29-11-1428 هـ, 02:42 صباحاً
السلام عليكم ورحمة الله وبركاته .............

كيفكم ياحرررريم مع البرررررررررررد الله يعيننا عليه

ابي اسالكم عن مستشفى الفلاح "اهلي " بالرياض خصوصا باغبيره سمعت كثير يمدحون دكتورة نساء هنديه عندهم والحجوزات عليها زحمه ...

الله يجزاكم خير ويرزقكم الذريه الصالحه ويرزق كل محرومه بالي تبي ..من قدسمعت عنها او راحت عندها وجربتها تكفون يابنات لاتطنشوني ..

وانا ساكنه بالشرق وهو بعيد عنا ومتردده بسبب موقعه
ربي اجعلني مقيم الصلاة ومن ذريتي ربنا وتقبل دعاء
29-11-1428 هـ, 02:47 صباحاً
؟؟؟؟؟؟؟؟؟؟
سأصــبرحتى يمل الصبر من صبري
وأصـــبر حتى يقضي الله في أمري
وأصـــبر حتى يعلـم الصبـر أنـي
صـــبرت على شي أمر من الصبـر

يارحمن يارحيم ياجواد ياكريم أكرم غاليتي ღwardat_najdღ من واسع فضلكـ وعظيم هباتكـ
29-11-1428 هـ, 02:54 صباحاً
هلا يالغلا

انا الحين اعالج عندها والكشفيه بمية ريال

والدكتوره الهنديه اسمها ساتيا استشاريه

لو تشوفين الزحمه اللي عندها تنحاشين

طق ومطاق انا وزوجي بسببها

تخيلي من الزحمه اطلع 2 او 3 بالليل وفي وسط الاسبوع علشان كذا هو رافض اتابع عندها

مو فاضي لي

وما ارجع للبيت الا وانا دايخه

الدكتوره رهيبه ما فيها كلام تحسينها فاهمه وعلى فكره حمل عندها كثير ومن ضمنهم وحده من قرايبنا
بس الفوضى في المستشفى تقهر

يعني الارقام توصل للميه في فترة المساء اللي تطلعين منها الساعه 2 بالليل

واي استفسار انا حاضره


29-11-1428 هـ, 04:37 صباحاً
زدني صبرا مافهت ليش حاطه استفهامات ؟الله يعافيك على الرفع اذا كان هذا قصدك

توته جزاك الله خيرا وافرا واسال الله العضيم ان يرزقك الذريه الصالحه المعافاه

ويخليلك زوجك ويسخره لك ومايشوف حرمه غيرك .تستاهلين ماقصرتي

طيب بسالك المواعيد الصباحيه اخف زحمه ولا كيف ؟؟طيب اذا اخذت رقمي منتضمين بالارقام

ولا فيه حوسه تتقدم ارقام على ارقام ؟؟
ربي اجعلني مقيم الصلاة ومن ذريتي ربنا وتقبل دعاء
29-11-1428 هـ, 06:47 مساءً
وينكم يابنات ابي افــــــــــــــــــــادة زياده الله يرزقكم من حيث لاتعلمون
ربي اجعلني مقيم الصلاة ومن ذريتي ربنا وتقبل دعاء
29-11-1428 هـ, 08:27 مساءً
انا رحت له بس مشكلته تدخل بالغرفه معك 3 حريم صراحه استحي تكشف علي واصارخ قدام الحريم ماطولت بالعلاج عندهههه
29-11-1428 هـ, 09:06 مساءً
اقتباس مشاركة  (بنت الرياض1429)
انا رحت له بس مشكلته تدخل بالغرفه معك 3 حريم صراحه استحي تكشف علي واصارخ قدام الحريم ماطولت بالعلاج عندهههه
وانا كمان كان يدخل 4 حريم وهي شاطرة بس خوفت بالزحمة تلخبط في الحلات وتركتها ومشيت عند استشاري في نفس المستشفي اسمة د. سمور بس انا بمل بسرعة وما بستمر علي علاج اكتر من 2شهر وربنا يرزقك بالذرية
29-11-1428 هـ, 09:22 مساءً
هلا يا بعد قلبي

مدري وش اقولك على الدعوه الحلوه

قسم بالله اعجبتني قرأتها كم مررررررره

ما اقدر اقول الا ولك بمثل يالغلا


راح اسولفلك بالتفصيل الممل كم عندي من تاتش لوف

المواعيد الصباحيه: تجي الدكتوره للعياده تقريبا على الساعه 11 صباحا

ولازم تحضرين قبل الساعه 12 ويطلعون ملفك حتى لو رقمك 60

تخيلي تجلسين كذا لا شغل ولا مشغله بس انا اجيب معي كتاب ولا اسمع اناشيد من جوالي بالسماعه

المهم لو جيتي بعد 12 يقولون خلاص مافيه

وطبعا المواعيد الصباحيه اخف بكثير من المسائيه

واحيانا تكون الدكتوره توها جايه ونطير من الفرح ثم يجيها حاله ولاده وتروح وتخلي في قلوبنا حسره ونجلس ننتظرها عاد على حسب اذا الولاده طبيعي ما تتاخر ربع او نصف ساعه وتجي

اما اذا عمليه نردد ياليل ما اطولك

وما تخلص من المواعيد الصباحيه الا الساعه 5 العصر

اما المواعيد المسائيه : تجي الدكتوره على الساعه 7:30 او 8 مساء

طبعا احيانا يطمرون دورك تصير فيه حالات طارئه ويا كثرها

واخر وقت للحضور في هالفتره الساعه 10 يعني بعدها ما يطلعون اي ملف

وش بعد ياربي

ايه صح على قولة الاخت الفاضله تدخل معك في العياده ثنتين غيرك يعني وحده على السرير

وثنتين على الكراسي عند المكتب

واذا كنتي تبين تستفسرين وتاخذين راحتك خلي زوجك يدخل معك

ما تخلي معك احد بالغرفه

بس يعجبني فيها سعة صدرها وصبرها وتحسينها فاهمه

انتبهي لا تسوين عندهم اشعة الصبغه لانهم يعورون الواحد وكم وحده نزفت عندهم

سويها عند الاستشاريون رووووووووووووووووووووووعه

واي استفسار انا موجوده لا تستحين يا عمري اسألي اللي تبين اوكى

الله يرزقك ويرزقني وكل محرومه


29-11-1428 هـ, 09:29 مساءً
الدكتورة شاطرة ماشاءلله ..والزحمة عندها فضيعة بس بالها طويييييييييييل وتسمعك وتفهمك..وعلاجها زين ..انا ما جربت بس اسمع عنها واااااااااااااجد.
واذا ماتبين احد يدخل معك في الغرفة دخلي زوجك معك..وقولي للممرضة لاتدخلين احد ..
الله يسهلك ويطعمك الحمل عاجلا غير اجل..يارب.
30-11-1428 هـ, 04:05 صباحاً
بنت الرياض ونجمة الاسرار وتوته والمتغليه ....الله يجزاكم خير ويفتحلكم ابواب رحمته
ويسعدكم بالدنيا والاخره ويحرم وجوهكم ووالديكم عن النار ..

ياااااربيه وش السوات خوفتوني المهم حجزت عندها اليوم الساعه 12 صباحا والله يستر

وبكتبلكم وش سويت عندها اذا الله كتب اروح لها ...
ربي اجعلني مقيم الصلاة ومن ذريتي ربنا وتقبل دعاء


الساعة الآن 04:55 .

جميع الحقوق محفوظة - عالم حواء - 2015