فرناز

فرناز @frnaz

عضوة شرف في عالم حواء

آفات اللسان (حملة امي احتويني واحميني )

الأسرة والمجتمع






الآفه الاولى...

صفه او عاده غالبا تكون عند الاطفال...

ودورنا اما ان ننميها ونجعلها من اخلاقهم...

او نقتلها ونقضي عليها من جذورها...

منتشره بمجتمعنا بكثره وهي من

اسباب دخول النار..




و يركزون على اخطاء وعيوب الغير..

مشت الايام وكبروا اطفالهم والله والله

ان العيوب اللي دايم مركزين عليها ويتكلمون فيها..

صارت وابتلى فيها بعض بناتهم وابناءهم.


غاليتي بنتك اليوم طفله بس بكره بتكون عروسه..

والله اشوف ناس..وحضرت جلساتهم :confused:

يمسكون وحده ويالله غيبه واضحه وكلام كبير..

والمشكله بدون خجل..واللي يحش ام وبناتها

كبار ومتزوجات..وانا الغريبه بس ..

حتى الرجال ماتركوهم بحالهم...

يالله كل يوم كذا ؟ طيب لو الام من اساس

ومن صغر بناتها.. ماكانت تقبل الكلام بالناس..

تتوقعون يوصلون للمرحله هذي..؟

والله شي محزن...

والمشكله مين اللي بيسمعهم اطفالهم..؟؟

عشان كذا تلاحظين الصفه السيئه هذي منتشره

في عوايل..وعوايل لا..

والله انها تعتبر مثل الادمان..اذا بدأ فيها الانسان..

وترك المجال لنفسه..تصير عاده ولا يرتاح الا

اذا تكلم واغتاب..ومثل العدوى تنتقل من الاب للام للابناء

الا من رحم الله..


بنتك ممكن زوجها بكره يكرها ..لان عنده زوجه

اكبر همها الكلام بالناس..


بنتك اذا مانبهتيه من الغيبه..

تأكدي ممكن تتكلم فيك امام زوجها او غيرهم..

من باب الفضفضه لانك زعلتيها..


ممن تفرق عوايل بسبب بنتك اللي

ماأحسنتي تلربيتها..


فلا تتهاوني بهذي المسأله بحجة ان تكون ابنتك صريحه معك..؟؟

لا انتبهي من مدخل الشيطان...



الامر سهل بالبدايه ويمكن السيطره عليه..

لكن اذا اهمل بيكون مرض يصعب علاجه..


هذي بعض الاحاديث ..والله ان اللسان هذا ممكن عن طريقه نخسر آخرتنا..

ارحمي ابنتك من الناااااااااااااااااااار ...وأقرئي وشوفي عقاب الغيبه..


عَنْ أَنَسِ ابْنِ مَالِكٍ رَضِيَ الله عَنْهُ قَالَ:
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
"لَمَّا عُرِجَ بِي مَرَرْتُ بِقَوْمٍ لَهُمْ أَظْفَارٌ مِنْ نُحَاسٍ يَخْمُشُونَ وُجُوهَهُمْ وَصُدُورَهُمْ
فَقُلْتُ: مَنْ هَؤُلَاءِ يَا جِبْرِيلُ؟ قَالَ: هَؤُلَاءِ الَّذِينَ يَأْكُلُونَ لُحُومَ النَّاسِ وَيَقَعُونَ فِي أَعْرَاضِهِمْ". أخرجه الإمام أحمد 3 / 224 ، وأبو داود 4878




قال معاذ رضي الله عنه لرسول الله صلى الله عليه وسلم:


يا رسول الله، أنؤاخذ بما نقول؟


فقال:" ثكلتك أمك يا ابن جبل، وهل يكبّ الناس في النار على مناخرهم


الا حصائد ألسنتهم؟!"....الترمذي 2616.







