شيرى انتى هيبقى احلى عليكى بنطلون على قد الرجل يعنى رجله مش نازلة على واسع وبلوزة سواريه من اللى بتيجى ناحية اطول من ناحية وياريت لو ليها حركة فى الكوول مثلا كلوش او كشاكيش والكمام كمان وترفعى شعرك
يا سلام يديكى طول ويمطك شويتين
ده رأيى
كده هيبقى احلى عليكى من الفساتين يعنى لعبك كله هيبقى فى البلوزة ولو عملتى مثلا على البنطلون من الجنب بطوله ستربس من نفس لون البلوزة او قماشها
الموضه دلوقتى فى الوان القماش اللى بتبقى الوان متداخلة تحسى انها مندمجة مع بعض بالميل مثلا او بالورب وبيبقى بين الالوان خطوط رفيعه لميع
او اللى بيبقى متلزق عليه ورود وفراشات من الحراير والتل
la rosa
•
صباح التكتيك يا شيرى ايه يا بنتى كل ده انتى كنتى شغالة مع عصابة ولا ناوية تحترفى وتقطعى على سفاح المعادى كل ده علشان صينيتين مكرونة وحلتين محشى
شيرى 44
•
نؤنؤه انا فعلا مش بلبس اصلالالالالالالالالالالا فساتين .. فساتين مين يا ماما عييييييب احنا فينا الكلام ده بردوا !! الفساتين دى للبناااات مش اناااا لست انا .. دى الجيبه بتتلبس فى المناسبات والأعياد بس تقوليلى فستان يا لهوى !! ده انا كنت طخيت نفسى بنفسى.
انا فعلا يا جميل كنت بفكر فى حاجه على بنطلون اسود ساده بس عايزة الحركات كلها بأه تكون فى البلوزه ولون مفرقع كده وخلاص كفايه عليهم .. انا عندى طقمين اسود فى اسود لقيت ماما بتتخانق معايا بتقولي ارحمينى بأه انتى رايحه فرح ولا عزا !! مش فاهمه ما هو الأسود شيك وحلو بس كلهم بيقولوا لى هو انتى عندك 50 سنه :( امال الفوشيوا والتركواز مين يلبسهم .. احبطونى وحسيت فجأه انى اتزنقت فى الوقت وعماله الف طبعا مش لاقيه حاجه .. كنت شفت موديل حلو فى محل بس كانت قماشته بتمط وبـ 875 جنيه بعدددد التخفيض بسسسس اصله مستورد .. لو عايزة البنطلون لوحده ب 420 بسسسس .. شفتى الى بيجرا لى
انا فعلا يا جميل كنت بفكر فى حاجه على بنطلون اسود ساده بس عايزة الحركات كلها بأه تكون فى البلوزه ولون مفرقع كده وخلاص كفايه عليهم .. انا عندى طقمين اسود فى اسود لقيت ماما بتتخانق معايا بتقولي ارحمينى بأه انتى رايحه فرح ولا عزا !! مش فاهمه ما هو الأسود شيك وحلو بس كلهم بيقولوا لى هو انتى عندك 50 سنه :( امال الفوشيوا والتركواز مين يلبسهم .. احبطونى وحسيت فجأه انى اتزنقت فى الوقت وعماله الف طبعا مش لاقيه حاجه .. كنت شفت موديل حلو فى محل بس كانت قماشته بتمط وبـ 875 جنيه بعدددد التخفيض بسسسس اصله مستورد .. لو عايزة البنطلون لوحده ب 420 بسسسس .. شفتى الى بيجرا لى
شيرى 44
•
طبعا يا كتكوته لازم نعمل حساب المستقبل والخطه B وC و Don كله موجود وتمام .. ما انا معتمده على ميرو بأه امال اصحاب كده عالفاضى ولا ايه
الصفحة الأخيرة
ميرو ازيك يا جميل .. بصى ده انتى فرصتك جات لك على طبق من دهب ... انا ااقولك تعملى ايه .. انتى كل مره ييجوا عندك تحطى جرعات قليله من سم الزرنيخ حلو؟ على المدى الطويل قولى شهرين يكون دورك عدا 3 مرات فى الرابعه مش حيلحقوها خلاص وتيجى النيابه تدور تلاقى قضاء وقدر لأنه حيكون تلاشى من جسمهم .. شفتى بأه ربنا كرمك ازاى عمليه نضيفة ميه ميه وانتى طبعا لازم تاخدى بالك من اى شبهات تحوم حواليك اديها عييييياط للصبح .. غلبانه وزعلانه ياعينى ومش حوصيكى تنضفى مكان الجريمه كويس .. تتخلصى من الزرنيخ فى التواليت وحطى بعدها شويه ميه نار مش حيضروا اهى نضافة بردوا .. وكل مره يكونوا عندك اعملى لجوزك لبخة ولا اسمها ايه دى محلول ملح .. اى حاجه تخليه كويس يعنى ... شفتى بأه مفيش احسن من كده .. حنعمل عصابه القط الأسود ان شاء الله :)
لاروزا .. صباح الفل حبيبى ايه يا عم المعلومات الجامده دى .. حعملها ميل وابعتها للكل ان شاء الله
جنه .. انتى فين يا جميل ؟ صباح الخير عليكى
بنات .. حد يعرف محلات سواريهات حلوه ويكون عندها مقاسات كبيره :( او عندكم فكره عن موضه الأقمشه دلوقتى ايه عشان لو حفصل ! انا بقالى كتير جدااااااااااااااااااااا مش فصلت ... بس المره دى ضرورى عشان عندى فرح كمان اسبوعين وكل بتوع الشغل حيروحوا ولازم الواحد يبأه تمام وانا محتاره ومخنوقه من الموضوع ده بكره ااقعد الف كده على قلة فايده