سمك مع كاري وجوز الهند طعم جنان وسهولة تحضير

هلا حبيباتي
وانشا الله انكم تكونوا اتفوقتوا بهالشهر الكريم بالعبادات وليله القدر لاتنسونها
ما اطول عليكم لكن معروف احنا يالخليجين ولعنا بالاكل الهندي لكن وش هو السر


السر بالبهارت لكن الحبوب مو الطحونه يعني لبغيت تسوين ايدام هندي حمصي البهارات حبوب زي الفلفل الاسود والكمون وحبوب الكزبره والشمر وهذا الي راح يصير بطبقنا اليوم

المقادير عزيزاتي
سمكة فيليله امقطعه مربعات كبيره
ملعقتين عصير ليمون
نص كوب جوز هند ينباع باكياس مبشور بالسوبر ماركت
قطعة زنجبيل مفرومه ويفضل يكون اخضر من السوبر ماركت
فصين ثوم
بصله كبيرة
زبده
فلفل احمر حسب الرغبه وممكن تستغنين عنه عشان لايسون لك البزوره صجه
ملعقتين صغيره تمر هندي
واحد ونص كوب مويه
والبهارات كالاتي خي من كل شي ملعقه صغيره حبوب الفلفل الاسود حبوب الكمون كركم
ما عدا الشمر نص ملعقة

الطريقه
خذي السمك واشطفيه بالما مع الملح وانقعيه بليمون بعد ما تكوني قطعتيه
تحمص البهارات المذ1كورة مع بعضها ومعهام مبشور جوز الهند الى ان يصبح لونه ذهبي وتطلع ريحة البهارت ويمكن معاها تنيسن نفسك وتقعدين تغنيني اغاني هنديه من تاليفك بس لا احد يسمعك
بعد التحميص ندقها عل خفيف بمدقة الثوم ونطحن على جنب الزنجبيل والثوم والفلفل ليصبح معجون ونضيفها لخليط البهارات والتمر الهندي

نحمي الزبده والبصل ونضيف الخلطه والمعجون على نار هاديه ونضيف الماء لين يغلي على نار هاديه نضيف لها قطع السمك وارح نلاحظ مع نضج السمك راح يثقل الايام عشان جوز الهند ويستوي السمك وقتها اطفي النار ورشي الكزبرة الخضرا وقدميه مع الارز الابيض وبالهنا والعافيه