23-11-1428 هـ, 02:40 مساءً
السلام عليكم ورحمة الله وبركاته
اولا رجاء مشرفات لا تنقلون الموضوع لان هذا القسم عليه اقبال اكثر من الاقسام الثانيه وانا محتاجه لهذي المعلومه قبل يوم السبت
ان شاء الله جايه على ابو ظبي من خارج المملكه مرور طبعا...ابات فيه ليله..ودي اشتري من هناك هدايا لبعض اهالينا...كما ان ودي بمحل عبايات
ابغى اقرب الاسواق للمطار وياليت تقولون لي بعض الفنادق الي يكون تحتها اسواق ....بليز بنات لا تطنشوني..حتى لو بحثت في الانترنت ما راح اعرف من الي قريب من المطار ومن الي بعيد...وتراني باجي عند واحده منكم تعشيني اول ما اوصل.... امزح تراني
23-11-1428 هـ, 06:00 مساءً


حياج الله فبوظبي عزيزتي ..

وعشاج عندي لوووول


امممم بساعدج باللي اقدر عليه ..

بخصوص المحلات القريبه من المطار والله مادري ماعندي فكره للاسف ..

عندج ابوظبي مول .. هو مركز تسوق .. وفوقه فندق بس ماعرف اسم الفندق << شو اللي تعرفينه خخخخ .. ونفس المركز في كذا محل للعبي

ومحلات العبايات في محلات بتلقينها في شارع المطار << اسمه شارع المطار بس اظن مو قريب من المطار ..

وفي محلات عبي في المارينا مول في الطابق الثالث تقريبا 4 او 5 محلات

هذا اللي فبالي عزيزتي ..

وان شالله البنات بيساعدونج



23-11-1428 هـ, 06:46 مساءً
هلا عزيزتي ..

الفندق اللي تقصده كتير نايس هو : Rotana Beach Resort ومن الفندق فيه باب متصل بابوظبي مول ..

والمطار يبعد عنه تقريبا 30 - 45 دقيقة ..

على فكرة .. فيه مطعم ايطالي في ابو ظبي مول فووووووووووق يطل على شاطى الفندق اللي متسدحين فيه الاجانب عساهم البلى يجنننننننننننننن اكلهم وخصوصا البيتزا اللي باربع اجبان لا تفوتك ..

والحمدلله على السلامة مقدماً ..
مــا شــــــــاء الله

الحمدلله كما ينبغى لجلال وجهه وعظيم سلطانه
23-11-1428 هـ, 07:01 مساءً
اقتباس مشاركة  (أم التوفي)
هلا عزيزتي ..

الفندق اللي تقصده كتير نايس هو : Rotana Beach Resort ومن الفندق فيه باب متصل بابوظبي مول ..

والمطار يبعد عنه تقريبا 30 - 45 دقيقة ..

على فكرة .. فيه مطعم ايطالي في ابو ظبي مول فووووووووووق يطل على شاطى الفندق اللي متسدحين فيه الاجانب عساهم البلى يجنننننننننننننن اكلهم وخصوصا البيتزا اللي باربع اجبان لا تفوتك ..

والحمدلله على السلامة مقدماً ..

مشكووووره عالتوضيح ..

والمطعم اللي تكلمتي عنه اسمه الفورنوو صح ..؟!

اذا هو اللي تقصدينه انا ذقت من عندهم اللازانيا كانت خياااااااال

الذ لازانيا ذقتها بحياتي

وحمستيني اجرب البيتزا .. تعرفين اسمها ..

واللا اروح اقولهم البيتزا اللي بأربع اجبان ؟؟ خخخخ

. . .

اسمحيلنا جاكلين13

قعدنا نسولف في موضوعج


23-11-1428 هـ, 07:51 مساءً
بالنسبه للمولات....
عندج ابوظبي مول...الوحده مول...المارينا....وفتوح الخير

الفنادق...في واحد فوق الابوظبي مول...وواحد عداله...المريديان...وعندج الملينيوم...

محلات العبي...في ابوظبي مول....شارع الخالدية متروووووووووووووس محلات...والمارينا..الطابق الأول والثاني...وفتوح الخير..


بالنسبه للمطاعم...عندج موكا في ابوظبي مول...وفي المارينا يعجبني حاتم...ويعجبني بعد مطعم صدف...