قال صلى الله عليه وسلم:


" ان الرجل ليتكلم بالكلمة ما يلقي لها بالا يهوي بها في نار جهنم،


وان الرجل ليتكلم بالكلمة ما يلقي لها بالا يرفعه الله بها الى الجنة"..... البخاري.







يتبع
12
3K

يلزم عليك تسجيل الدخول أولًا لكتابة تعليق.

تسجيل دخول

فرناز
فرناز

الآفه الثانيه..

النميمه وهي الفتنه ونقل الكلام بين اثنين..

لابد نحذرهم من شدة عقوبة النمام..

ونضرب لهم امثله بسيطه عشان يستوعبون..

ولا ينقل كلام لشخص اخر ممكن يسبب مشكله بينهم.


للاسف اعرف عايله متفككه ومابينهم أي علاقه اخوه..

الاخت تنقل لاختها الثانيه(الكلام والسب اللي قاله اخوها عن هذي الاخت)


ومستحيل يفوتون سب او سخريه الا يوصلونها للطرف الثاني...




وعندهم تعتبر عاده ومو قصدهم كره بعض؛؛ بس مع الوقت صار الكره بينهم..




وهذي حديثين..مااعتقد اللي بيقرآها بيكون نمام...




قوليها لبنتك من صغرها عشان يكون هذا الحديث بذاكرتها طول العمر..





جاء في الحديث: " لا يَدْخُلُ الجَنَّةَ نَمَّامٌ" رواه البخاري ومسلم



النميمة من الأسباب التي توجب عذاب القبر
لما روى ابن عباس رضي الله عنهما
أن رسول الله صلى الله عليه وسلم
مر بقبرين فقال إنهما يعذبان وما يعذبان في كبير
ثم قال بلى كان أحدهما لا يستتر من بوله وكان الآخر يمشي بالنميمة متفق عليه
.







الآفه الثالثة..

الاستهزاء والسخريه من الناس...


بنات نعومات الوحده ماشاء الله تجنن..

واذا تزاعلت مع بنت ثانيه اسمعي الالفاظ يادبه




ياسمراء او ياهيكل...اي عيب موجود بالبنت؟؟؟



هذا امر كبير اذا تعودوا عليه مشكله...





كم طفل عنده حاله نفسيه وكره الناس بسبب طفل دايم



يتهزى عليه..





كم من البنات عديمه الثقه بنفسها واثر على حياتها



بسبب لسان طفله ثانيه..





اعرف بنت الان كبيره مصابه بشراهية الاكل وعدم الثقه



بنفسها...



والسبب تقول من صغري دايم يقولون لي البنات يادبه.




لابد نفهم اطفالنا حتى اللي قدامك لو تهزا فيك ؛؛



لا تتصرف مثله..هو ربي بيحاسبه ويمكن يبتليه..

انت سو فيه اي شي الا السخريه.





قال تعالى
(يـا أيـهـا الـذيـن آمـنـوا لا يـســخـرْ
قـومٌ مـن قـومٍ عـســى أن يـكـونـوا خـيـراً مـنـهـم
و لا نـســاءٌ مـن نـســاءٍ عـســى أن يـكـنَّ خـيـراً مـنـهـنَّ
و لا تـلـمـِزُوا أنـفـســكـم و لا تـنـابـَزُوا بـالألـقـابِ،
بـئـسَ الاسْــمُ الـفـسُــوقُ بـعـد الإيـمـان،
و مـن لـم يـتـب فـأولـئـك هـم الـظـالـمـون)
ريم الفرح
ريم الفرح
جزاك الله خير

والله يجعله في ميزان حسناتك استفدت من موضوعك
✿ أم مــصــعـــب ✿




جميل غاليتي..


طرقتي باب الحملة من جانب مهم..

شاكرة لك أُخية..

جزاك الله خيرا...,




المعالي@
المعالي@
بارك الله فيك
موضوع مهم الله يكتب لك الاجر
الفراشه المبخوته
جزاك الله خيرا