quooot

quooot @quooot

عضوة جديدة

البروستد بتاعي غيير

أطباق رئيسية

                                         السلام عليكن 

من زمان في خاطري ودي اسوي بروستد وكل ما نويت اسويه تقول لي امي لا تتعبين نفسك البروستد يشرب زيت واهون 
وتقريبا من ثلاث سنين ما سويته عاد يوم تخرجت قمت اقلب في المنتديات و برامج التلفزيون > فرغت التخرج تقعدين تطبخين الين يفرجها ربي و تخلص حقت حافز هههههههه 

وشفت برامج كثير و قريت اكثر واخذت من كل بحر قطره  
وعزمت اسويه ما فيه تردد :) 

المقادير جبتها من عندي يعني ما فيه كمية معينه 
اولا واهم شيء الدجاج لازم يكون صغير يعني 800 او 700 حلو كثير 
اكبر شيء 900 لا تزيدين عن 900 


نقطع الدجاج ارباع او اصغر اللي تشوفينه 
ونتبله بـــ : 
علبه زبادي 
طحينه تقريبا 3 ملاعق 
خل تقريبا 5 الى 4 ملاعق ( انا صبيته بدون مقاس محدد بس كثرت ) 
بهارات 
بهارات حاره 
ليمون 
ملح تقريبا 6 ملاعق 
(هذي المقادير لدجاجه ونص ) 

تنقع ليله كامله > لااااازم 


بعدين اذا جيتي بتقلين الدجاج حطي عليه طحين ثم حليب ثم طحين كرريها ثلاث مرات علشان تصير عندك طبقه مقرمشه  (انا حطيت كورن فليكس في التكرار اخر مره حلو ويعطي قرمشه  )
لازم تحطين الطحين قبل بساعه من القلي علشان يمسك معك 
حطي مع الطحين ملح وفلفل اسود و شبت لذيذ 
نجي للقلي 
خلي النار حاره وابدي حطي الدجاج وطبعا علشان معه الكورن فليكس بيتحمر بسرعه 
شيلي الدجاج من اول ما يتحمر ونشفيه من الزيت 
طبعا الدجاج ما اسوت بس تحمر 

في وقتها تصيرين مشغله الفرن على درجه 200 
وتحطين الدجاج على الشبك على طول و لاتنسين الصينيه تحطنها علشان ينزل الزيت فيها 

وتسكرين الفرن و تنزلين الحرارة لــ180 او 170 لمده 20 الى 30 دقيقه 
وتصيرين محضره على جنب صوص الزبادي و الطحينه 


وهنا وعافيه 
11
3K

يلزم عليك تسجيل الدخول أولًا لكتابة تعليق.

تسجيل دخول

صعب اسلى
صعب اسلى
يعطييييييك العافيه
عجبتني الفكره ان شاء الله اسويها
زهره تتفتح 5
زهره تتفتح 5
ما شاء الله
جزاك الله الخير
نزف المحاني
نزف المحاني
أم خمس بنات
أم خمس بنات
يسلمو يعطكي العافيه
ام رابعة 12
ام رابعة 12
بارك الله فيك اختي