بنت السراه

الله يسلمج يارب ومشكوره اختي على الرد
تحياتي :26:

======
هواجس

الله يسلمج يارب ويجزيج بمثله امين
مع اني مخزنه موضوع فيافي بس خزنت موضوعي هذا واعتمدته اكثر لانه مرتب ومقتصر على النفاس بس
تحياتي :26:

مشكورة حبيبتي على الموضوع ....

ومن كم من يوم أدش أدورج في المنتدى لأني قريت أنج بتنزلين الموضوع يوم الأربعاء...

وأنا يالسة على نار أنتظر موضوعج.
مشكورة الغالية على الجهد..

حبيبتي عندي سؤال لما تدشين التاسع على شو تعتمدين في الأكل والشرب؟؟؟

تحياتي :26:

تسلمين اختي ومايهمني التثبيت كثر مايهمني انكم تستفيدون
انا مااحب الادويه بس بغصب نفسي مع ان شهيتي تنسد بالنفاس والادويه تسدها اكثر بس بصبر لان النفاس فرصه لاصلاح ماافسده الدهر والوحده مو كل يوم حامل ووالده

انتي من اي بلد ؟
اذا الكويت الاعشاب متوفره واذا بالسعوديه هم متوفره وتلاقينها افضل نوعيه من اللي بالكويت ..
العنزروت مفيد عشان المعده ويهضم الاكل وماتمتنين واجد عليه ومهم وماتقدرين تستغنين عنه يعني ضروريه حيل.. وفي اكثر من مكان بالموضوع شددت فيافي على اهميه العنزروت

والميرميه تسحب السوائل المحبوسه في الجسم وتدرين عقب الولاده الرحم متروس سوائل والجسم كله سوائل مع اني ماشريت نص كيلو وشريت ربع كيلو لانها تنشف الحليب ومابي اكثر منها بس حسب كلام فيافي انها ضروريه وماتقدرين تستغنين عنها

الشيح مادري اذا ممكن نستغنى عنها والا لا ؟؟ بس اعتقد انها متوفره بس اذا بتخلينها براحتج

اما النونخه مادري عنها بس انا حصلتها .. واكيد لها فايده والا جان ماذكرتها .. عموما انا بسال الحواج .. واذا فيه اعشاب ثانيه تبين تستغنين عنها قوليها عشان اسال الحواج

تحياتي :26:

العفو عزيزتي واعذريني على التاخير بس يوم الاربعا طلعت ورديت نمت والخميس نفس الشي
بالنسبه لي دشيت التاسع والمفروض اخفف من اللحم واللبن والعيش والاكلات اللي تمتن واعتمد اكل صحي اكثر بس شسوي ياربي الحمل يجوع بس بخفف العيش انشالله
كنت باكل عسل وتمر من اول الشهر بس قالولي انه يكبر الجاهل وانا مابيه يكبر عشان يطلع بسرعه فقلت اكل تمر وعسل قبل موعدي بجم يوم افضل
حتى الحليب اخاف اشربه
عموما اذا رحت المراجعه بسال الدكتوره عن نظام الاكل واردلج خبر
مع اني بحملي اللي طاف الدكتور قالي اني زايده وعطتني رجيم وبيومين نزلت تقريبا 3 كيلو واستغرب مني وقالي وقفي الرجيم مو زين تنقصين جذي

بس اعتقد اهم شي السوائل لان الجسم بيفقد سوائل واجد وعشان ماينشف سائل الجنين وعشان الدم

تحياتي :26:

مشكوره لا تنسوا أسرانا على هالجهد الرهيب...بس أنا بتعبج اشوي ببعض الأسئله سامحيني...
1. ممكن أضيف الرشاد لعصيدة التمر بدل التمر بالسمن علشان أخذ فايدته من دون السمن..و هل هو نفسه الهيل؟
2. أقدر أحذف الميرميه من الشاي لأن سمعت انها تنشف الحليب و صراحه مابغي أجازف؟
3. ما فهمت كيف أسوي المنقوع..كيف أستخدمه أكثر من مره وهو كوب صغير يعني كم أشرب منه؟رشفه؟
4. في المرحله الثانيه في اللهوم قلتي أطحن المكونات كلها اللا الرشاد..عيل كيف أبلعه؟؟؟؟
5. ممكن أستغني عن المكروشه؟لأني مستحيل أسويها!!
6. هذا سؤال للي جربوا النظام...وين أودي زوجي خلال تطبيق النظام؟؟؟؟؟ ما شاء الله النظام كله روائح أخاف يقول لي اخربي أهون لي من هالريحه!!!
مشكوره اختي مرة ثانيه و سامحيني