lura

lura @lura

عضوة فعالة

تجمع خاص لمتبعات رجيم اتكنز ، دشتي(البروتينات) =الجزء الثالث=

علاج السمنة والنحافة

السلام عليكم

خواتي انا فتحت هالموضوع عشان نساعد بعض لنزول الوزن قبل رمضان

عشان ملابس العيد تكون هالسنة غير

وابغي همتكم وياي

انتو ادرى اكثر مني برجيم اتكنز

واللي ما يعرف يسال ونحن في الخدمة

بس بطلب منكم اول شي قبل ما اي وحدة تبتدي الرجيم اشياء تسويها عشان ما تمل وترد على خرابيطها

اول شي طبعا الارادة

ثاني شي الهدف

وهو الوصول الى الوزن المطلوب واقل بعد ب 5 كيلو
عشان اذا تركناه وردت حليمة لعادتها القديمة ما نكون زدنا في الوزن وايد

لين الحين اوكيه

وثالثا اشتري من الصيدلية الشريط الخاص بقياس الكيتونات

وهو اللي يسوونه حق مرضى السكر بتحصلونه في الصيدليات

ورابعا بعد الاطلاع التام على الرجيم انصحكم انكم تشترون اغراض من الجمعية

مثل نسكافيه بدون كافيين
سكرالرجيم ( انا افضل التروبيكانا عشان ما يترك طعم مر في الحلج )
كاكاو بودرة
كوفي ميت
قشطة
كريمة مخفوقة
مثلجات مثل الهامبورغر او اي شي تحبينه بس يكون من غير بقسماط

اشياء ثانية ممكن البنات يفيدونا
وهالاشياء بتفيدج في وقت الجوع

يعني اذا حستي نفسج يوعانه خذي لج شريحة مرتديلا مع جبن شرايح ولفيها وكليها

او اخفقي شويه كريمة مع الكاكاو البودرة مع السكر الخاص بالرجيم وحطيه في الثلاجة لين كما يبرد وكليه

واشياء ثانية ان شاء الله في الموضوع البنات بيفيدونا اكثر وبنستفيد من كل وحدة وتجربتها

يالله يابنات
اللي تحس انها جاهزة تخبرني عشان نبتدي مع بعض ونشجع بعض

والافضل انه كل وحدة بعد نهاية اليوم او اخر وجبه
تدخل وتكتب لنا شو كلت عشان انشوف الاشايء اللي كلتها صح ولا لا
وبجذي بتعرف وين العيب اذا ما نزل وزنها


يالله انا اول وحدةجاهزة

وبادية من يومين
ورغم انه الدورة بديت معاي اليوم
بس الحمد لله نزلت في الوزن نص كيلو

وهذا انجاز اعتبره

وكما بحطم عمري واقول يومين حارمه نفسي الاكل وما انزل الا نص
لا
بس اقول احسن من اني ايلس هالايام وما اسوي شي وامتن يوم عن يوم

يالله همتكم
2K
406K

هذا الموضوع مغلق.

Cafe _Latte
Cafe _Latte
بسم الله وعلى بركة الله

الرجيم هذا هو افضل رجيم اتبعته تقريبا قبل سنه واستمريت عليه وناسبني

اليوم لي ثالث يوم ماشيه عليه اول يوم كان فيه تخبيص شوي

امس عدى بسلام واليوم الله يستر

ناويه استمر عليه لين اوصل للوزن المثالي وادعو ربي ان مايجي العيد الا وانا واصله للي ابغاه

هدفي هذا الشهر 5 كيلو لان هذا الرجيم بذات مو كثير نزوله في الوزن بس تلاحظينه في الملابس وهذا المهم

اي مساعده انا حاضره وياللا من اللي تشاركنا والمنافسه بالرجيم حلوه وتشجع

بالتوفيق للجميع
snow fever
snow fever
السلام عليكم و رحمة الله وبركاته
ان اضم صوتي لكم اتكنز افضل رجيم اتبعته
اتبعت هذا الرجيم من اكثر من 18 شهر ونزلت معاه 3 كيلو في اسبوعين
بس ما قدرت اكمله لان الخيارات محدوده
بتقولو لي كيف صار افضل رجيم اتبعتيه
لان استخدمته كنظام حياة يوميا
خففت كميه الكربوهيدرات كثيير و زودة البروتينات في اكلي ( مش حميه هذا نظام بس )
ونزلت تقريبا 9 كيلو في 7 شهور تقريبا ( انا اعرف انها مش كثير بس حلوه لانها بدون حرماااان ابدا ابدا )


الله يوفقكم جميعا
انا ناويه التزم فيه المره هذي لاني ابى ارجع لوزني اللي قبل الولاده بسرعه
( احتاج انزل 6 كيلو )


بالتوفيق جميعا
شيخة القصمان100%
طيب ممكن تحطون لنا جدول للوجبات انا من زمان ودي اسويه بس مافهمته زين وبعدين عادي كاكاو بودره ؟ اول مره ادري انه عادي واكل بالكميه اللي ابي والا لا ياريت تفهمونا
Cafe _Latte
Cafe _Latte
هلا بشيخة القصمان

انصحك في البدايه تتطلعين على مواضيع الاخت بنت الكويت اقريها اكثر من مره

لان هذا الرجيم لازم تفهمينه وتستوعبينه مررره

بعطيك مثال لاكل يوم

تصحين من النوم تشربين مويه ولازم باليوم لتر الى لتر ونص تشربين

تفطرين بيض باي طريقه تحبينها ومع شريحة جبن ومشروم
ولك باليوم 7 حبات زيتون

تحبين تتقهوين العصر خوذي نسكافيه بدون كافين مع كافي ميت كامل الدسم وسكر اسبلند

وكل ماجعتي اشربي نسكافيه يسد الشهيه

والغداء لحم او دجاج باي كميه واي طريقه

العشاء عادة مايكون لك نفس لان الغداء بيكون ثقيل

بس تقدرين تاكلين خس باي كميه وجبن كيري

او انك تتعشين اي بروتين

الممنوع بالمختصر اي نشويات اي سكريات اي فواكه اي البان الخضار بكميات قليله

مسموح لك بحبه بصل وطماطم باليوم و3 حبات كوسه بالاسبوع الورقيات باي كميه

واح تلاقين وصفات وطرق ونماذج للوجبات في موضوع بنت الكويت واليوميات

الرجيم صعب جدا في اول 3 ايام الى اسبوع وبعدها خلاص تستمتعيين فيه وتحبينه

والحلو فيه انك ماتتقيدي بالعزايم والمطاعم

سوري اختصرت لك بس اي سؤال انا بالخدمه
lura
lura
مشكورة اختي كافي لاتيه ( اسمج ايوع ) :) :) :)

على انظمامج لنا وهذا شرف لموضوعي عشان ينجح

وانا الصراحة استفدت وايد من نصايحج

وان شاءالله انا بحط الاشياء اللي كلتها وقولي لي اذا ما شيه صح ولا لا

وسؤال ثاني

اشرطة اذابة الدهون هي نفسها اللي يسوون فيها تحليل السكر للحوامل
عشان انا خذيت منها وجربتها ولكن اللي اعرفة ان اللون يتغير للبنفسجي كل ما كان الرجيم صح
بس للامانه انا البارحة خربطت شويه كلت جيز كيك :) :) يمكن عشان جذي ما تغير

بس ممكن تفيدينا اكثر عن هالاشرطة