ماذا بعد عملية استئصال المراره..!

الصحة واللياقة

كيفكم صبايا ؟؟ ان شاء الله

واالله انا كتبت موضوعي هذا لاني عانيت بعد عملية المراره

وسبحان الله الشخص ما يدري وش اللي مكتوب له

والحمد لله على كل حال :44:

طبعا انا اسمع كثير بنات هنا يشتكون من الم المراره والحصواااات

والكثير ينصحهم الاطباء بشيل المراره

بس على فكره المراره عضو مهم جدا في الجهاز الهضمي وانا ماعرفت هالشي اللي بعد مافقدت مرارتي العزيزه

صحيح كان فيها بعض الحصوات بس كانت نافعتني والله وماكان المها شديد يعني نعزات بسيطه على غثيان

وقالي الطبيب الجراح لازم نستئصلها وخوفني من انها بتقوم في يوم علي وتالمني الم لا يطاق

وكلامه خوفني وخلاني اروح اتهور واستعجل بالعمليه

بعد ما سويت العمليه لي سنه وشهرين للحين الم العمليه مازال موجود واحس بانتفاخ بطني وعسر هضم وغازات بالقولون

يعني باختصار جهازي الهضمي صار مو شغال تمام

وصرت دايم بالمستشفيات اشتكي من بطني

لحد ما قالي دكتور ان اللي فيني متلازمه ما بعد شيل المراره؟؟

وان مو كل شخص ممكن يرتاح بعد ما يستاصل المراره

قلتله اعرف كثير ناس شالوها وارتاحو

قال انتي حظك كذا

وخلاص لا تفكرين كثير لانها ماصارت موجوده وانتهى الامر

ومنعني من كثير اكلات احبها وقالي امشي على الوصفه

ومن جد انا حزينه جدا جلست افكر ليش ما شلت الحصوات وخليت المراره


خلاصة الكلام:

اي وحده لا تشيل المراره الا لو كانت ملتهبه جدا ومافيه فايده من وجودها

واللي عندهاا الم بسيط تتحمله

وناقشي اكثر من دكتور قبل ما تسوين هالعمليه لان في واحد من الاطباء قالي لو الحصوات حجمها كبير مامنها خوف لكن لو صغيره ممكن تتحرك من مكانها

واللي عندها تجربه تحب تطرحها وتفيد البنات ياااااااااليت

واللي مرت بنفس حالتي تجي تواسيني استمرت كذا والا انصلح حالها


وسلامتكم
26
134K

يلزم عليك تسجيل الدخول أولًا لكتابة تعليق.

تسجيل دخول

لؤلؤة البحر22
لؤلؤة البحر22
الي اعرفه ما في علاج للحصوات غير استأصال المراره
وامي تعاني مثلك
وصدقيني اذا بقت الحصوات في المراره ممكن تكبر اكثر
واحد من الاقاراب انفجرت مرارته بسبب كبر الحصوات وتوفى الله يرحمه
@تعبت اشكي@
@تعبت اشكي@
الله يعين اختي

بس انا اقول لازم الوحده ما تشيلها الين تستشير اكثر من طبيب وتستخير

والله ربي ماخلق اي عضو الا وله فايده

بصراحه ان الحين اتالم اكثر من قبل العمليه

الله يكون في العون وبس
**نوارة**
**نوارة**
انا مقررين لي عملية مع انها ماعمرها المتني غير ممكن 4او 5 مرات

لكن يها حصوات صغييييييرة ومرة تحركت وحدة وسببت لي انسداد وصفار شديد لكن الحمد لله ربي ستر علي نزلت لوحدها

والحين قررو العملية خوفا تنزل حصوة ثانية وتسد المجري


بس انا مو مرتاحة للعملية مو خوف لا بس حاسة اني ماابغي اتسرع
الطاوية
الطاوية
انا شلت المرارة وبعد العملية فيه انتفاخ في الجهة اليمنى من المعدة و الام تجيني خفيفة
@تعبت اشكي@
@تعبت اشكي@
طاويه كم لك من يوم شلتيها؟؟

والله انا نفسك انتفاخ بالجهه اليمنى والم مكان المراره