22-11-1428 هـ, 07:09 صباحاً
السلام عليكم ورحمة الله وبركاته


والله ما كتبت وصفة الكريمات دي الا من تجربة

اولا تعبت من لون وجهي ورقبتي الغير متوحد ابدا

فرحت عند دكاترة كتييييييييير ومافي فايدة


آخر شي مستوصف جنب بيتي قريب مني عشان اعمل جلسات تقشير لوجهي واشوف اش آخرتها مع دا الوجه

المهم الدكتورة كانت مرة عسل

اول شي اعطتني حبوب وكريم ادهنه على وجهي عشان حب الشباب اللي على وجهي

وبعد 3 شهور بدأت معايا حلسة تقشير كريستالي

واعطتني كريمات تفتيح ادهنها بعد التقشير

والله ماتوقعت انها كدا بيضت وجهي ياسلام خلته نضر ولون صافي لاقوة الا بالله وبشرة ناعمة وفاتحة جدا (اناماتوقعت كدا قلت يمكن عشان التقشير )

رجعت لها قلت لها تحت اباطي غامق ورقبتي

قالت لي ادهني من الخلطة والله النتيجة جنان

دحين بعد ما خلصت من علاج بشرتي معاها

بستعمل الخلطة لرقبتي والمناطق السوداء بجسمي اي مكان بدهنه بيها باستمرار بعد فترة بيبيض والحلو اني حتى بعد ما اتركها المكان ما بيرجع يسمر ولله الحمد

بستخدمها لجسمي

اتمنى ان اي وحده تشتكي من اسوداد في جسمها اي منطقة تستخدمها ما تكلفك الا 75 ريال


المكونات هي التالية :

كريم اكريتين 0.05 >>>>>وهادا مقشر احماض + معالجة الحبوب
كريم الكويدين 4%>>>>>>هادا كريم مبيض
وكريم اليكا >>>>>>>>>> هادا كريم منعم وانا استخدمه احيانا لوحده لنعومة يدي او اي منطقة خشنة بجسمي

تخلطيهم مع بعض وتحطيهم في قارورة كريم عازلة للضوء


وكل يوم بالليل قبل النوم فقط ادهني وراقبي نضارة بشرتك يوم بعد يوم

ولو عندك حب شباب بوجهك

ادهني كريم اكريتين على وجهك لوحده مع وجوب عدم التعرض للشمس ادهنيه ونص ساعة قومي اغسلي وجهك بالماء بس وارجعي نامي استمري اسبوع او اسبوعين وبعدين ابدأي الخلطة

على فكرة بالصباح لازم كريم حماية من الشمسحتى لو بس كنتي بتخشي المطبخ تطبخي ويفضل استخدام كريم spf 50 HISTAN


واي استفسار حاضرين

بس ابغا منكم طلب وحيد وبسيط

ياليت تدعولي ان ربي يرزقني بالزوج الصالح اللي يسعدني والوظيفة اللي احلم بيها

تحياتي لكم
حملة استغفار 1000مرة في اليوم بطريقة سهلة جدا

رضيت بالله رباوالاسلام ديناومحمدصلى الله عليه وصلم نبيارسولا


يارب اقدر لي الخير حيث كان ويسر لي اموري وارضى عني يا ارحم الرحمين ..آمين
22-11-1428 هـ, 07:19 صباحاً
الله يرزقك يارب بالزوج الحنون الرحوم ..
كريم أكرتين إستعملته يقشر الوجه بسرعه ..

مشكوره
السنه الجديده بإذن الله
سنة إنجاز التحديات وتحقيق الأمنيات 
22-11-1428 هـ, 07:51 صباحاً
طيب ياخوتي كريمات اللي خلطتهم مع بعض مالها اي تأثير على البشرة اناسمعت انها خطيرة
22-11-1428 هـ, 08:06 صباحاً
الله يرزقك الزوج الصالح اللي يسعدك و يعرف قدرك و يموت فيك
والوظيفه اللي تبينها ياااااااااااااارب
الإبتسامه هي اللغه الوحيدة التي لاتحتاج إلى ترجمه




22-11-1428 هـ, 08:12 صباحاً

ماشاء الله

الله يعطيكِ العافيه يالغلا

ويرزقك بالزوج الصالح والذريه اللي تملى عليكي البيت
22-11-1428 هـ, 09:08 صباحاً
الله يرزقك يارب بالزوج الحنون الرحوم ..


يااااااااارب رحمتك
ارحمني واشفيني وفرج همي يااااااااارب
22-11-1428 هـ, 09:34 صباحاً
تسلمى بس انتبهى للشمس واستعملى واقي شمس
خلطاتى كلها عن تجربه شخصيا واى وحده ما تناسبها ما تدعى عليا
22-11-1428 هـ, 10:39 صباحاً
هل فيها كورتيزون لان الكريم اللي يحتوي على كورتيزون لايمكن صرفه الا بوصفة طبية من الطبيب المعالج
22-11-1428 هـ, 10:57 صباحاً
الله يرزقني ويرزقك بالزوج الصالح
22-11-1428 هـ, 12:11 مساءً
ماقصرتي الله يحققلك ماتمنين عاجلا غير اجل


الساعة الآن 09:48 .

جميع الحقوق محفوظة - عالم حواء - 2015