لكن حابة اقولج ان مافي شي ابدا قريب المطار لأن المطار اخر بوظبي....وكل المولات والمناطق السياحة داخل المدينه
وان شالله البنات ما بيقصرون
24-11-1428 هـ, 04:29 صباحاً
ياهلا فيك اختي

وتوصلون بالسلامه لبلدكم الثاني الامارات

شوفي انا بعطيك كذا اختيار وشوفي اللي يناسبك

وهذا يعتمد على فترة الترانزيت اللي بتقعدينها في ابوظبي

عندك فندق الراحه هذا يبعد عن المطار عشر دقايق له مول تابع له بس بعده جديد مافتحت كل محلاته

واسمه الراحه مول

والفندق الثاني اللي ذكره البنات الروتانا بيتش يبعد عن المطار تقريبا 40 دقيقه

ملاصق للفندق ابوظبي مول حلووو وفيه محلات متنوعه وسينمات

يعني بين الفندق والمول باب مايحتاج تطلعين او تستخدمين تاكسي

وعندك المارينا مول هذا راااااااااااائع مول شرح وكبير ومحلاته تفتح النفس فيه مطاعم متنوعه وسينمات( من احلى المولات في ابوظبي)

والوحده مول خذي فيه لفه

واذا حابه محلات للعبايا والشيل

روحي لمنطقة الخالديه قولي للتاكسي خلف المهيري سنتر

في هذي المنطقه كل محلات العبايا والشيل وجنب بعض

واذا على العشاء انتي تامرين امر بيتك وبين اهلك وناسك

توصلون بالسلامه عزيزتي


رحمـــــــــــك الله يازايد الخيـــــــــــــر
24-11-1428 هـ, 10:23 صباحاً
;kateer nice ما قصرتي وجزاك الله الف خير على المعلومات...اشفيك خايفه يوم قلتي عشانك عندي...............تراني انسانه مرحه اقدس العلاقات الاجتماعيه..ياحبي لك ما تقصرين
ام التوفي ...شكرا لتوضيح اسم الفندق..وشهيتيني للبيتزا باروح اسوي بيتزا بخمس اجبان وشكرا للمعلومات المفيده
ام توتي..ايضا اشكرك وجزاك الله خير...وعسى اني الاقي فندق قريب من المطار
لورا..جزاك الله الف خير وباحاول ان شاء الله اروح لمحل العبايات وما تقصرين يا قلبي
احس اسم السوق الي لزق بعقلي (ابو ظبي مول) مدري ليه يمكن عشان كلكم اجمعتم عليه

شكرا للجميع
24-11-1428 هـ, 10:43 صباحاً
حياج الله عزيزتي في بلدج الثاني الامارات ....

وبخصوص المحلات الجريبه من المطار ... ترى المطار في منطقه كـــــــــــريههه وبعيده عن وسط المدينه ... لكن لا تشيلين هم المكان وروحي لأقرب مووووول ... وبصراحه أنا مب من بوظبي لكني أمووووت على المارينا مول ... وبتحصلين بعد محلات في شارع الخالديه مثل سناء وماكس و أيديكس أسعارهم روووعه وأوكييييييييي ... بس قولي للتكسي خلف المرور أعتقد ...

وتوصلون بالسلامه ...
☺ ربي إني لما أنزلت إلي من خير فقير ☺
24-11-1428 هـ, 02:24 مساءً
اقتباس مشاركة  (جاكلين13)
;kateer nice ما قصرتي وجزاك الله الف خير على المعلومات...اشفيك خايفه يوم قلتي عشانك عندي...............تراني انسانه مرحه اقدس العلاقات الاجتماعيه..ياحبي لك ما تقصرين
ام التوفي ...شكرا لتوضيح اسم الفندق..وشهيتيني للبيتزا باروح اسوي بيتزا بخمس اجبان وشكرا للمعلومات المفيده
ام توتي..ايضا اشكرك وجزاك الله خير...وعسى اني الاقي فندق قريب من المطار
لورا..جزاك الله الف خير وباحاول ان شاء الله اروح لمحل العبايات وما تقصرين يا قلبي
احس اسم السوق الي لزق بعقلي (ابو ظبي مول) مدري ليه يمكن عشان كلكم اجمعتم عليه

شكرا للجميع

لا بالعكس حياج الله فطور وغدا وعشا .. كم جاكلين عندنا

. . .

صحيح كلنا اجمعنا على ابوظبي مول .. بس عشان في فندق فوقه

بس الصراحه المارينا مول اححححلى واوووسع ومحلاته متنوعه اكثر من ابوظبي مول

بس المشكله مافي فندق جمبه .. في فندق الهيلتون قريب منه يعني 5 او 10 دقايق بالسياره ..

وفي فندق قصر الامارات بعد قريب منه << بس راح يخرب ميزانيتكم كلها خخخخخ


وان شالله يارب تستمتعون في سفرتكم




الساعة الآن 09:48 .

جميع الحقوق محفوظة - عالم حواء - 2015