اشوف بنتي الصغيرة واصيح...ادعولي صدري فية ورمةوخايفة

يابنات الله يعافيكم طالبتكم تدعون لي والله اني اتكلم والدمعة في عيني....وضيقة الصدر مقطعتني...انا تعبانة وصدري يوجعني (الثدي الايسر)من آخر رمضان كان في البداية نغزة خفيفة بس الحين زاد الالم ومنكد علي حياتي وقسم بالله وكان من 7 سنوات تقريبا فوق الثدي الايسر زي العظم ورمة صغيرة وقلتها لاهلي قالو عظم بس احس بالم...والحين الثدي الأيسر وكتفي وذراعي ويدي الجهة اليسرى كلها موجعتني ....لاتقولون مستشفى والله اني خايفة واخاف من نتايج المستشفى ...كل ماتذكرت المستشفة جاني سهال الله يكرمكم وتنزل دموعي ...كرهت المستشفى من بعد ماكتشفو مرض ابوي الله يرحمة ومات عندهم بعدين مرض اخوي ولحد ماقالو لة انت ماتجاوبت مع العلاج بنوقفةعنك...والحين (اصبرو امسح دموعي)والله اني من جد اتكلم لحد ياخذ الامر مهزلةوالله ان نفسيتي تعبانة جدا من هذي اللآلام ..وكل تفكيري في بنتي ...بنتي صغيرة وعمرها سنتين ...افكر فيها إذا صرت مريضة ومت وتركتها من بيربيها ...من بيساعدها وقت الدورة الشهرية...من بيوقف معها إذا تعبت ويسهر معها...من بيحافظ عليها ويراقبها عن صديقات السوء ومن شباب السؤ...إذا بغت حضن من بتلاقي حضنة...والله اني افكر اكتب لها وصية كلها نصائح لها من الحفاظ على الصلاة والسنن ...قراة القرآن ...الاستغفار وذكر الله والصدقات ...الاهتمام بنفسها وشكلها لانها مسيكينة شعرها خشن كيف بتعتني فية....واهم شي خوفي من الصحبة السيئة...والمعاكسات الهاتفية..(يالله انك تحفظها من كل مكروة وشر وسؤ وجميع المسلمين والمسلمات)وخوفي من المس والسحر....والله كل تفكيري في بنتي...بس افكر شلون اكتب لها وخطي شين ...اكتب لها بالكمبيوتر احسن..او شريط اسجل فية صوتي لها...والله ان تعبانة والثدي الايسر يوجعني وانا الحين اكتب لكم احس ان ايامي في الدنيا معدودة وجتني كآبة وغلقة وضيقة صدر ...امس قلت خلني اطلع شوي اغير جو ...نفس الشي ضايق صدري...وكل ماأنام اقول إن شاءالله اقوم واصحى من نومي والاقي الالم راح ...ويرجع ثانية ..واحاول اتناساة بس يرجع ينغزني ويألمني ثانية...والله اني خايفة وضايق صدري ..ياليت ماتزوجت وانجبت كان ماهتميت ..والله اني اشوف بنتي ويضيق صدري ..اشوفها وهي تلعب وهي تناديني ...وهي تجي تقعد جنبي والله اني ارحمها اقول إذا مت بتفقدني؟من بتقعد جنبة ؟؟من بتنادي يوديها للحمام؟؟؟ قلت خلني اقرا سورة البقرةواجيب القران وزيت الزيتون وماء عشان انفخ فيها واقرا وانفخ على صدري وتجي بنتي تقلدني تنفخ على صدرها...وإذا شفتها نايمة رحمتها واحيانا اصيح...ماابغى اموت الحين على الاقل بعد عشرسنين..يالله يارب ان تكتب لي طولة عمر وصحة وعافية..وقسم بالله اسودت الدنيا في عيني...إذا سمعت ان وحدة متضايقة وتشكى..اقول اهم شي الصحة والعافية (الصحة تاج على رؤس الاصحاء لايراها إلا المرضى)الله يعافيكم تكفون طالبتكم تدعون لي من قلب وتوصون امهاتكم او اخواتكم او اي احد يدعي لي....الله يعافيكم ادعو لي ان الله يشفيني ويعافيني بدون مااروح للمستشفى...ادعو ان اللالم يخف ويروح نهائي مني في الايام هذي ...ادعو ان الله مايحوجني للمستشفى.....رجااااااااااااااااء...الله يعافيكم