هو آآسرني
هو آآسرني
شذا شوفي حلمي الاخير الله يخليك

حلمت اني البس اخوي الكبير عقال واظبطه تمام على الشماغ ويوم خلصت قلت له طلعت حلو انا دايم اسوي لزوجي(وذكرت اسمة)كذا..

وشكرا لك

طلبتي احلام ثانيه

اليوم حلمت اني اشوف كلاب كثيرة ولهم مدرب ويسوون حركات تهبل وكنت ابايع ابغى اشتري واحد..

حلمت قبل فتره اني شفت ثعبانين صغار عندي في الصاله وكنت عادي غير خايفه منهم بل كانو كاي شي موجود في البيت بمعنى كانهم من افراد الاسره..وكان لونهم واحد ابيض وواحد مايل لسواد وحجمهم نفس بعض وصغار..

وكمان حلم..
شفتني جالسه فمجلس وعندي ولدين توائم يجننو واحد كان يلعب معي وواحد قاعد يحبو في المجلس..في زاوية المجلس يوجد ثعبانين صغار حلوين لونهم ابيض وفيهم نقط اسود راح الولد الي يحبو عندهم وشال واحد وعضه قريب من ذيله (الولد الي عض الثعبان) وقمت فكيت الثعبان من فم الولد ورجعته مكانه..انتهى .

شكرا لك
متعقده من الحياة
الله يجزاك كل خير
انا سبحان الله من قبل مااحمل وانا اتحلم
قبل مااحمل كنت في البر وفيه تل مرتفع يمشي فوقه ولد عمرهسنه فكنت اصرخ على اللي عندي واقول لايطيح وسبحان الله اول مابغى يطيح امسكه اخوي وجابه لي
وحللت بعدها بشهر وطلعت حامل
بعدها تحلمت ان اخوي نفسه يعطيني ساعه بيضاء بروازها فضي
وحلم ثاني رحت انا وياه سوق الجوالات وعطاني جوال اسود شاشته كبيره بس ماعجبني مره
ومره تحلمت اني ماسكه مولود واقول لبنتي شوفي فلان {اسم الدلع حقه}انتبهي عليه وكانت تحبه
ومره كان اخو زوجي عندي وكنت اصب له القهوه
ومره تحلمت ان واحد مناخواني اشترى لامي سلسال ذهب معلق فيه قطعتين فضيه طويله مع حلقين فضيه وامي ماكانت راضيه تبغى تشتري على كيفها

اسفه ياقلبي شكلي طولت في الاحلام بس ترى هذا اللي اذكره
علما ان عندي بنتين والحمدلله على عطاء الرحمن
uae9090
uae9090
مشكووووووووووووووووره فديت قلبك وياااااااااااااارب يكون ولد مثل ماقلتي
مشكووووووووووووووووره فديت قلبك وياااااااااااااارب يكون ولد مثل ماقلتي
مشكورة على الجهود التي تبذليها لنا وإن شاء الله يكون في ميزان حسناتج


وانا من يوم حملت كثرت أحلامي

الحلم الاول أخوي حلم اني كنت في المستشفى وجبت بنية

الحلم الثاني حلمت انه عندي سيارة استيشن جديدة جالسة انظفها واخوي بعد جالس ينظف سيارته وعقب من خلصت من التنظيف ينط علي صدري غزال صغير ومسكته وكان لونه حلو وكنت اسال اخوي هذا غزال والا معز وعقب خشيته في السيارة مالتي

الحلم الثالث انه زوجي جابلي بنيه صغيرة يمكن عمرها 4 شهور وحطيتها فوق السرير الا الاقي مخيسة عمرها بالبراز وعقب كنت جالسة انظفها ورفعت رجلينها والاقي تغير العضو مالها الي شيء طويل يشبه عضو الذكر نوعا ما بس بدون خصية وبعدين لبستها بنطلون بني وكنت ادور على قميص ولقيت الها قميص ابيض


الحلم الرابع اني دخلت غرفة وكان فيها ورد جوري كثير و كبير وكان عدة الوان وانا شليت الجوري الابيض وخشيته في حمام اهلي الله يعزج
وعقب كانت في ايدي نصف برتقالة كان لونها حلو وطعمها وكنت ماسكتنها بالقو ما ابغي احد ياكل منها
غاليه بعينه
غاليه بعينه
اختي يعطيج العااااااااااااافيه ردي علينا احنا بنتضااااااااارج
وصايف من الطايف
السلام عليكم
انا حلمت حلمين الاول وانا بالشهورالاولى من حملي وهو انه كان فيه ثعابين كثيره متجمعه حولي وكنت احاول ابعدها عني وفجأة نط واحد فيه. وصحيت من النوم
الحلم الثاني حلمت اني ولدت ولد جميل جداجدا ويفهم وينفذ اللي اطلبه منه وهوه لسه باللفه.
اش تفسيرها الله يعطيك العافيه
علما اني بالشهر الخامس الان وعندي بنت و3 اولاد
وشكرا