السير الكهربائي واللولب والمته/ قديم

بسم الله الرحمن الرحيم
اخواتي حبيباتي اليوم بسدح لكم معاناتي مع الرجيم
اولا احب ان تكونوا في الصوره معاي عشان تساعدوني اني اكتشف ايش المشكله الرئيسيه في ان اللولب اللي ركبته نزل مني بعد سنه من تركيبه
انا ركبته بعد ماولد ابني باربع شهور وكان وزني وقتها 81وعليها
وطبعا في نزول وطلوع وخصوصا ان حملي كان سريع بعد ما جبت ولدي اللي قبله يعني ما امداني اتخلص من الوزن السابق للحمل اللي فات فاجاء وزن حمل ثاني
المهم بعد سنه ويمكن اقل انتبهت اني وصلت لل 90 وزياده فابتديت برجيم فادي ونزل وزني بقوه لل 85بس المشكله ما تحملته لاني اكره البيض واللحم الاحمر لا تستغربون انا غرامي المعجنات والحلويات ولا احب المشروبات الغازيه والعصائر عطوني ترمس قهوة وحلى وفطائر وخلاص لاتسالون عني
بس الله يعين الميزان اذا وزنت
المهم قريت عن رجيم ام هديل وكان نتائجه فنانه نزلت لل 79 بس المشكله في الليوم المفتوح وخصوصا ان وقتها كان اجازه وتعرفون ايش يصير في الاجازات خصوصا ان زوجي ما يساعدني يقول انغم لا شفتك تاكلين موز وبرتقال وزبادي يقول ماهي عيشه ذي
المهم انا طولت عليكم بس تراي احب الهذرا
شريت سير وبديت امشي عليه الصباح ع الريق وقد قريت عن المته وهو مشروب سوري يمدحونه للتخفيف ومشكلتي اني شربته في اول يوم للدوره وكنت توني موقفه رجيم الموز والزبادي
وانا قبل اشرب المته سويت عنها بحث في قوقل وقريت انه كويسه لالام الطمث
وقلت ممتازه اكيد ودرعمت فيها كاسه رايحه واختها جايه
المهم لاحظت ان الدوره وقتها ونتم بكرامه كانت غزيره
وخفت انها تنزل اللولب وفعلا لما طهرت حسيت بالام فيني ورحت لدكتورتي و سوت اشعه
وقالت اللولب متحرك من مكانه لازم اشيله وانا سالتها قلت انا امشي ع السير وسوي تمارين
هي السبب قالت لا المشي ما ينزل اللولب اذ كان الدم غزير ينزل اللولب
الحين بعد ما سندرت روسكم معاي ابي مشورتكم حبايبي
انا الحين وزني 79 وجسمي كمثرى يعني مشكلتي من تحت الجوانب والافخاذ حتى موخره ماكوو
ايش استمر ع المشي مع اني الشهر الجاي بركب لولب جديد
المته خلاص ما عاد اشربها وقت الدوره
ايه كمان انا العب ع الستب وما شاء الله رتب جسمي من تحت
بس انا ابي ينحف الجوانب والافخاذ
لين البس مقاس 14
انا الحين مقاس بناطيلي 16
مع اني كنت البس 18
وبستخدم بذره الكتان مع زبادي اكتيفيا وبمشي ع السير لمده ساعه
وبخفف اكل وعشاء ما في
والحين ابي مشورتكم والعذر والسموحه منكم