقم ومزينين القاعده بالورد وحاطين مجسم يد ملبسينه الاسواره والدبله يمكن ما وصلت الفكره بس الشكل كان فخم جدا..
4- قفص عصافير..

تقدرين تفصلين قفص عصافير بمحل وتدخلين كرستالات بالحدايد فتصير الحدايد الأعمده كلها كريستال..
أما لو ماتقدرين جيبي قفص عادي ورشيه باللون الأبيض وفيه بخاخ بويه يبخ لمعه جليتر خذي الشفاف..
وزيني القفص بورد أحمر من برهونزلي حبال لولو أو كريستال بينهم

من داخل يحط حمامتين بيض كبار طبعا مو حقيقيه.. يعني ممكن من فلين وتلبسونها انتوا ريش..
الحمامتين كل وحده ماسكه طرف العقد من جهتين..
أرضية القفص إعملوها بالمخمل الأحمر أو لون الورد بس يكون شوي القماش مو مفرود.. ومثلا رصي عليه الإسواره والخاتم والحلقان.. تقدرين تطلبين من المحل يحط لك قاعدات للقطع حتى تثبت..
ومن تحت زينيه بالورد الأحمر خليه يدخل أغصان خشب تجي نحيفه وزيني من جوه الورد ويكون مرتفع عن الحمامتين وتشبكين فيها الحلقان..

الدبله حطيها على شي بارز مثل حمامه صغيره كأنها ماسكته وتقدمه وراسها مرفوع أو ورده وهي بوسط الورده ..

أنثري لولو أو كريستال حسب اللي استعملتيه بالقفص من بره في القاعده من جوه..
قلنا زيني القفص من بره يعني مو بس من تحت حتى من فوق بطريقه مايله أو عشوائيه..

ممكن إذا تبين القفص ما يكون كله بأعمده يعني من الجوانب ومن الواجهه والخلف خليه يقصه بطريقه متدرجه طالع نازل وأطرافها الحاده غطيها بحبة لولو أو كريسنال كبيره.. وبكذا بتظهر الأشياء اللي داخل..

بس حلو اذا اخترتي الورد مايكون فاتح حتى يظهر الطقم والشكل..

هذا اللي ببالي الآن.. أتمنى أكون أفدتك
5- تقديم الشبكة ....جتني جوا بوكيه ورد كبييييير لونه احمر
وبالنص غصون زي العش كبير كان الطقم فيه
وتحت على جنب عشين صغار حق الدبل
ووكانو مركبين بين الورد لولو ابيض حبات كبار على ستاندات مررره كان شكلها حلو
والكارت كان خشب محفور عليه الكلام معلق برضه على ستاند وكان مكتوب فيه (الى (اسمي ) شكرا انك قبلت تتزوجيني (اسم زوجي ) )
6- حطينا الشبكة في سفينه فيها قرااابيع كثيره حلو

والخاتم والدبله والحلق في صدفات منثوره تحت السفينه

والساعه على صخره ملبسه مره كانت روعه الحركه
7- هاذي فكرة لعرض ذهب العروس .... تعرفين استاند الرقبة الي يعرضون فيه الذهب في محلات المجوهرات ممكن تحصلينه في محلات

الورد وتستأجرينه منهم في منه أبيض وفي منه مغطاي بشامواه أسود .. الأسود أحلى ..

ممكن تاخذين عدة قطع من هذا الاستاند وتحطين كل استاند في سلة حلوة تشترينها على ذوقج

يفضل أنها تكون بسيطة ودور ما داير حوالي الاستاند ترتبين ورد جوري أحمر وأبيض مثلا مع

ورق أخضر .. بيطلع روووووعة .. ممكن تشترين السلة وتودينها محل الورد يرتب فيها الورد

بيكون ثمنه مناسب لان الورد ما بيكون وااايد .. وبعدين حطي العقد مع كمالياته في الاستاند

وحطي الاستاند في وسط السلة وحاواليه الورد .. وفي الحفلة خليهم يمررون السلال على

المعازيم ..
8- تودين صناديق الذهب عند محلات الورد وتخلينه يركبهن على شجرة طبعاً هم يعرفون كيف ؟؟ وهذي مسوينها نحن يوم ملكت أختي وطلعت جناااان .....
الفكره الثانيه تراثيه بما انه ذهب>>> اشتري مندوس ووديه عند محلات الورد وخليه يزينه بطريقه تراثيه ويحط الصناديق بشكل مدرج والعقد الرئيسي لبسيه جره وخليه في الوسط علشان يجذب الإنتباه
9- ستاند من الفلين وتحطين فيه مرايه كبيرة طبعا بروازها يكون فخم .. وتحطين صندوق على الجنب مقابل المرايه .. وتطلعين من الصندوق طقم ذهب او عقد .. وعلى الجبن الثاني من المرايه تحطين
ستاند الخاص بالطقم اللي يكون على شكل رقبة ،، تحطين اثنين بحيث ان الاول متوجه للامام
والثاني يكون خلفه بس ينعكس الطقم في المرايه بحيث نشوفه في المرايه والثاني يكون مواجهنا
وطبعا باقي الستاند الفلين نغطيه بالورد والورق الاخضر
10- هاذي فاضي تاركته لكم ياحلوات علشان تعطونا افكاركم ومافي ما نع تحطون صور تراها افضل بكثير من الشرح .....وتصبحون على خير