السلام عليكم
زوج اختي كتب لها هذا الايميل وهي زعلانه عندنا الان وحاول ان يبين لها اخطاءها واحس والله اعلم من خلال معرفتي بأختي ان كلامه صحيح بنسبه 70 %
هل تستحق الطلاق لو طلقها ان صحت هذه الاخطاء لديها اترك الحكم لكم بكل صراحه
وهذه هي نقاط الايميل
1- عدم وجود اسرار بيني وبينك وكل شئ اسئلك عنه وخصوصا راتبك تقولين ( مايخصك وش دخلك )
علما بأني ماخذ شئ منك بس مجرد اطلاع واريد معرفة شئونك من باب اني زوجك وشريك حياتك
واحب تسولفي معي عن كل شئ
2- الكذب واستمرارك عليه
3-عدم التفاعل مع البيت والاولاد وكأنك غريبه وامورنا ماتعنيك واختبارات الاولاد لاتهمك مع انك مدرسه حتى انك لاتعلمين الماده اللي بيختبرها ولديك او بنتك واذا مرض احد اولادك لاتهتمين ولاترعينه ولاتقلقين عليه وقلبك خالي من الحنيه نهائيا
4-لاتمنحين زوجك الشعور بالثقه فيك فأنتي تكذبين في اوقات الدوام وتخرجين متأخره مع ان زميلاتك يطلعن من المدرسه بدري ويسابقن الطالبات على الخروج لهفه على بيوتهن ومشاغلهن الاسريه .
5- لم اشاهدك يوما وانتي تداعبين اطفالك الصغار وتلهين معهم مع انك تدعين حبهم
6- صامته ولاتتحدثين معي او مع اولادك وجالسه على النت وتحبين الخلوه بمفردك في غرفتك
7- لاتمنحين الفراش حقه وبارده ولا عمرك اعطيتيني بوسه من تلقاء نفسك حتى بعد ماطلب تعطين وحده على السريع وبدون نفس
8-لاتهتمين في مظهرك بشكل دائم بل احيانا فقط وعندما اطلب منك تغيير لباسك تزعلين وتعاندين وتستمرين عليه عدة ايام مع اني لو لم اطلب لغيرتي في نفس اليوم ربما
9- عندما اطلب منك تنظيف المطبخ وترتيبه لوجود روائح بقايا الاكل والحشرات لاتستجيبين وتزعلين وتقولين ( من زين نظافة بيت امك او اختك ) مع ان الاوساخ امام عينيك
- عندما تطلبين الخروج للنزهه واعتذر لأي سبب تنفعلين ويوصل بك الامر ان تمدين يدك وتهاوشين لاتفه الاسباب
10- عندما اعاتبك في اتصال هاتفي لاتناقشين وتقفلين الخط بوجهي
11-عندما طلبت منك ان تقدين اجازه بدون راتب وتذهبين معي الى منطقة عملي لأرتاح قليلا من عناء السفر والمشاوير رفضتي ولاترغبين حتى النقاش في هذا الموضوع
12-عندما نذهب الى المدينه او مكه تضيعين وقتنا في اسواق ونرجع ونحن مكدرين مع اني لم اقصر في ايصالك الى السوق
13- البخل الذميم فأنتي لاتعطين ابناءك من راتبك ولا تقدمين لهم الهدايا ولاتساهمين في شراء ايء شئ لبيتك واذا عاتبتك تقولين هذا واجبك مع انك تفهمين اني اقوم بواجبي ولكن احب ان ارى زوجتي كريمه في بيتها ولم اطلب منك الاشياء الاساسيه
14-اقطع مئات الكليومترات لزيارتك انتي والاولاد وعندما اسافر من عندكم لاتتصلين ولا تطمئنين على حتى اني احيانا اجلس اسبوع بعد السفر انتظر اتصال ولكن لاحياة لمن تنادي ولايهمك وصلت او صار لي حادث لاسمح الله مع انه اذا سافر معي زميل زوجته تتصل كل ساعتين حتى يوصل .
15-عندما اتي اليكم من السفر لااجد الترحيب والاهتمام فقط طلبات ومشاوير
16- عندما امرض لاتهتمين فيني ولا ترعني وتقولين اني امثل عليك واتمارض علما باني امرض في السنه مره او مرتين ولله الحمد وايام معدوده
-تتقرفين من الاكل او الشرب في الاناء او الملعقه اللي اكل فيها ولو اعطيتك من ملعقتي اثناء الاكل ترفضين
17-تأخذين الاغراض من المطبخ الى بيت اهلك بدون اذن وحذرتك ولاحياة لمن تنادي مع انك موظفه ولديك راتب
18-لاتهتمين في ملابسي ولا تجهزينها للصلاه او للعزائم ولاتكوينها بعد الغسيل وتعبت من المغاسل رايح جاي ولاتريدين احضار شغاله على حسابك مع انك احضرتي سابقا على حسلبك
19-لاتطيعيني واطلب منك الشغله الواحده مره ومرتين بكل ادب وعندما تطولينها واغضب تنفعلين وتردين بابشع الالفاظ ولا تنجزين مااطلبه منك علما بأنها شغلات بسيطه جدا تصب في صالح الاسره وليست فوق طاقتك
20- الاكل من السوق غداء وعشاء وعلى حسابي الا اذا جلس عندنا اخوك كم يوم فأنتي تتفنيين في الاكل وفي بيت اهلك مثل النحله اما في بيتك فلا نرى الا الاهمال والتطنيش .
