السلام عليكم خواتي
الحمدلله من فضل الله انا ام لثلاثه اطفال وبعد معاناه سنين من هبوط الرحم الخلفي واللي يصاحبه من وسع وافرازت وبعد استخاره وبحث طويل قررت اروح الرياض لدكتورة ايمان العبره والحمدلله تحدد موعد عمليتي 20 محرم وطبعا تكلفة العمليه 12 الف ودفعت نص المبلغ بس عند الاستقبال والمبلغ الباقي قبل ماتسوي العمليه بنص ساعه تدفعينه
طبعا انا من سكان الاحساء وبيوم العمليه ركبت القطار للرياض وانا مره خايفه واتخيل كيف راح تكون عمليتي عشت بجو رعب فضيع من كثر ماقرا من التجارب الموجوده بالمنتديات .. ..
وصلت للعياده الساعه 2 بالظهر ودفعت باقي المبلغ مثل ماقلت لكم قبل العمليه بنص ساعه واخذتني الممرضه وعطتني مضاد حيوي بالعضل وركبت لي المغذي وصعدتني لغرفة العمليات ملتتخيلو شصار فيني جسمي يرجف ولوني قلب صار اصفر ع ازرق من الخوف :icon33::icon33:
المهم اسدحوني ع سرير الولاده وتذكرت الولاده وخفت اكثر واكثر :icon33::icon33:
لبسوني النظاره اللي تقي من اشعه الليزر وكذلك الدكتوره البستها وقامت تحدد بالقلم حجم الترهل وابتدت تبنج وانا خايفه اقولها تعور وهي تقولي لا الم معقول مثل الم ابرة الاسنان المهم بدت تخدر جزء جزء لمن تخدرت كل المنطقه وهنا انزاح مني هم الابره والتخدير :44:
جينا للشي المهم اللي هو قص منطقه الترهل والشد ابتدت الدكتوره تقص وانا خايفه اتنافض وهي تهدي فيني وتقولي ماراح تحسي بأالم وخلك ريلاكس وارخي المنطقه علشان اضبطك عدل
وبصراحه تعاملها جدا جدا رائع ويكفي انها مستحمليتني صراحه لعوزتها كل حين صرخت وقلت الم الم وتبدا تعطيني ابرة بنج تميت ع هالوضع ساعه ونص لين خلصت العمليه والحمدلله حزتها حسيت اني مخنوقه وابغي اصيح :icon33::icon33::icon33::icon33::icon33:
والدكتوره تضحك علي تقولي خلصنا ولساتك تصيحي تقولي لعوزتيني وخلصتي بنج المستشفي كله شكلك تكثري منبهات واجد وفعلا هذي اللي صاير انا مدمنه شاي وقهوه علشان كذا البنج مو جايب نتيجه معاي المهم ورتني المنطقه مره مشدوده وضيقه ;) وقتها حسيت ان بعد هالنتيجه يستحق العذاب علشانها
طبعا حطتني تحت الملاحظه فتره نقاهه وعطتني ابره مسكن الم بالعضل وبالمغذي وكتبت لي مسكنات حبوب ومسكن تحاميل شرجيه وملينات عن الامساك ومضاد حيوي وبيتادين معقم للمنطقه وعطتني مراجعه بعد اسبوعين وطبعا الجماع ممنوع لمده ست اسابيع ان شاء الله وماقصرت خلتني انام كم ساعه الين تجي موعد الرحله حقتي للرجعه للاحسااء طبعا ركبت القطار وفك البنج مني وساعتها تمنيت لو اني جلست يوم واحد بالرياض بشقه مفروشه :44: عانيت بالجلسه ماعرف اجلس الا ع جنب والحمدلله عدت ووصلت للاحساء :a_smil08:
اليوم يوم ثاني لي من سويت العمليه ومن هنا بدت معاناتي ماعرف اقوم او اجلس كله منسدحه حتي الصلاه ماعرفت اصلي وانا جالسه او حتي اسجد وطبعا غير الدم اللي ينزل واحس طول اليوم المنطقه تالمني مررره ومشدوده حيييل لدرجة تحسي ان ودك تتبرزي وانتو بكرامه :44: استمريت ع الادويه لكن اللي نفعني وخفف الالم مني هو تحاميل الفولتارين ارتحت عليهم :a_smil08: وقلت اكتب لكم تجربتي بالتفصيل المملل للافاده للجميع لان قبل ماسوي العمليه كنت اتمني الاقي تجربه دقيقه :44:
هذي تجربتي وراح اتواصل معاكم واللي عندها سؤال حياها :kiss:
power of dreams @power_of_dreams
عضوة نشيطة
يلزم عليك تسجيل الدخول أولًا لكتابة تعليق.
nojah
•
ما شاالله الله ينفعك فيها يا رب
@ام روق@ :
لا يمكنك مشاهدة هذا التعليق لانتهاكه شروط الاستخدام.
الله يسلمك حبيبتي لا زوجي معاي بالقطار بس لان عيالي عند اهلي فماحبيت اثقل عليهم رجعت بنفس اليوم وبالنسبه للولاده عادي ولاده طبيعيه بالنسبه لي مستحيل اخرب هالتعب واولد طبيعي اذا الله راد وصار حمل بإذن الله بدون تردد راح افكر بالقيصري
تسلمي حبيبتي مشكوره ع الدعوه :smile:
تسلمي حبيبتي مشكوره ع الدعوه :smile:
_حواء_
•
حبيبتي ربي يتمملج على خير وتروح الالامج اتمنى تقولينة بعدعن النتجية بعدين وقت جماع او حركة
***اللهم احفظ لي اطفالي وبارك فيهم***
استودعُ جٓنيني واطفالي بالله الذي لاتٓضيعُ ودائعه...
أُعيذُ جنيني وأطفالي بكلمات آلله التامة مِن كُلِِ شيطانٍ وهامة و مِن كُل عينٍِ لامة..
***اللهم احفظ لي اطفالي وبارك فيهم***
استودعُ جٓنيني واطفالي بالله الذي لاتٓضيعُ ودائعه...
أُعيذُ جنيني وأطفالي بكلمات آلله التامة مِن كُلِِ شيطانٍ وهامة و مِن كُل عينٍِ لامة..
الصفحة الأخيرة