السعودية - جده الربوة
رياضيات وانجلش
تأسيس قراءه وكتابة ومتابعه المواد للابتدئى رياضيات وانجلش للمتوسط
              

السعودية - جده الربوة
رياضيات وانجلش
تأسيس قراءه وكتابة ومتابعه المواد للابتدئى رياضيات وانجلش للمتوسط
موضوع مغلق
 
أدوات الموضوع انواع عرض الموضوع
قديم 28-09-1428 هـ, 03:55 مساءً   #1
dullo3a

عضوة نشيطة
 
تاريخ التسجيل: 14-09-1428 هـ
المشاركات: 213


كمااا وعدت تجهيزاتي الكاملة للبيبي والنفاس<قديم

بسم الله أبدا موضوعي و****لله يعجبكم، بس بليييييز من البداية أدري بحصل انتقادات و(البعض) بقولون هالشغلة مثلا مو مهمة ومالها داعي، للتوضيييييح انا كاتبة تجهيزاتي انا واللي شفت انها ضرورية بالنسبة لي، وكل وحدة ((على راحتها)) تختار اللي يناسبها واللي ما تبيه لا تشتريه بس لا تهاجمني هههههههه..
عالعموم بكتب كل اللي أذكره و****لله ما أكون نسيت شي..

أغراض البيبي
بالبداية أحسن ماركات لأغراض البيبي هي Avent و Chico ولكي حرية الاختيار
1-سرير لغرفة النوم<<< انا بحط سريره في غرفة نومي ولذلك خذيت سرير يناسب لون أثاث غرفتي
2-سرير صغير(سلة) عشان تحطينها في الصالة، وممكن يكون تحتها ستاند وعجلات أحلى وعملية أكثر، وبفترة النفاس عند أهلك هالسلة راح تستخدم كسرير للبيبي ولما تردين بيتك استعملي له السرير الكبير.
3-طاولة تغيير تكرمون للحمام، وتكون بلاستيك وفيها أماكن لوضع الشامبو والكريم وأغراض التغيير وأكو نوع أخذته يكون فيها حوض لسباحة البيبي يكون عملي أكثر.
4-فوط أحجام كبيرة وصغيرة، كثري الفوط لأن بتحتاجينها وايد.
5-فوطة للسباحة تصير مع كبوس.
6-اسفنجة طبية لمسح جسم البيبي.
7-فوط صغيرة ناعمة تستخدم كليفة لسباحة البيبي.
8-غطاء كامل للبيبي عشان اذا بتطلعينه خصوصا من المستشفى للبيت، أحتاجه لأني بولد بالشتاء ***** الله، وهو يصير مثل بيت للبيبي يغطيه كله ويدفيه.
9-بجامات(بربتوز)<<<< كثري لأن المولود تكرمين يرجع وايد وكل شوي تغيير.
10- بدلات حلوة ( لا تكثرين لأن اييون وايد هدايا) وما راح يحتاجهم وايد.
11- فنايل قطن اخذي وايد حفر ونص كم.
12-مهادات قطن.
13-شراشف قطن خفيفة خام فنيلة اشتري وايد عشان كل شوي تغيرينهم تحت البيبي، منها أريح له لأنهم قطن ومنها انك مو كل ما وسخ الشرشف تبدلين الكفر والحوسة، بس تبدلين هالشراشف القطن.
14-كفر كامل مع مخدته وحوسته حق سرير البيبي.
15- لحاف عملي يدفيه للبيت، وواحد ثاني أكشخ شوي عشان الطلعة.
16- الفوطة الخفيفة اللي تصير نايلون من الجهة الثانية، عشان اذا كنتي طالعة تفرشينها وتغيرين للبيبي عليها، وتستخدم للبيت بعد اخذي 3 تقريبا.
17- اسفنجة كبيرة لوضع البيبي عليها أثناء تحميمه.
18- لمبة صغيرة خاصة بسرير البيبي تركب عليه إضائتها خفييييفة ما تزعجك بليل بس عشان اذا صاح بليل تقومين تشوفين ما يكون ظلمة مرة وحدة.