21- عندما اتغزل فيك في اتصال تقولين انها قلة ادب وكذلك لاتحبين الرومنسيه قبل او بعد الفراش .
22-عندما اختار الوقت المناسب لمناقشتك في اخطاءك واكون معك صريح تنفعلين ثم تشتمين قريباتي علما بأني لم اتطرق للمقارنه معهن فقط اريدك ان تفهمي وتعدلين وضعك ولكن ليس للتفاهم او النقاش من سبيل معك
23- كل الاخطاء اعلاه لديك ومع ذلك تقولين نحن مسحورين او عين اصابتنا ولو اطعتي الله ثم زوجك وبحثتي عن رضاه لعشتي اسعد انسانه
24 - غلطي اني صبرت عليك كل هذه السنين ولم اتزوج واستمريت في السكوت عنك والصبر على مشاكلك اللي ترفع الضغط في كل صغيره وكبيره مع ان كثير من الامور المفروض انك تبادرين بها من تلقاء نفسك
25- لم يردعك ذهابك الى بيت اهلك عدة مرات بسبب الزعل بيننا وبقاءك عندهم عدة اشهر ولاتبالين في الطلاق وتقولين طز فيك
؟؟؟؟؟؟؟
ليت ياليت @lyt_yalyt
عضوة جديدة
يلزم عليك تسجيل الدخول أولًا لكتابة تعليق.
السلام عليكم اختي بصراحة ومن ناحيتي واغلب الحريم راح يقولوها لكي خليها تطلق وتجلس بيت اهلها رجال 100 حرمة تتمناة تبقى بظلة وتتمنى رضا زوجها وهو يدلعها ويحضنة من غير لازم ولا مجاملات ....والحرمة كمان مطلقة ومعيلة ماراح يخطبك الا واحد فوق 40 سنة طفشان من دنيتو وزوجتها كبيرة زوجها من كلامة جدا محترم ولو مايحبها ويحترمها ويحترم عياله ما كان قالها هل الكلام المطول كان طلقها وريح مخة ليش اتعب حالي مع حيطة سوري ع كلامة ..............اكيد هيا ماتحبة او شايفة شوفه ثاني او معجبه بأحدالسلام عليكم اختي بصراحة ومن ناحيتي واغلب الحريم راح يقولوها لكي خليها تطلق وتجلس بيت اهلها...
شكرا على تعليقك الصريح
الله يصلح الحال
الله يصلح الحال
اعتقد انه انسان حكيم وصبور لو واحد غيرة كان طلقها من زمان بس اختك انسانه لامباليه وانانيه .بغض النظر عن بعض النقاط فيه اشياء اساسيه وواجبات مهمله فيها من ناحيه اطفالها وكمان زوجها ونظافه بيتها وتاخرها بالدوام . كذا نقطه قريتها ضدها اتمنى ماتزعلين بس برأيي ان ماغيرت بنفسها فراح تتطلق .وكمان اعتقد انها ماتكن لزوجها ايه مشاعر والدليل تعاملها معه وعدم مبالاتها بالطلاق .ذكرتني بزو جه اخوي نفس الاسلوب وبالاخير تطلقت واتزوج غيرها
مارفع ضغطه وخلاه ينشر غسيلها قدام الناس الا لانها ماعلمته كم راتبها ولاصرفت منه له ولعياله مع انها مو ملزومه نهائي بهالشي
ولو صادق انها بهالعيوب اللي ذكرها ومافيها خصله وحده حميده يروح يتزوج مو يطلقها ويشتت عياله
ولو صادق انها بهالعيوب اللي ذكرها ومافيها خصله وحده حميده يروح يتزوج مو يطلقها ويشتت عياله
الصفحة الأخيرة
اختي بصراحة ومن ناحيتي واغلب الحريم راح يقولوها لكي خليها تطلق وتجلس بيت اهلها رجال 100 حرمة تتمناة تبقى بظلة وتتمنى رضا زوجها وهو يدلعها ويحضنة من غير لازم ولا مجاملات ....والحرمة كمان مطلقة ومعيلة ماراح يخطبك الا واحد فوق 40 سنة طفشان من دنيتو وزوجتها كبيرة زوجها من كلامة جدا محترم ولو مايحبها ويحترمها ويحترم عياله ما كان قالها هل الكلام المطول كان طلقها وريح مخة ليش اتعب حالي مع حيطة سوري ع كلامة ..............اكيد هيا ماتحبة او شايفة شوفه ثاني او معجبه بأحد