سلام عليكم
موضوعي دوغري وهو علاقه الاخوات ببعضهم اذا كبروا بناتهم
طبعا مااقول الكل لكن الكثره والقليل القليل من تلقاهم عقال
ليه يابنات من تكبرون تبدون تشيشون امكم على اخواتها ؟!
مو هم اخوات ربوا في بيت واحد ؟!
اتقي الله في نفسك هذي اختها مهما كان مهما غلطت بينهم عيش وملح
ويمكن سوت لامك اشيا انتي ماسويتها ولانفعتيها
استغرب من بعض الامهات تروح تشكي اختها لبناتها !
المفروض أي مشكله بين اخواتك تحلونها بين بعض بدون علم البنات
ليه تكبير القلوب انتم تتصافون والبنات يبتلون يذكرونكم بالموقف
وانتم يالامهات اذا عاقله المفروض ماتسمحين لبنتك تتكلم عن اختك
ولو هي غلطانه عليك سكتيها
لان تربيتك راح تشوفينها في علاقتك ببناتك وتشوفين تشتتهم قدامك
ومافي شي اصعب على الام من انها تشوف عيالها قلوبهم موعلى بعض
ادري كلامي ملخبط بس جددد متضايقه من هالموضوع
اخوات مايكلمون بعض والسبه بناتهم
موقف صار قدامي ★☆
وحده من خالاتي كتومه مرررره لو ضايق صدرها ماتقول
بس ماشالله عليها قلبها مفتوح للجميع تسمع شكاوى وتحلها لاخواتها
جو بنات احد الاخوات الي تفضفض ويهاوشون امهم
انتي تعلمينها كل شي وهي ميب تعلم !
طيب خالتي طبعها كتووووم واذا فضفضت فضفضت لاختها مو غريبه !
وماحد حاس فيها الا اختها ومعطيها الحل
يعني .. يابنات ☆
اتقوووا الله في خالاتكم وخلو عنكم الحسد والحقد
الاخت مردها لاختها طال الزمن او قصرررررر