AHHAT ZEMAN

AHHAT ZEMAN @ahhat_zeman

عضوة نشيطة

ساعدوني في عزومتي

أطباق رئيسية

مساء الخير يا بنات

ابغي مساعدتكم لا هنتو ..:)
عندي عزومه يوم الجمعة و محتارة ايش اقدم:7_2_103v: من اطباق رئيسئة و مقبلات و سلطات و حلى:10_8_9:
ساعدوني يا فنانات .. على فكرة ضيوفي ما ياكلو لحم!ّ!
8
3K

يلزم عليك تسجيل الدخول أولًا لكتابة تعليق.

تسجيل دخول

عنودان
عنودان
أختي أول شيء لازم تكتبين الأشياء أقصد الأكلات اللي ناوية تطبخينها واللي ناوية تطلبينها من برة، وبعدين اكتبي الأغراض اللي تبغينها من الجمعية، على فكرة يفضل إنج تسوين الحلويات قبل العزيمة بيوم عشان ما تضييع وقت وعشان بعد بعض الحلويات يبيلها فترة طويلة في الثلاجة....

أول شيء وقبل العشاء وبعد ما تسلمين عليهم وبعد ما تسولفون شويه قدمي لهم عصير طازج...
المقبلات:
سلطة أي نوع (فتوش "عشان ما ياخذ وقت طويل")
شوربة عدس أو خضار...
كبة (اشتريها الجاهزة من المطعم أو المثلجة اللي تنباع في الجمعية)..
ورق عنب (سوي قبل العزومة بيوم)...
حمص...
سمبوسة(لفي السمبوسة قبل العزومة بيوم) " خلي أخواتك يساعدوك في اللف"

العشاء:
كشري أو باشميل
مشاوي(اطلبي من المطعم عشان ما تضيعين وقت وإذا حبيتي تشوين أطباق إضافية في البيت اشوي دجاج)
سندويشات دجاج...
فطاير (بيتزا -شامية-سبانخ-زعتر-كرافت بالعسل) اطلبي الفطاير من المخبز عشان ما تضيعين وقتك..
أو انك تطلبين لهم فطير (مشلتت)...

الحلويات:
-حلو السمبوسة( تحطين في السمبوسة جبن كيري وتلفينها بشكل طولي وبعدين تقلينها وبعدين تحطين فوقها عسل وترشين فوقها فستق مطحون...وتقريبا في كل عجينة (ثلث) مكعب جبن الكيري)...
- كيكة الفستق...
-كيكة الكاكاو بالأناناس....
- كريم كاراميل...
-تشيز كيك...
-فطاير تفاح...

وإذا حسيتي إن الوقت ضيق تقدين تشترين الكيك الجاهز وقطعيه مثل (باوند كيك) يعني إنتي اللي سويتيه...
البيتي فور
البقلاوة
الكنافة...إلخ

وإن شاء أختي أكون أفدتك ...والله يوقفك ويساعدك على العزومة ولا تنسين خلي أخواتك والكل يساعدك....

بالتوفيق إن شاء الله
ولا تنسين الشاي والقهوة...والدخون والعطور
AHHAT ZEMAN
AHHAT ZEMAN
عنودان
مشكورة على الاجابة بس ابغي افكار جديدة
نفيسه خانم
نفيسه خانم
السلام عليكم ورحمة الله وبركاته ...........اول شيء انصحج بشراء اغراض العزيمه بيومين من وقتها .....................من ناحية الاكلات كالآتي المقبلات :ورق عنب , وحمص , ومتبل , وتبولة , وفتوش عموماً المقبلات الشامية هي الأفضل , وبعد السلطة اليونانية لذيذة وحلوة انها تكون مع المقبلات..............................من ناحية الأطباق الرئيسية: انتي ذكرتي ان ضيوفج ما ياكلون لحوم , فممكن تقدمين لهم اسماك بانواعها والافضل سمك الهامور لانه يصلح للعزايم , وفيه بعد معكرونة بالباشاميل طبعاً على دجاج , سمبوسة الدجاج والروتي بالبقصماط المحشي بالدجاج وبعد صينية البطاطس بالباشاميل ........................اما من ناحية الحلويات : الاسهل في التحضير سلطة الفواكه , والكريم كاراميل , انصحج بكيكة العلالي السريعة التحضير ومكتوب على علبتها الكيك الاصفر , الصراحة طريقة تحضيرها سهلة وتقدرين تتفننين فيها مثلاً تضيفين عليها صلصة التوفي وفوقها حبات اللوز تطلع لذيذة جداً ......................وطبعاً القهوة والشاهي قبل العزيمة وبعدها , وحلو انج تقدمين القهوة مع تمر , وشوكلاته او بيتي فور او مرزبان , ومع الشاهي تقدمين موالح ...................................والله يوفقج ويسعدج.
عنودان
عنودان
أختي عندي لج فكرة لسلطة الفواكه....

