من الحين اذا عندك مناسبة اشتري مشد الي من الركبه الين البطن
و روحي اشتري قماش قطيفة ( شامواه ) يكون اسود و خليه كم طويل و فتحة الصدر خليها مثلثة و يكون الموديل كله مزموم على جنب و تقدرين تضيفين له افصاص او شرائط زينه
وأشتري حلق دائري صغير و سلسله رقبة طويله
هذا الستايل ينحف و مع التمارين و الدايت طبعا معاك فرصه طبعا
بالتوفيق

احسن شي تتابعي مع اخصائية تغذية و تنتظمي في نادي و شوفي كيف وزنك حينزل و جسمك حيتناسق و يتغير بسرعة و كلامي بقولو من تجربتي بس اهم شي تلتزمي بالريجيم و التمارين

الله يفرج همك ماقصروا البنات

اول شئ تروحين تسوين تحاليل للغدة و فيتامين دال والهرمونات طبعا تشرحين للطبيب السبب انك تعانين من السمنه وبيعطيك الفحوصات الازمه

في حال كنت سليمه وان شاء الله راح تكونين
جيبي مفكرة واكتبي كل اكلك فيها بالوقت والساعه و كم لقمه وكمية وايضا رياضتك بالوقت والكيفيه مثلا مشي سريع بطئ متوسط لمده اسبوع

واحسبي السعرات الحرارية حقتها راح يبين لك اكلك

فيه ناس تحسب انها تاكل شئ بسيط او مثلا ماتاكل الا وجبه باليوم وبالاخير تطلع هالوجبه عن اكل يومين او هالشئ البسيط ممكن قطعه كيكه عن غدا دسم او سلطه مابقى شئ بالثلاجه مو فيها وصوصات ثقيله ولا نص قاروره زيت زيتون وتجيك تقول ياربي ليه ماانحف وانا بس اكل سلطه وهي تاكل النون ومايعلمون

الشئ الثالث اذا نظامك تجويع فماراح تنحفين جسمك بالعكس راح يخزن الاكل لانه يخاف من مرحله مجاعه


في البداية انصحك تراجعين مع اخصائيه ثقه وفاهمه حركات الاخصائيات اللي تفتح درجها وتطلع لك ورقه مطبوعه بالكمبيوتر من ملازم لنفس الرجيم اتركيهم وقولي لهم ابي رجيم خاص فيني انا مابي شئ اطبعه من النت واناجايتك ودافعه ومتعنيه ومتكلفه اذا ماوفقت اتركيها وابحثي عن غيرها ثقه

فيه وحده اسمها راندا برياض الهجن اشوفهم يمدحونها

او الاريح والاصح اذا حالتك المادية تسمح تشتركين مع دايت واتشرز هم بالرياض اكلهم مره لذيذ ويرسلون لك اكل اليوم كامل 3 وجبات و2 وجبه خفيفه وحاسبين الكميات حسب كلام الاخصائيه سعره تقريبا 2300 او منيو محدد وانت تحددين كميه السعرات وبدون اخصائيه ب1700 تقريبا مع التوصيل لبيتك نفس نظام دايت سنتر بس صراحه دايت واتشرز الذ بكثييييييييير وتنوع اكثر وتحددين السعرات حسب مايتناسب معك بس دايت سنتر مافيه يا1200 للنساء ي1500 للرجال وهذا اخطر شئ لانك تنزلين بسرعه وبعدين بيتوقف ماراح ينزل وماتقدرين تنزلين اكثر من 1200 لانك بتدخلين بمرحله التجويع وراح تخسرين عضل وهو شئ مهم يخليك تحرقين بسرعه ويرتب جسمك واذا خسرتيه وسمنت بعدين بيصير مكان العضل شحم و بيصير مترهل وبسرعه تسمنين وبصعوبه تنحفين


كثرت كلام بس ابي افيدك لان شكلك جدا متأزمه

اشكر كل من ردعلي الله يجعله في ميزان حسانتك
بس الي تسال تقول معاك غده ايه ياقلبي معي خمول غده ونسبه بسيطه من نقص فيتامين دال وتكيس مبايض الحمدالله على كل حال واتعالج عندالدكتوره ويارب يعافيني
المشكله ابي دعم نفسي يعني دايم اقول لنفسي الى متى وانا كذا تعبت طيب معقوله اعتزل العالم بسبته هالسمنه !!