ولدي وتسطر خلق الله والتعلق الزايد؟

اذا اول طفل شي طبيعي لكن انتي تسحبين نفسك منه شوي شوي مثلا ترمين له لعبه او رضاعه بعيده بااخر الغرفه سواء يحبي او يمشي يروح يجيبها عشان يتعلم بعدك على خفيف وبعدين احضنيه وصفقي له وبعدها خليه بسريره وروحي صلحي له رضاعه اختفي ثواني عنه الى مايتعلم انه مابيفقدك انك تروحين وترجعين له واذا رحتي لااهلك خذي لعبه او لعبتين عشان يلتمون الاطفال عنده ويلعب معهم وينسى منك انا كذا صلحت مع ولدي والحمدلله ارتحت كان مره متعلق فيني

الله يعينك واضح متعلق فيك حيل مافي الا تصبري لسنتين يمدي يفهم عليك وحاولي تجيبين معك العاب وتخلينه يشارك الاطفال باللعب والعبي معهم شوي وبعده انسحبي بهدوء لحد مايتعود

زهور نفس ردي تو انتبه 😂😂
فعلا فكرة الالعاب المشتركه هي الحل

بنتي كانت كذا وكنت اتضايق مره بس من كثر الزيارات والأختلاط صار الوضع عادي بلأخص لما صرت انام عند اهلي اسبوع تشوف اخواني الصغار قدامها 24ساعه وانسجمت معهم تبي الصراحه حنيت لأيام التلصق تمنيت بقت على حالها ولا اني أراكض وراها وادور عليها ..صارت تتعبني بلأخص لو فيه مناسبه تروح عني وتبيني انا ادور عليها صرت اطنشها ويجيبوها لي ذابحه عمرها صياح و5دقايق وتوخر برغم ان انا مكاني مااغيرها صرت اخاف تروح تعبث في اشياء تأذيها بلعربي صرت في قلق لما توخر عني احاتيها واقوم ادور عليها مااتهنى بجلستي وانا عودتها على شيء انها ماتطق أحد فايما تتكفخ بدون ماتدافع عن نفسها فا أتألم مره اذا كانت بعيده عني وأحد من الأطفال الي اكبر منها فرضت شخصيته عليها وهي بس تطالع بدون ماتدافع عن نفسها ،،واوقات 😁😁😁😁تأخذ حقها من الشخص المجرم الي أذاها بس مو في وقتها في اي يوم ثاني فاانتي لا تشيلي هم من ناحية انه يبتعد عنك كلها فترى بس يكبر شويه ومابتلحقي عليه بس غلط تجلسي في البيت جلست البيت بتزيده تعلق فيك أكثر انا بنتي من 3شهور لما تشوف البشر كأنها شايفه أشباح تظل تبكي بهستيريه لين امشي البيت وصرت مااطلع زيارات عشان ماانحرج لين صار عمرها سنه بديت اطنش صياحها واطلع بس ظلت على نفس وضعها لين عمر ولدك يمكن بعدين شوي شوي صارت تنسجم مع الأطفال