froo7aa
froo7aa
نور محمد

امين يارب والله يسعددك على هالدعوه


ابتسامة ياس حياكي الغلا


MiSs{SpOrty}


الله لايحرمني من وجودك اختي
froo7aa
froo7aa
يالله مع وجبات الغدا

الكبسه:
رز مقدار قبضة يد ياليت يكون رز طويل الحبه ركزوا اخواتي قبضة يد او زياده شوي يعني يجي تقريبا ربع الكوب
صدر دجاج
طماطم مبشوره او معصوره
توابل على حسب الرغبه انا احط (هيل وقرفه وفلفل وكمون واحيانا ليمون ناشف وبهارات طايفي)
بصل مقطع
جزر مبشور حسب الرغبه
قشر برتقال


الطريقه :

*تحطي البصل في القدر مع نقطتين او ثلاث بالعدد من زيت السمسم وتقلبيه الين يتحمر

*تضيفي له البهارات والدجاج وتقلبي الين تفوح ريحة البهارات تظيفي الطماطم المعصوره
وتتركيه شوي

*تضيفي المويه والملح وتخليه الين يستوي الدجاج ثلاث ارباع الاستواء تصفي بالملعقه المرق من البهارات
وتحطي الرز وعلى نار هادئه الين يستوي


تصير كبسه دايت :icon28:


تضيفي معاها سلطه بلبن قليل الدسم مع خيار مبشور وجزر او سلطه حمرا وبالعافيه



_____________________________________________________________

البرياني

المقادير :

صدر دجاج او فخذ

جزر مقطع مكعبات وحددي انتي الكميه بس لايكون كثير عشان ماينقلب طعم الاكل حلو

بصل مقطع مكعبات

بزاليا خضرا

طماطم مقطعه

زنجبيل مع فلفل اخضر وثوم مطحونين طبعا الفلفل حسب الرغبه

لبن زبادي قليل الدسم او خالي من الدسم نخلط معاه كاري وبهارات مشكله من فلفل وكمون وفلفل احمر بودره
عادي اتبدعي بس راعوا الكميات اخواتي يعني لازم تكون متناسبه مع بعضها هيه والبهارات عشان الطعم

قرفه وهيل والبهارات اللي تحبيها

كركم او هُرد

الطريقه :

*نحط البصل +الطماطم+الدجاج+ البزاليا الخضرا+اللبن المتبل بالكاري والفلفل والكمون +كركم او هُرد+ الفلف المخلوط مع الزنجبيل والثوم كله في قدر ونقلبهم مع بعض ونتركهم على نار هاااادئه ونقلبهم مابين وقت والثاني

بدون اضافة اي مويه النار الهادئه وبس اذا احتاج ضيفي قليل مره بس راعي انه يكون مرق شويه

*الين يستوي الدجاج ويتسبك مع الخليط تشيلي مقدار قبضة يد رز يعني حق ربع كوب رز طويل الحبه وتسلقيه مع الهيل والقرفه وتتركيه على النار الين يستوي

* لكي الحريه تخلطي الزر بعد الاستواء مع الخليط او تغرفيه في الصحن وفوقه الخليط

وكليه مع اي سلطه تحبيها تكون على طريقة الدايت


________________________________________________


سليق :cook:

* تسلقي صدر دجاج وتضيفيله بصل + ثوم + ورق غار + مستكه +هيل +قرفه (احيانا اغش واحط شويييه مره ماجي اقل من الربع ) وتتركيه على النار الين تحسي الدجاج استوى ثلاث ارباع لاستوى

بس نصيحه قطعي البصل والثوم كبار عشان تعرفي تصفيهم

*تصفي المويه من التوابل هذي وتحطي الرز بنفس الكميه اللي قلنا عليها وتتركيه الين يستوي على نار هاادئه
اذا حبيتي تضيفي حليب حطي حليب قليل الدسم او خالي من الدسم بس قليل احلى


* انا اسوي معاه سلطه مره احبها ابشر طماطم واحط عليها فلفل اخضر وثوم وقليل من شطه الاندونيسيه سومطره
قليل مره لاتكثري عشان فيها سكر


________________________________________

يارب تكون عجبتكم ورح اضيف الباقي في وقت تاني ياليت اللي عندها افكرا تعطيني


يابنات بقولكم شي ممكن الوحده فينا تقول انا فاضيه اطبخ للبيت ولنفسي

بقولكم تقدروا تسوو هالشي حتى للبيت كامل بدون مايدروا انه دايت والله مره حلو وانتي اغرفي كميتك المحدده من 6 الى 8 ملاعق ارز


يالله ابغى اشوف ابداعاتكم في تطبيق الريجيم والافكار الحلوه للاكلات





مره حلو وسهل الريجيم صح يابنات :)
بنوتة_جدة
بنوتة_جدة
والله موضوع جا على الجرح انا لسه مخلصه من دايت سنتر صارلي اسبوعين واني ارجع لنفس نظامهم ماني عارفه :(
كان نظاام يجنن وما تحسي في حرماااان وكمان تنحفي :)
شكلي حعمل زيك نظامك لانه من جد تحسي زي نظامهم وانا نفسي اعرف اطبخ زي اكلهم يعني كانوا يجيبوا اي شي ممكن بطريقه خفيفه مطبوخه يعني كلل شي تتوقعي يعملوا وكفايه بس سناك اللي يترسل :(
من جد كان نظاااام رااااااااااائع وهو النظام الوحيد اللي التزمت فيه لمده ثلاث شهور ونفسي اشترك تاني بس ما ينفع لازم اتعود بنفسي واعمل زيهم من نفسي
معليش طولت عليكي بس شكلي حعمل زيك عشان زي نظامهم تقريبا مشكوره حبيبتي :27:
froo7aa
froo7aa
بنوته خليكي معايه اكله باكله ورح تحسي انك معاهم


اهم شي شوفي ايش اساسيات الطبخ

ترى انا احب الطبخ والتاليف ههههههههههههههههههههههههههههههههه


دوبني جايه من وجبة الغداء
قلت اليوم ابغى اسوي شي جديد

طبعا قلنا الغدا اما 6 الى 8 رز او مكرونه نفس الكميه

قلت خليني اغير واسوي اليوم مكرونه وطلعت مرررررررررررررره حلوه والله



الطريقه:

*تسلقي المركونه مع شوية ملح الين تقرب تستوي
* تقطعي بصل مكعبات وطماطم وجزر وتحطيها مع المركونه لما تقرب تستوي حبه فلفل اخضر
بس لاتتهوري مثلي وتقطعي الفلفل طلع مررررررره حار خلي زي ماهو بس عشان يطي نكهه وقطعي كمان ثوم

* لو عندك بودرة ثوم رشي مع بهارات طايفي وفلفل وكمون وبصارحكم بشي غشيت اليوم وحطيت شويه مررررررررررره ماجي اقل من الربع

خليه الين يتشرب المويه وكليه وربي طلع جنان دحينه سويت طبق ثاني لامي عجبتها الريحه يالله بنات ابغى افكار وابدؤا معايه مانبغى رمضان يجي واحنا خخاربينها انتظر تفاعلكم

انا اليوم ليه رابع يوم بس حاسه وجهي ضعف
froo7aa
froo7aa
مادري ايشبي اكتب مركونه ههههههههههههههههههههههههههههههههههههههههههههههههه

يمكن من كثر ما اعلف على عيال اخوي الصغار