جربوها لذيذه وهشه والذ وانظف من الجاهزة
كاستين دقيق الدخن منخوله ونضيف عليها ملعقة اكل بكنج باودر ونقلبهم بزبديه كبيره
ادهني صينيه وسط او كبيره براحتك بالزيت وانخلي عليها شوي من دقيق الدخن بحيث يغطي الصينيه من جميع الجهات علشان ماتلتصق
في الخلاط الكاس
ضعي كاسه كبيره مويه
وكاسه كبيره الا شوي زيت
وكاسه كبيره سكر انا احط ربعها كفايه حلاوة التمر
وكاسه كبيره حليب بودره
والي تبغا نكهه تحط ملعقه صغيره هيل مطحون واذا تبغا النكهه حاده تقدر تزود كمية الهيل
نخلطهم زين زين
نصب كل الخلطه عالدقيق والبكنج باودر الي بالزبديه ونخلطها سوا بالخفاقه اليدويه او عادي بالملعقه بحركة سريعه لمن تصير نفس عجينة الكيك صبي نصها بالصينيه وخذي تمر منزوع النوى انا اخذ المعجون الجاهز وادهني اصابعك بالزيت وافردي التمر زين ثم ضعيه فوق عالطبقه الاولى من الخليط حتى يتغطى الخليط ثم صبي بقية الخليط على التمر وملسيها بالملعقه ورشي الوجه بالسمسم والحبه السوداء ودخليها الفرن على درجة180 لمدة نص ساعه من اسفل وبعد نص ساعه حمريها من فوق لمدة 5دقايق واستمتعي بريحتها الشهيه والذ طعم
ملاحظة انا الي يبقى منها ماارميه اغطيه بقصدير وتجلس يومين زي ماهي بنفس الطعم
دعواااتكم لي بالذريه الصالحة والوظيفه الحكوميه عاجلا غير اجلا
الي تجربها تخبرني بالنتيجه
يلزم عليك تسجيل الدخول أولًا لكتابة تعليق.
روحي فداككككككككك
•
جربتها لذيذة الله يعطيك العافية ويوفقك يارب العالمين
الصفحة الأخيرة