صدور دجاج مخليه ومنزوعه الدهن
كرات ( موجود في كارفور او المجمعات الكبرى ) مفروم
4 فصوص ثوم
بصله صغيره مفرومه ناعم واخرى مفرومه خشن
3 ليمونات
علبه عصير عنب طبيعي
كوب كريمه طبخ
مكعب ماجي + ملح وفلفل + بابريكا + طحين
زيت زيتون + زبده
الطريقه
نحضر الصدور ونقطعها بالطول نصفين
نحضر تتبيله الدجاج التاليه
نذيب مكعب الدجاج في ماي ونضيف عليه الباريكا والملح والفلفل وعصير العنبوزيت الزيتون وممكن صلصه ووركشستير والزيت
نتبل الدجاج ونخليها نص ساعه في التتبيله
في هاي الاثناء نحضر صلصه السوبريم
في مقلاه او مله ذوبي الزبد مع زيت الزيتون وضيفي البصله الناعمه والكرات والثوم المفروم وقلبيهم بس لين يذبلون وما يتغير لونهم وبعدين ضيفي الطحين و قلبي و ثم حطي كوبان من شوربه الدجاج لو مو متوفره ممكن تذوبين ماجي في ماي وتستعمليه وقلبي لين يصير نفس الباشاميل
ضيفي الكريمه
اعصري الليمون وضيفي العصير وقلبي وبعدين حطي بقدونس و كسبره او خلطه اعشاب مشكله جافه
في مقلاه منفصله حمري البصله الاخرى مع حبه ثوم
ضيفي الدجاج وابدأي بالتقليب
اول ما يستوي الدجاج قدميه وصبي عليه الصلصه وزيني بشرائح الليمون
