14-09-1428 هـ, 12:27 صباحاً
أولا... ****لله الله يكرمنا بهالشهر الكريم .. ويرزقنا جميعا الذرية الصالحه المعافاة..

ثانيا... انا عندي موعد الاسبوع الياي ابتدي الأبر وبعدين راح يسحبون البويضات و****لله راح اسوي محاولة في أطفال الانابيب..

الحين السالفه طال عمركم...

انا كان عندي موعد في توام.. بس المشكله انه دكتور ريال.. وخليل الوفا ريال.. وانا اريد حرمة
وفي نفسي احس ان العيال زرق من عند الله عشان جذية ما اريد اسويه عند ريال واغضب الله وانا في رجا رحمته.. (خاصه انه في طبيبات حريم)..

الحين.. من ترشح لي الدكتوره حسنية قرقاش.. ومن ما تمدحها.. ممكن تفيدوني بتجاربكم او حد تعرفونه.... اخاف اسوي عندها وتكون مب شاطره.. (وكله طبعا بأيد الرحمن)..

خبروني.. دمتم...

وفديتكم..
وبس
14-09-1428 هـ, 01:40 صباحاً
السلام عليكم الصراحه دكنوره شاطره وتريحج وتعطيج حقج
يارب توفقج وتحملين وتراه الحمل بيد الله استخيري وسيريلها
14-09-1428 هـ, 03:45 صباحاً
انا مابغي احبطج بس وايدين يذمووونها احسن شي صلي استخاررررره
سبحان الله وبحمده سبحان الله العظيم
14-09-1428 هـ, 08:33 صباحاً
هلا حبيبتي انا سويت الاطفال الانابيب عندهم بمركز اخصاب الشهر الي طاف والحمدالله وما شاء الله الحين انا حامل

وبعدين كله بايد الله يعني في ناس تنجح معاهم عند حسنية وفي ناس ما تنجح معاهم عندها وهدا عند كل دكتور عنده نجاح وعنده فشل والله يبعده عنا ان شاء الله الفشل

حبيبتي شوفي انا بديت معا حسنية يعني ابر وسحب وكله معا حسنية بعدها اهي سافرت فدكتورة ثانية بس ردتلي الاجنه والحمدالله وما شاء الله حملت

وانا نفسج بالبداية خد موعد عند دكتور بالمركز بس بعدين سبحان الله غيرت راي بستعانه من الله وبنات المنتدى

واي سوال انا حاضره حبيبيتي
16-09-1428 هـ, 02:11 صباحاً
أم خالد .. مشكوره فديتج على مرورج.. فعلا كلامج حسيتها وايد مريحه.. و****لله يارب خير

Honey leps>>
تعرفين انا استخرت.. وبعدي بستخير. انا سمعت بنات في المنتدى قالو عنها مب شاطره.. والله محتاره.. وعلى كلامج.. الاستخاره افضل الحلول


اما انتي يا عليا.. فرحتيني.. والله يفرحج ويسعدج ويتمم لج على خير ..آآآآآمين...
انا كنت عندها شهر 6 بس قالت لي راح تسافر وأجلتني لين الحين..
****لله انتم السابقون ونحن اللاحقون.. وتحملي بعمرج.. وربي يجعله او يجعلها قرة عين لج..
16-09-1428 هـ, 09:30 صباحاً
ربي يوفقج يالغلا ..
واذا سرتي لها واستفدتي منها .. خبريني !
يمكن اسير لها !!!!
طلقنــي الحقــيــــر!!
17-09-1428 هـ, 12:34 صباحاً
غلااي منصور...

****لله فديتج بخبركم .. بالتفاصيل... و****لله ما تحتاجينها.. وماتشوفين الدوره 9 شهور
20-09-1428 هـ, 12:34 صباحاً
يا بنات...قالو لي ان الدكتوره حسنيه قرقاش ما تخليج ترتاحين ربع ساعه عقب الترجيع وتقول اطلعي..

بعد قالو انها ما تعطي اسبرين.... شو رايكم؟؟
20-09-1428 هـ, 09:32 صباحاً
حبيبيتي برونزيه شوفي اهي ما تجبرج تطلعين على طول ولا اتقولج اطلعي على طول يعني لو بغيتي تقعدين ما بتقولج لا لاتقعدين ولو قلتي ما ابغي اقعد ما بتقولج لا اقعدي يعني انتي وبكيفج

بالنسبة للاسبرين ما عطوني اسبرين
29-10-1428 هـ, 06:18 مساءً
اقتباس مشاركة  (alia58)
حبيبيتي برونزيه شوفي اهي ما تجبرج تطلعين على طول ولا اتقولج اطلعي على طول يعني لو بغيتي تقعدين ما بتقولج لا لاتقعدين ولو قلتي ما ابغي اقعد ما بتقولج لا اقعدي يعني انتي وبكيفج

بالنسبة للاسبرين ما عطوني اسبرين
الغاليه سوتلج تحديد لجنس البيبي؟؟كم كلفتج العمليه ؟؟
سبحان الله وبحمده سبحان الله العظيم


الساعة الآن 07:44 .

جميع الحقوق محفوظة - عالم حواء - 2015