09-10-1428 هـ, 06:05 صباحاً
السلام عليكم ..

شخباركم ؟؟

تحبون الاكل الهندي ؟؟ .. شريكم في الدجاج بالكاري ..

و انه اليوم اعدل بالملفات اللي على جهازي .. لقيت فيديو لطريقة الدجاج بالكاري ..

اما شو طريقة .. بتاخذ العقل .. سهلة و سريعة .. ..

عشان جذي قلت اصورها لكم ..


ياللا .. بسم الله نبتدي ..

اولا الشكل النهائي ..



الموضوع ليس منقول .. بل من مجهودي الخاص .. و خاص و حصري لعالم حواء .. لذا عند النقل يرجى ذكر الاسم و المصدر ..

09-10-1428 هـ, 06:09 صباحاً
المقادير:



3 م ط زيت زيتون








بصلة متوسطة








فصين ثوم








فلفل اخضر حار








400 جرام من الدجاج الفيليه ( ما يقارب 2 صدور دجاج )








1/2 م ط كمون + 1/4 م ط كركم + 1/4 م ط كزبرة + 1/4 م ط جرام ماسالا او م ط كاري









1/4 م ط ملح








1 م ط صلصة الطماطم








2 م ط من الدبل كريم


09-10-1428 هـ, 06:17 صباحاً
الطريقة:

اول شي لازم نقطع المكونات ..

نبدي بالبصل .. قطعيه الى قطع صغيرة حتى ينضج بسرعة ..



ضغطي على الثوم بطرف السكين بعدين قطعيه الى قطع صغيرة ..





قطعي الفلفل الى قطع صغيرة ..



و اذا ما كنتي تحبين حرارته .. استخدمي السكين حتى تتخلصين من البذور ..



غسلي ايدينج زين حتى لا تحرقين بشرتج ..



قطعي الدجاج مربعات صغيرة ..



يتبع


09-10-1428 هـ, 06:22 صباحاً
على نارمتوسطة .. سخني م ط من الزيت

و قلي البصل لدقيقة واحدة

بعدين ضيفي الدجاج


و قلبي .. خليهم يتقلون لمدة 5 الى 6 دقايق ..



الدجاج بيبتدي يتغير لونه الى الابيض

بعدين ضيفي الثوم و الفلفل ..


و حركي .. حتى يصير لونهم مايل الى الذهبي او البني ..

بياخذ من 2 الى 3 دقايق ..



بعدين ضيفي البهارات .. الملح .. الكزبرة و الكمون و الكركم ..



حركيهم زين ..

و ضيفي عليهم .. الصلصة ..



و بعدين الجرام ماسالا .. او الكاري ..



قلبيهم .. و ضيفي الدبل كريم ..




يتبع
09-10-1428 هـ, 06:23 صباحاً

تاكدي من ان الدجاج نضج ..

اخذي قطعة من الدجاج و قطعيها بالنص .. اذا نضجت لازم تكون سهلة التقطيع .. وبيضاء اللون من الخارج و الداخل .. ما في أي لون وردي ..



و بجذي نكون خلصنا الطبق .. ما عليج الا تقدمينه ..



تقدرين تقدمينه مع الرز الابيض .. او خبز النان ..




و بالهنا و العافية ..
09-10-1428 هـ, 07:13 صباحاً
ماشاء الله يسلمو جد شكله شهي الله يسلم ايدك.
سبحان الله وبحمده سبحان الله العظيم
ادعو لي دعوة صادقة أن الله يرزقني بالوظيفة و انحف 10كيلو بصحة وعافية
09-10-1428 هـ, 07:22 صباحاً
ماشاء الله يسلمو جد شكله شهي الله يسلم ايدك.

لاكن وش ذاالدبل كريم ..

وايضا الجرام ماسالا ياليت توضحين
09-10-1428 هـ, 07:33 صباحاً
مشكوره
09-10-1428 هـ, 08:44 صباحاً
يعطيك الف عافيه ****الله راح اطبقه بس اختي انتبهي للتصوير وحاولي تركزين عالطبخه اكثر من جسمك الله يحرمه عن النار وجميع المسلمين يارب
09-10-1428 هـ, 09:12 صباحاً
مشكورين على المرور و الردود الحلوة .. و الله يعطيكم العافية ..

ام بندوري 2

الدبل كريم هو كريمة الخفق اللي مكتوب عليها طويلة الامد او اللي مكتوب عليها

wipping cream

و هذي الصورة مثال عليها ..



و الجرام ماسالا نوع من البهارات ..

و هذي طريقتها اذا ما عندج

اقتباس مشاركة
نص ملعقة كمون حب ومعها شوية هال يعني حبتين اوثلاث وحبتين ثلاث قرنفل و قرفة وتطحنين الكل في الهاون


و بدلها تقدرون تستخدمون الكاري في هذي الاكلة ..


اقتباس مشاركة
يعطيك الف عافيه ****الله راح اطبقه بس اختي انتبهي للتصوير وحاولي تركزين عالطبخه اكثر من جسمك الله يحرمه عن النار وجميع المسلمين يارب


خيتو المحبة .. هذي مو انه .. هذي مصورته من فيديو عندي على الجهاز .. انه مستحيل اصور نفسي ..

و الف شكر لج على اهتمامج و حرصج .. لج مني الف تحية .. و جزاج الله الف خير .. انتي و اخواتي اللي ردوا ..



الساعة الآن 01:39 .

جميع الحقوق محفوظة - عالم حواء - 2015