السلام عليكم ورحمة الله وبركاته
حبيبتي سبق وقلت لكم عن طريقتي بالمضغوط للموظفات والي تبي الشيء على السريع ولذيذ بس اليوم بالصور عشان يكون أوضح وياليت كل وحده تستفيد تدعي لي ولولد أختي والحين أترككم مع المضغوط
قطعي بصل قطع كبيرة +بهارات فلفل اسود+ هيل+ مسمار+ ورق غار+ وبهار الكاري+ وإي نوع بزار عندك +ليمون اسود عدل حبتين+قليل من الزيت للكشنة وبرضو قرون فلفل حار 5 حبات >>>بس انا ماعندي اليوم ما عليش بس تراه يسوي نكهه عجيبه
ثم ضعي اللحم وقلبيهن مع بعض
وبعد كذا نغسل الرز بدون تنقيع فقط أغسلية جيدآ وأضيفية إلى اللحم يعني مع بعض شوفو كيف ((يعني حطيت اللحم مو مطبوخ من قبل وحطيت عليه الرز كثير يقولون نطبخ اللحم قبل وبعد كم دقيقه نحط الرز انا اسميها بكذا كبسة مهب مضغوط المضغط لما تضغطينهم مع بعض ))
ونقلب الرز مع اللحم والبهار مع بعض
بعدها نخلط طماطم على حسب لون الرز الي تبينه احمر مررررة أو عادي يعني الطماطم على رغبتك انا حطيت حبتين بالخلاط مع فنجال ماء ونص علبة معجون طماطم فقط ونضيفها على المضغوط
كيف نقيس الماء وهنا السر طبعآ قياس الرز في قدر الضغط يكون لكل نفر كأس رز مثال : انا وزوجي نفرين أنا أضفت كأسين ونصف رز والماء ثلاث اكواب ونصف لأن الكاتم من النوع الي يلتصق فيه الرز اذا استوى من تحت ضروري لذلك النصف كأس من الأرز تروح في هذا الشيء لذلك اي قياس لازم تضيفين له نصف كأس أشرح لكم أكثر <<حصة رياضيات ههه
مثلآ أنتم اربع اشخاص حطي الرز اربع اكواب ونصف رز فهمتو والماء اذا حطيتي اربع اكواب ونصف رز ضعي خمس اكواب ونصف ماء إن شاء الله أنكم فهمتو ولو ما فهمتو من عيوني اعيد لكم الشرح أكثر
نحرك الرز مع اللحم بصورة سريعه ونملحه مضبوط >>يعني ذوقو الملح اذا عجبكم خلاص قفلو علية الغطاء وسكرو السفتي علية لازم قبل لا يطبخ يعني يفور الماء نكون مغطين علية اللحين شوفو جاهز عشان نبغى نغطي علية >>>أوخس يامنال العالم