19- الألعاب اللي تعلق فوق فراش الطفل( اللي تفتر وتطلع موسيقى) عشان تدوخه وينام .
20- ستة إلى 10 رضاعات (مميات) بلااااستك لا تاخذين زجاج لأنها ثقييلة وأول ما تطيح منك تنكسر، خذيت Unti-Colic مضادة للمغص والغازات، ماركة Chico وفيها فتحة من فوق عشان تطلع الغازات وما تعور بلاعيم البيبي وهو يمص، وايد عملية وصحية والأطباء ينصحون فيها.
21- حلمات زيادة للرضعات عشان تغيرينهم كل فترة أحسن.
22-ملقط كبير بلاستك خاص لمسك الرضعات والحلمات وهي حارة بعد التعقيم.
23-ستاند بلاستك لوضع الرضعات النظيفه فيه حتى تنشف، خذيته أيضا من Chico
24- غلاية الرضعات( المعقمة) اخذي اللي بالبخاار ولا تاخذين اللي بالميكروويف مو زين اشعاعات عالبيبي تضره.
25- سخانة الحليب، يعني أحيانا وانتي ترضعين البيبي يغفي 5 دقايق ويقوم الا الرضعة بردت وما يبيها، في هالدقايق ممكن تحطينها في السخانة وبعدين يكملها، وهي صغيرة بحجم الرضعة، ومعاها صحن اذا كبر شوي تستخدم لتسخين أكله وخذيتها ماركة Chico
26- مقسم الحليب البلاستك، اللي يصير في كل طبقة مقدار رضعة وحدة من الحليب البودرة، ويفيد وايد بالطلعة وللبيت بعد، في الغالب يكون من 4 طبقات.
27- مصاصة(لهاية) اخذي 3 ولا 4.
28- baby monitor الجهاز اللي مثل اللاسلكي واحد عندك وواحد عند البيبي عشان اذا كان بغرفه ثانية تسمعينه اذا كح ولا صاح.
29- فوط للكتف، وتصير طوالية تباع بمذركير وهي خاصة عشان تكرمون تكريع الطفل بعد الرضاعة عشان ما يوسخ ملابسك.
30- صداري للبيبي، واخذي عمليين للاستعمال اليومي تصير خام فوطة ووراها نايلون عشان مو كل شوي ينقع ملابسه وتغيرين الصدرية بس، والعاديين اللي مرتبين وما فيهم نايلون يصيرون للطلعة وجدام الناس ممكن بس اللي وراهم نايلون وايد أحسن للاستعمال اليومي.
31- كبابيس، دسوس يد، ودلاقات.
32- مطارة خاصة للبيبي للماي الحار عشان رضعاته.
33- غلاية للماي خاصة لغلي ماي البيبي.
34-علبة بلاستك كبيرة بغطاء لحفظ الحفاظات.
35- علب بلاستك صغيرة لحفظ قطن التغيير وأغراض البيبي.
36-سلة صغيرة لملابس البيبي المتسخة.
37-خزانة من أدراج لأغراض الطفل.
38-فرشة كبيرة خاصة لتنظيف الرضعات، وثانية صغيرة لتنظيف الحلمات.
39-مقياس درجة حرارة الطفل بالأذن.
40- أغراض البيبي (شريتهم بجنطة كاملين من مذركير) اللي هم مقراضة أضافر، مبارد، مشط، بروش، شفاطة لتنظيف الأنف، مقص صغير.
41- أغراض العناية للطفل: شامبو، صابون، شور جل، كريم، كلونيا، baby oil ، قطن أذون، قطن تغيير، مناديل رطبة للتغيير، كريم سيباميد للحفاظ، بودر<<<< مادري اذا نسيت شي روحي قسم الأطفال بالجمعية وبتلقين كلشي جدامج
42- لا تشترين الحفاظات ولا الحليب للطفل، لما تولدين سألي طبيب الأطفال بالمستشفى وهو بقولج الماركات اللي تناسب طفلج.

