مستلزمات النفساء ؟؟دلع في دلع

[انتحار الورد]

السلام عليكم حوااااااااااامل والوالداااااااااااااااات بالخصوص

حابه انا نتناقش في ما هي مستلزماااااااااااات المرأة بعد الوضع اي في فترة النفاس ؟؟؟؟

بما اني ما بقى علي شيء واولد حابة اشتري لي مستلزماتي الي بحتاجة للعناية ما بعد الولادة :

- العناية بالمنطقة الحساسة والرحم ( افضل غسول ممكن استخدمه - او من العطار مثلا"
- العناية بالبشرة والجسم والشعر (شامبو - صابون - كريمات - زيوت )
- الملابس النفساء
- الأدوات والمستحضرات العناية
- المأكولات التي يجب تناولها بعد الوضع
ويش رايكم كل وحدة تدخل وتكتب عن خبرتها شنوا الاشاء الي شرتها لفترة النفاس خاصة بها ؟؟

وشنوا الي استفاد منه والي ما استفادة منه

[عوباء]

يالله ندردش على مانولد شكلنا مطولين تعبت انتظار مبين البيبي مبسوط داخل

- العناية بالمنطقة الحساسة والرحم ( افضل غسول ممكن استخدمه - او من العطار مثلا"

بالنسبه لي استخدم كل دخله للحمام الله يكرمكم اول اسبوع بيتادين فقط وبعد الاسبوع برضوا البيتادين لكن بالليل التغييره اللي قبل النوم اول اغسل بيتادين وبعدها اكون مسويه لي قبل مره بعلبه زجاج ومجهزه ملح خشن ومويه مغليه يعني معقمه ببريق ويكون عندي طاسه اصب مقدار تقريبا فنجال من المره بس مويتها واحط شويه ملح واصب عليهم المويه المغليه اكون حاطتها قبل دخولي الحمام بشويه يعني تكون دافيه واذا كانت حاره احط عليها مويه بارده بس تكون بعد معقمه واتوضاء فيها عشان الشطفه الاخيره لازم يكون تعقيم قبل النوم ترا الخطوات سهله بس كتابتا صعبه ونتايجها الحمدالله حلوه وانا استعين بالشغاله بتجهيز المويه المغليه معطيتها وقت كل يوم تجهزلي المويه المغليه والفحم للكبو ..
واللي تستخدمها وتعجبها الطريقه تدعيلي بتسهيل الولاده وبالصلاح لي وعيالي وزوجي ..

اما بالنسبه للرحم استخدم علاج جاهز من وحده واشرب حلب والعشرين يوم الاخيره اخذ رشاد مع حبة سمره وسر نبات ..

مع شرب الكمون يوميا .. والعشرين يوم الاخيره كبو قبل النوم ..

مدري اذا طريقتي صحيحه بالنظام او غلط ..

- العناية بالبشرة والجسم والشعر (شامبو - صابون - كريمات - زيوت )

اهماااااااااااااااااااااااااال اتروش كل 3 ايام او 4 ايام عشان البرد بس يوميا اغسل صدري والاباط

استخدم اي شمبو متوفر صانسيلك او سلفكرين او بيبي جونسون <<<حالة شعري تكسر الخاطر

ومااهتم اذا فكرت احط جليسوليد واحيانا انساه بعد

واخر 3 ايام ابداء اصحصح ازيت شعري بخروع واشيل شعري وافرك بجسمي كل يوم لمى يتشهد
واروح للمشغل اصبغ شعري واقصه واشقر حواجبي واسوي بدكير واجهز ملابسي انا والنونو ..


مشكووووووووووووووره اختي على الموضوع الحلووووووووو وان شالله تتم فيه الفائده ..

بروح اشيك على غداي الحين يجي وارجع لكم اكمل

[سمراء الجزيره]

للرفع

[ام سعودي@]

للرفع

[$عاشقة المستحيل$]

للرفع00

[لطفيه بنت فريال]

للرفع للاهمية

[shooli]

مرحبا بنات ولادتي ان شاء الله نهاية ذي القعده خلاص جهزت كل شي وبالنسبه لي نفاسي راح يكون عند الوالده الله يحفضها عشان كذا راح يكون دلع في دلع من قلب
والغسول من وانا في المستشفى استخدم البيتادين واذا رجعت البيت اخلي البيتادين في النهار مره والملح الخشن في الليل
العنايه بالبشره اكون مجهزه لي خلطه تفتيح عشان البلاوي اللي في الحمل
الملابس مجهزه بجامات شتويه عشان البرد ولازم تتدفين كويس مع ارواب ثقيله بس
الماكولات والله مدري اللي يسونه لي اكله و لا اقول لا في مولودي الاول كنت ارفض الطحين البر بس الحين عرفت انه مفيد جدا للنفاس عشان العصيد والمصابيب والسوالف هذي
واسفه على الاطاله والله يهون علينا جميعا ان شاء الله

[غزيل فله]

للرفع
للاهميــــــــــــــــــــــه

[* البيت الصالح *]

للرفع

[ام نريمان]

جدول النفاس
المواد المطلوبه:
مطحونه____ كامله
1- المطحونه:
حلب -- ماش -- قشر رمان --فلفل اسود
2- الكامله:
رشاد -- قرفه -- كمون -- ورق زعتر -- حبه سوداء--
3- عسل -- تمر -- زنجبيل مبشور
***
بعض التفاصيل المهمه للإعداد:

1- المواد المطحونه
يجب الحرص على شرائها جديده وكامله ثم تنقى وتغسل وتجفف ثم تطحن بعد تجفيفها ثم تحفظ في علب بلاستك محكمة الاغلاق وتكتب عليها اسماء
محتوياتها..
نعم بتتعبين لكن ثمرة هالتعب تستاهل وبتعجبكم بإذن الله..
***
2-المواد الكامله
نحرص على تنقيتها وغسلها وتعريضها للهواء لتجف.
***
3-العسل
لاتشتري الغالي على اعتبار انه الاصلي وفي الغالب للأسف يغشون بغذاء النحله لتنتج لهم بوفره بغض النظر عن جودة الانتاج..
وانا اشتري من مده العسل الالماني langnese
لانه ثبت بشهادة مربي نحل خبير انه الاصلي..

4- التمر
ممكن استخدامه معجون او عدل كله مفيد بس لقيت المعجون
اطعم واشهىللأكل بس اذا كنتي بتلقين شي نظيف ومن ثقه..

5-الحبه السوداء
تخلط سبع حبات مع العسل وتؤكل كل يوم ملعقه
على الريق من يوم الولاده الى 30 يوم..

6-المره
تجهزين علبة مويه صغيره فيها محلول مره تشربين منه وانتي
في طريقك للمستشفى للولاده..واذا ولدتي تشربين منه علشان ريحة
العطور ممكن تسكر الرجم وتتعسر الولاده لاسمح الله والسبب هو الشمم..
وخلي معاك كسره صغيره حلتيته شميها اذا وصلتي المستشفى وادهني خشمك منها
لأنها تساعد بإذن الله في فتح الرحم بسرعه ويسر..
والله الموفق.

***