بسبوسه لذيذه وشكلها مثل الكيك روووووعه لا تفوتكم

أولا السلام عليكم ورحمة الله وبركاته هذي أول مشاركه لي في المنتدى إن شاءالله تعجبكم:cook:
جايبه لكم طريقة عمل بسبوسه روووووعه قليله عليها وأنا بصراحه مجربتها وأخذتها من وحده الله يسعدها دنيا وآخره
يلا نبتدي بالمقادير::
1/2كوب دقيق
1/2كوب سميد
1/2كوب جوزهند
1/2كوب زيت
علبة قشطة التاج
1/2كوب سكر
ملعقه بيكنج بودر
ملعقتين طعام حليب بودره

بيضتين
وألحين نجي للطريقه ::
أول شي تحطين الزيت والسكر والقشطه والبيض في خلاط العصير وتخلطينها لين تحسين إنها امتزجت صح يعني ثلاث دقايق بعدين تحطينها في صينيه كبيره وتحطين عليها المكونات الجافه اللي هي السميد والدقيق وجوز الهند وتخلطينها صح وإذا حسيتي إنها ثقيله حطي عليها ملعقتين مويه
وبعدين تحطينها في صينيه مدهونه بزيت ومرشوشه دقيقوتحطينها في الفرن من تحت 30دقيقه أو ع حسب الفرن وتحمرينها من فوق وبكذا نكون أنتهينا وعملتي أحلى بسبوسه
وقبل لا انسى بالنسبه للشيره معروفه كاس مويه وكاس سكر وع النار لمده خمس دقايق ويكون بارد وتحطينه ع البسبوسه وهي ساخنه
وبالعافيه ع قلوبكم

ولا تنسوني من الدعاء إن ربي يخلي لي أمي وابوي وأخواني وأختي وزوجي ويحقق حلمي ويرزقني بالحمل عاجلا غير آجل يارب