كفايه عليكم كده النهرده

يارب يصلح احوال الجميع...ونطمن على الكل..ان شاء الله

بكره الجمعه ان شاء الله متنسوش سورة الكهف
و اليوم ليلة الجمعه..الدعاء مجاب ان شاء الله

اسر الله قلوبكم
و اعزكم
و اسعد اوقاتكم

ام البنات.....ربنا كريييم اوي والله وانتي بتحكي موقف بنتك انا كان قلبي هيقف مالخضة الحمد لله بناتك اكبر نعمة واهم من الفلوس ربنا يحميهم ويحفظهم

مرمر البتول....يارب تنزلي ال8 كيلو الباقيين وحلو انك عاوزة تعملي نيولوك وتخسي فيه حاجات بتزود معدل الحرق في الجسم انك تشربي ماء ساخن عليه قرفة وكمون ولمون ونصف معلقة زنجبيل انا كنت بعمل ترمس من الخليط دة وطول النهار اشرب منه معلشي هو طعمه وحش بس هتتعودي عليه

مرمر.....ان شاءالله تولدي بالف سلامة وتفرحي بالبيبي بس انا عاوزة اقولك اني عكسك تماما وبدعي ربنا اني اولد قيصري ان شاءالله من كتر مابسمع عن حاجات غريبة في الولادة الطبيعية فعلا زي مافيميل قالت القيصرية ولادة الاميرات وانا ولدت حبيبة قيصري الحمد لله

يا خراشي تسلم ايديكي انتي صور تجنن حلوين قوييييييييييييي

يا جماعه النامووووووووووووووووس اتهريت والله
مش نافع معاه حاجه لا ايزالو زلا ريد ولاحتي اوف
شوفولي حل باكلمكم والله رجليه اتورمت من القرص قاعدلي تحت المكتب بيتسلي عليه

السلام عليكم ورحمة الله

ام سوسو

متشكرة على الرسالة الجميلة والكلام الرقيق يا قمر مختفية النهاردة

ام يوسف

ربنا يصلح الاحوال ويكتبلك الخير ان شاء الله مختفية برده

مرمرالبتول\

اهلا بك معانا

ربنا يعيننا على ولادنا ويهديهم كدة ويبقوا حلوين بس حاولى تمسكي اعصابك شوية اانا كل ما اتعصب افول حرام هاعمل عقلى بعقل طفل عنده سنتين ههههههههههه
واحاول افكر في حل تانى

سبحان الله لقيت عندى كتاب عن التربية كنت بدور عليه ومش لاقياه ولقيت زيزو بيشخبط فيه

فرحت اوى انى لقيته ولقيت في كلام كويس هحاول اكتب لكم منه حاجات

وانا متفقة معاكى ان الجدود بيدلعوا
انا ابنى لما ننزل مصر ويروح عند بابا خلاص ربيبقى واحد تانى وبيعرف يخليهم يعملوا له اللى هو عايزه مجرد ما يعيط كلهم يبقوا عايزين يعملوا اى حاجة عشانه

ربنا يهدى الجميع

ام اروى

الف سلامة على اروى ربنا يتم شفاها ويحفظها

وربنا يعينك على الولاد هو السن دة متعب شوية

طيب حاولى تخففى البيت يعنى شوفي الحاجات اللى مش محتاجاها واتبرعى بيها او ارميها عشان ما يبقاش في حاجات كتير بنتك تطلعهم من مكانهم وتعمل فوضى
وبلاش اللعب اللى فيها اجزاء كتير

اللعب صنفيها وشيليها خلى واحدة او اتنين
وبعد فترة شيليهم وطلعى غيرهم

اقوللك على فكرة بعملها مع زيزو لما اكون عايزة انظف او ارتب حاجة
بملا البانيو ميه وشوية شامبو صغيرين بيعملوا رغاوي وياخد لعبه معاه ويعيش حياته بس ما يكونش البانيو مليان اوى يعني شوية لحد رجليه كدة وابص عليه كل شوية

وخلى البهدلة في مكان واحد الليفينج او اوضتهم
والباقي اقفليه

يعنى لو افتكرت حاجات هاقوللك

مرمر

ربنا يرزقك بولادة طبيعية سهلة ان شاء الله

والاتنين صعبين القيصري او الطبيعى انا الاتنين كانت راسهم تحت وولدت قيصري برده الحمدلله

ام البنات

موقف صعب جداالحمدلله ربنا فدر ولطف المهم خلى بالك ان مايكونش في كرسي او حاجة تحت شباك عشان ما تطلعش عليه
ربنا يحفظها ويخليها

ويرزقك من حيث لا تحتسبي ان شاء الله

زوجة مصرية

كلامك دايما بيمس القلب وبينور في العقل

ربنا يفك كربك ويصلح لك الحال كما تتمنى بيتهيأ لى الكلام اللى قلتيه لمس كل واحدة فينا


ميرو

انتى قلتى مرة ان جوزك شايفك دايما يعتمد عليك ودة كان مضايقك وكنتى قلتى كنت اتمنى انى ما اكونش بعرف اتصرف عشان يهتم بي

طيب ما تريحي نفسك جربي انك تعتمدى عليه

سيبيه هو يقرر وينفذ وانتى اسمعى الكلام وقولى رايك برده بس هو يقرر هيعمل ايه في الاخر واللى بيقرر هو بيتحمل مسئولية قراره حتى لو غلط انتى والولاد مسئولين منه في النهاية
ورايي انك ما تقوليش لباباكى