أغراض النفاس للأم
1- شفاطة الصدر( خواتي اللي جربو يقولون أحسن شي ماركة Avent الوحيدة اللي ما تعور)
2- قطن للصدر للحماية من اتساخ الملابس بالحليب.
3- ستيانات رضاعة مفتوحة من الأمام.
4- مخدة للرضاعة على شكل U وايد مريحة تباع بمذركير تسند الطفل وتريح للرضاعة.
5- كريم للصدر يقي من تشققات الحلمة، جربي Avent
6- قمصان نوم للمستشفى والنفاس، مع بجامات مريحة تدفي ونعال للقمصان.
7- بنطرونات سترش داخلية( الوالدة لازم تتدفى على طول) واذا بتولدين بالشتا اخذي داخلي كامل البلوزة والبنطرون.
8- ملابس داخلية ( شلحات، سراويل) واللي تحتاجينه.
9- دلاقات يدفون.
10-كفر كشخة للمستشفى.
11- شغل العطار الحسو والحلبة وهالسوالف (في الغالب هذي وظيفة أمج الله يحفظها)...

جنطة المستشفى
3قمصان
بجامة مريحة لوقت النوم
تكرمين نعال
ملابس داخلية كاملة
ستيانات رضاعة، وسراويل اللي تستخدم مرة وتقطينها تباع في مذركير
فوط صحية أكبر حجم لبعد الولادة الماركة اللي تفضلينها
دلاقات تدفي
make up
عطر أو دهن عود
منظرة صغيرة
سشوار (لا تطلعين جدام الضيوف بكشتج تفشلينا)
ربطة شعر
أغراض العناية، اشتري الأحجام الصغيرة عشان ما يزحمون الجنطة ( شامبو، كريم، ديودرانت، ليفة، مشط، فرشة أسنان ومعجون).
تراشي حلوين (حلق) خذيت كرستال شوارفسكي ناعمين وممكن ذهب براحتج.
جاكيت يدفي يمكن تستبردين
شاحن الموبايل
كاميرا فيديو وعادي(حسب الرغبة) اذا تبين يصورون البيبي بأول أو ثاني يوم.
أغراض الطفل، اخذي جم بربتوز وصداري وكبابيس ودلاقات ومهادات، وكفر عشان اذا بغيتي تطلعينه تلحفينه، أما أغراض التغيير الحفاظات وأغراض الرضاعة ما راح تحتاجينهم لأن المستشفى برضعونه ويغيرونله.
وبعد ما تجهزين جنطة المستشفى خلي يمها عباة وملفع ونعال جاهزين في حالة أي طارئ، وعلمي زوجج بمكانهم.

شنطة تجهزينها قبل لا تروحين المستشفى لوقت الولادة صغيرة وفيها..
كتيب لأذكار وأدعية الولادة (انا شريت كتيب اسمه الإفادة في ما جاء في ورد الولادة).
بسكوت، عصير.. أي شي خفيف
رطب
الأوراق الرسمية (بطاقتج وبطاقة وزجج المدنية- عقد الزواج- كرت المستشفى) وأي أوراق تحتاجينها.
موبايلج

وأخيرا..

أول ما تحسين بألم الطلق اخذي شاور دافي اذا زاد الألم معناها طلق صجي وولادة واذا خف ارتاحي تو الناس، وبالشور احلقي المنطقة الحساسة وكوني مستعدة.. وبعدين اكلي رطب، اقري سورة مريم والزلزلة والشرح وأدعية الولادة وتوكلي على الله والله يسهل عليج وعلي وعلى كل وحدة حامل يا رب

وأرجوو اللي تقرا الموضوع وتستفيد تدعيلي لأني وايد تعبت عليه، والله يسهل للجميع


dullo3a غير متواجد حالياً إرسال الموضوع إلى الفيس بوك إرسال الموضوع إلى تويتر




28-09-1428 هـ, 04:07 مساءً
#2
يسلمووووووووو
حلوه تجهيزاتك والله يسهلج ويتمم عليج


توقيع

اللهم اني استودعك نفسي و اطفالي واهلي وزوجي من كل شر
ديما111 غير متواجد حالياً  



28-09-1428 هـ, 04:31 مساءً
#3
الله يبارك لك يارب ويتمم لك بخير وتتهنين فيها مع البيبي يارب
الله يقومك بالسلامه


توقيع

اليوزر لاكثر من وحدة


لدي استعداد لمسك طاولات البازارات مع عمل عروض تسويقيه

امل قريب غير متواجد حالياً  



28-09-1428 هـ, 04:47 مساءً
#4
ماشاء الله ..الله يتمم لك بالولادة السهلة..والبيبي السليم المعافى..