تجيبين العود الخشب اللي نشوي فيه الشيش طاووق....

تقطعين مثلا شريحة كيوي...وبعدين فوقها شريحة أناناس..تفاح ...كمثرى...وآخر شيء تحطين الفراوله...وبعدين تحطين عيدان الخشب اللي فيها الفواكه في سلة حلوة وبشكل مرتب...

وعندج المقبلات السلطة مثلا تحطينها في أوراق الخس وكل واحد يأخذ ورقة الخس اللي فيها السلطة، وعندي بعد فكرة للسندويشات...

حطي همبرجر الدجاج في الفرن وبعدين تقطعين الهمبرجر أربع أقسام كل قسم حطيه في الصمون المدور الصغير (الصمون الإنجليزي) وحطي عليه شريحة طماطم وقطعة من شريحة الجبن، ومايونيز وقطعة خسة صغيرة، وثبتيها بعود الخشب الصغير.....(يعني ميني همبورجر ساندويش)

وتقدرين بعد تسوين سندويش دجاج بالجبن وتحطيه في الصمون الصغير وتثبتيه بعود الأسنان ومن فوق تزينيه بالزيتون....

وأختي تقدرين بعد تسوين سلطة المعكرونة اللي يحطون فيها الملفوف البنفسجي (أنا ما أعرف أسويها بس مرة كانت زوجة خالي كانت مسويتها....دوري في المنتدى وإن شاء الله تحصلينها)

والسويت تقدرين تسوينه وبعدين تقطعينه وتحطينه في أوراق البلسيه....







أختي ممكن طلب:






ادعي لي
إن يرزقني الله بالزوج الصالح النقي التقي المخمون القلب، العاشق لله ورسوله، الناجح في حياته، الغي بدينه وأخلاقه وعلمه وماله، الهين اللين الدين المرفوع ذكره في السماء والأرض، وأن يجعلني الله قرة عينه وقلبه، وأن يجعلني ماء عينه ودم قلبه ودفء حياته، وأن يسعدني الله معه ولا يشقيني معه، وأن يرزقني الله الذرية الصالحة الطيبة عاجلا غير آجل، وأن يعجل الله زواجي ولا يؤخره، وأن يسهل الله علي أمروي وييسرها علي، اللهم عاجلا غير آجل

وأن يرزقني الله بالوظيفة التي أرتاح فيها عاجلا غير آجل

اللهم آآآآآآآآآآآمييييييييييييييييين
القمر_1
القمر_1
اهلين حبيبتي
عندك عدة خيارات

اللحوم ممكن استبدالها يالسمك و الجمبري و الأستكوزا و الكافيار ( ثمار البحر )

انواع الشوربات : بيضاء . ذرة . طماطم . بحريات . عدس . حريرة , مرق خضار مشكله ....

انواع السلطات : فتوش . تبوله . سيزر . مكرونه , بقول , جرجير , زيادي بالخيار , ملفوف و جزر , خضار بالمايونيز , سلطه خضراء , سلطة يونانيه . سلطه مقالي ......

انواع المقليات : كبه , سنبوسه منوعه , بطاطس , سبرنق رول , بيف , روبيان مقلي ....

انواع الفطائر : نفس العجينه مع اختلاف الحشوات و الأشكال , بيتزاء , نقانق ....

انواع المحاشي : حمام محشي بالفريك , ورق عنب , كوسه , باذنجان , فلفل بارد , ملفوف , بطاطس , باذنجان شيخ المحشي , قوارب الكوسه المحشيه .....

صواني الخضار : فته , مصقعه , مصقعه بالباشميل , خضار مشكله ......

اطباق رئيسيه : جريش , قرصان . مرقوق , مراصيع , مصابيب ...

اطباق المكرونه : مكرونه سباقيتي , مكرونه بالباشاميل , بيتزا مكرونه , مكرونه صينيه بالخضار , فيتوشيني , كانيولوني .......

اطباق الأرز : رز صيني بالخضار , رز بالربيان , رز بايلا , كشري مع الصوص , مقلوبه الخضار مع الرز , رز صياديه بالسمك .......

بالأضافه الى حلي القهوة و حلي العشاء و الفواكه و المشروبات و العصائر

اذا اردتي السؤال عن اي من هذه الأطباق لا تترددي
و لو تاخرت عليك ارسلي لي على الخاص اسرع
الله ييسر امورك و يسهل عليك
اختك القمر_1