سؤال للمطلقات ردو علي تكفون نفسيتي تدمرت

اسأل الله لك العوض من عنده
اختي انسي الماضي وجربي تحفيظ القران منها تحفظين
ومنها تختلطين بالناس وتغيرين جو

وإذا ع البيت انتي أكيد مع اهلك
ولا تيأسين دوري وظيفه ع حسب شهادتك
والله يكون بعونك و يجمعك مع عيالك عاجلا

ياعمري شوفي ياقلبي
اللي راح راح بشره وبخيره وهذا نصيب
ماراح اقول لك لاتفكرين بالعكس اذا زعلتي من وضعك ازعلي اذا مهمومه ابكي وافرشي سجداتك
ادعي ربي في كل وقت
اهم شي لاتكبتين نفسك يعني تبغين تبكين ابكي تزعلين ازعلي اهم شي لاتكبتين نفسك وطلعي الطاقه السلبيه من حزن وزعل زغضب ووووووو
طيب نجي للمرحلة الثانيه وهي الضمان قدمي عليه تجيك كل شهر 1000 وغير المقطوعه 10000 ريال
سجلي بحافز تجيك شهريا 2000 ريال
في برنامج اسمه دروب سجلي فيه تاخذين دورات فيه والشهاده تكون معتمده وبشهادتك تقدرين تسجلين في افضل شركه وهي مضمونه بعد الله ,,طبعا تاخذينها عن طريق النت يعني دراسه عن بعد والاختبار هم يحددون لك وين طبعا في نفس المنطقه اللي انت فيها ,,


المرحلة اللي بعدها لاعاد تفكرين الا بنفسك ولا تبالين باحد ,,لانه راح تسمعين كلام من هنا ومن هناك لكن خليك ياجبل مايهزك ريح وانا اقصد الاقارب بيقعدون يتفلسفون على راسك ماعليك منهم ماحد بينفعك

الله يرزقك ويجعل لك من كل ضيقا مخرجا

الحمدلله قدر الله وماشاء فعل واعلمي ان الامه لو اجتمعت على ان ينفعوك بشي لا ينفعوك الا بشي قد كتبه الله لك والعكس انتي تطلقتي وانتهى الموضوع واكيد بيت عند اهلك بس الضمان يسددون فواتير وياثث البيت لو تقدمي من غير المقطوعه ... عيالك ليش ماهم عندك خليهم عندك وانشغلي فيهم وادخلي تحفيظ قران ودورات .. انا مطلقه مرتين والحمدلله ولي اقل من شهر مطلقه من زواجي الثاني الحمدلله ... احنا خلقنا لنبني مكان لنا بالجنه حطي الدنيااااا بكبرهااااا ورى ظهرك وعيشي .. 

انا مطلقه من تقريباً 6 او 7 شهور
المهم انا اتضايق من كلمة مطلقه عارفه مو عيب ولا حرام لكن احس شي،بداخلي مكسور
موجوعه من داخلي انا تطلقت برغبه مني والاسباب قويه ولكن الحمدلله على كل حال
مدري اتضايق عشاني ولا عشان بنتي تكسر خاطري عندها اب فقط ب اسم لا اكثر ولا اقل ومايدري حيه ولاميته
انا الحمدلله مقتنعه جداً بطلاقي منه عشان بنتي قبل يكون عشاني
ب النسبه للحريم والله مدري لاني ماعندي اصلاً علاقاتي جداً محدوده فما شفت اللي تخاف على زوجها
وخواته يقربون لي وبحكم اللي صار ماعاد فيه صله
بس تصدقين افكر اروح دكتور نفسي ومنحرجه من اهلي ومتردده احس اني مخنوقه واكابر محد حاسس فيني الا ابوي بس اسوي اني قويه وعادي
ومن داخلي لا ماعندي غير الله والحمدلله اشكي له اللي بداخلي سبحانه