بس عندي ملاحظات خاصة ان ولادتي مثلك في الشتاء...

1-الفنايل الداخليه ليه اخذتيها بدون كم او نصف كم..ليه ماكانت كم طويل لان هذا اللي انا ناويه اشتريه ..اذا عندك رأي علميني قبل اشتري..

2-الرضاعات انا مثلك اشتري دايم البلاستيك اخف وزن ويسهل تعودين البيبي يحملها لكن الناس فرت راسي انها مو صحية مثل الزجاج ..ايش رايك..

3-شراشف القطن اللي تحت البيبي انا مثلك احبها ولقيت اريح منها المفارش الزرقاء تعرفينها حقت المستشفى ..اذا توصخت ارمي على طول وهي قطن من جهه وبلاستيك من جهه..تريح من الغسيل كل شوي خاصة عيالي راعين استفراغ بكثرة ولا عندي شغالة..استخدمها في الليل عادة..

4-الصديري انا اخذ نوعين ..القماش للطلعة ..واخذ الورق للبيت وهي تجي مثل كرتون المناديل اسحبي واستخدمي وارمي..اخذتها من سيتس بلازا..مره مريحة جربيها..

5-مقسم الحليب كنت مثلك اخذ اللي يجي طبقات تفكين كل مره طبقة..لكن جربت اللي تجي قرص تلفينها بدون فتح ولقيتها احسن لان احيانا ام طبقات ينتثر منها الحليب لما تجين تغيرين الطبقة..لكنها اسهل في التعبية من القرص اللي يدور..

ولا تنسين قبعات لراس البيبي اذا زاد البرد..والبوم لصوره ..وشرابات ..


توقيع

اللهم اني اعوذ بك من الهم والحزن والعجز والكسل ومن غلبة الدين وقهر الرجال..
ارحمني يارب غير متواجد حالياً  



28-09-1428 هـ, 05:57 مساءً
#5
الله يبارك لك يارب ويتمم لك بخير وتتهنين فيها مع البيبي يارب
الله يقومك بالسلامه


توقيع


هاهوهي غير متواجد حالياً  



28-09-1428 هـ, 06:31 مساءً
#6
الله يبارك لك ويقومك بالسلامة ويقر عينك بطفلك
وعقبالنا ان شاء الله


توقيع
ام اياس غير متواجد حالياً  



28-09-1428 هـ, 06:38 مساءً
#7
الله يبارك لك ويقومك بالسلامة ويقر عينك بطفلك
وعقبالنا ان شاء الله


توقيع

لله الحمد من قبل ومن بعد


وادي الامان غير متواجد حالياً  



28-09-1428 هـ, 06:50 مساءً
#8
رووووووووووووووووووووعه

تسلمي حبيبتي


ارحمني يارب بسألك عن دا
-شراشف القطن اللي تحت البيبي انا مثلك احبها ولقيت اريح منها المفارش الزرقاء تعرفينها حقت المستشفى ..اذا توصخت ارمي على طول وهي قطن من جهه وبلاستيك من جهه..تريح من الغسيل كل شوي خاصة عيالي راعين استفراغ بكثرة ولا عندي شغالة..استخدمها في الليل عادة..
من فين تشتريها؟؟؟؟؟؟؟؟؟


توقيع


lovebird غير متواجد حالياً  



28-09-1428 هـ, 07:02 مساءً
#9
المشاركة الأصلية كتبت بواسطة هاهوهي مشاهدة المشاركة
الله يبارك لك يارب ويتمم لك بخير وتتهنين فيها مع البيبي يارب
الله يقومك بالسلامه


توقيع


بنت وبس غير متواجد حالياً  



28-09-1428 هـ, 07:07 مساءً
#10
الله يعطيك العافية ويوفقك ..
والله يرزقنا وياك الذرية الصالحة.. وعقبال ما تكتبين اللوازم الضرورية لعرس ولدك أو بنتك


توقيع






alkansaaa غير متواجد حالياً  



موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 07:28 .