الله يسعد اوقاتكم احبتي بالله
من يومين شفت موضوع الحفر عالمرايا للاخت لولو سمسم lolooo-semsem هاد اختي تفريغ مو حفر الحفر بنستعمل الماظه خاصه بالزجاج للرسم والحفر هاد تفريغ حبيبتي وموضوعها حلو كتير كتير والرسومات اليي عرضتها بتجنن فرجعت حنيني لهاد الشغل ونزلت الوان الزجاج والحرير وكل الواني نزلتهم من عن السقيفه وقلت خليني افرجيهم خطوات العمل لانكم كلكم متلي بتحبوا تشوفوا كيف كل شي بينعمل وعلشان هيككككككككككككك
اليوم جهزتلكم مرايه بس بدون برواز وبس اعملها البرواز برجع بعرضها ولا تزعلوا
نبدا بسم الله
بنحضر بترونات للرسم وبنختار وحده
انا اخترت هاي
بنجيب مرايه وبحطها على الطاوله على الجهه الخلفيه بنشتغل( الجهه المدهونه)
بنجيب كربونة الخياطه او اي كربونه بس تعلم عضهر المرايه وبنجيب البترون المرسوم عليه وبنعلم بقلم فاضي او قلم طباعة الستانسل ( معلمات المدارس بيعرفوه) فوق الخطوط شيت الرسمه
بعد ما علمنا كل الرسمه عضهر المرايه بنجيب الكونتاكت الشفاف شيت تجليد الكتب المدرسيه وبنلزقه عالرسمه اللي على المرايه
بظلل المنطقه اللي بدي افرغها واخليها تصير متل الزجاج يعني بدون مادة القصدير شيت المرايه و
بواسطة قلم المشرط او الكتر بنفرغ الرسمه فبينشال الكونتاكت اللي مشينا عليه الكتر
بعد ما انهينا التفريغ بالكامل بنجيب ماده كاويه متل( نترات الصوديوم مية النار) او الفلاش( شيت تنضيف الحمامات) اجلكم الله لانه اقل ضرر لليدين وصيبه عالجهاز التنفسي
بعد 10 دقايق من نقع المكان المفرغ بالفلاش بنمسحه بالجهه الخشنه لليفة الجلي
هلاء صارت جاهزه للرسم بحطها عورقه بيضا عشان ارجع اعلم بواسطة الكربونه والرسمه الخطوط اللي ازيلت بالتفريغ وبواسطة الكنتور الخاص بالزجاج ( المحدد) برسم الخطوط وببدا عملية التلوين
هاي الوان الزجاج من ببيو
التلوين مو بطرقة الدهان لا بغمس الفرشاه باللون منيح وبحط اللون بكثافه كانه تنقيط جنب بعضه واذا بدي ادخل لون علون تمشيح بحط نقطه وبصير امررها هيك الوان الزجاج اوكي
الرسمه صارت جاهزه
بدك اياها تكون مميزه وحلوه وديها عند اللي بيعمل براويز للصور وخليه يعمل الها شكل صندوق صغير ويحط فيو ضو صغير عالكهربا ويبروزها ولما تشعليها شو بيكون منظر البرواز بيجنن عنجد
انا بدي اعمل الها برواز قش وان شاء الله بس اخلصه بفرجيكم اياه
هاي رسمه على الزجاج كنت راسمتها من فتره ولسه بعدني ما بروزتها بس بدي افرجيكم كيف لو جبنا ورق القصدير شيت الشوي وكرمشناه او جعلكناه وحطيناه خلف الرسمه كيف بيصير شكله
شو رأيكم بموضوعي الاول لليله في لسه كمان واحد فاضيه شو اعمل تقاعدت والحركه بالمحل نايمه هالايام وبتسلى بفنوني بس بسليكم معي موووووووووووووو؟
سلام حبيباتي