السلام عليكم ورحمة الله وبركاته
اولا انا حبيت احذر لاني ما ابغى احد يصير له اللي صار معاي
ثانيا انا مو سيدة اعمال ولا عندي تجارة ولا شي ولا ابيع شي
انا لمن كنت ابغى اشتري من الموقع سألت زي كل البنات بس ما لقيت ردود تطمن وعشان كدا اتهورت واشتريت
عشان كدا ابغى انصح كل البنات اقسم الله العظيم مالي اي مصلحه لتخريب سمعتهم اصلا مو من صفات المؤمن
انا اشتريت من عندهم بقيمة 3900 ريال وطلبت فستان مره راقي لشبكتي ... وكنت متوقعه تصميم اوربي
ولمن وصلني جاني الطرد قال لي ال دي اتش ال جاكي طرد من الصين تخيلوا الورود في الفستان بلاستيك
وهما قالولي لو ما عجبك تستردي فلوسك ومن بعدها ما لقيتهم اون لاين وعملولي بلوك طبعا بعد ما اخدوا فلوسهم واصلا الفستان اللي ارسلوه ما يسوى 250 ريال
ولو شوفتوا كيف وصلني الطرد لا كرتون ولا شي مغلف ولا شي مستوى اوربي لافين الفستان في ورق الدي اتش ال كانو خرده اقسم بالله مو فستان شبكة ولمن تسالهم على الماسنجر يقولوا كل شي على اعلى مستوى
انا ضفتهم بايميل تاني وكلمتهم طبعا ايميلي الاولاني عاملين لي بلوك والتاني مهم عارفين اني انا وطبعا شغالين نصب في نصب
عموما اللي يبغى يصدق هو حر واللي ما يبغى ان شاء الله يدوق اللي دقته
اللهم بلغت اللهم فاشهد انا بكتب في اكتر من منتدى لاجل اللي تدور تلاقي تحذير عشان لا تتورط
عامل الناس كما تحب ان يعاملك
وسلام الله عليكم
فساتين افراح من dav dove الحذر الحذر منهم
الحذر من شركة داف دوف للازياء dav dove
منقووووووووووووووووووول
غفوووة حلم @ghfooo_hlm
عضوة جديدة
يلزم عليك تسجيل الدخول أولًا لكتابة تعليق.
كلام العقل
•
الله يهديهم
يعطيك العافيهيعطيك العافيه
اللهم امين
الله يعافيك
اشكركم ع مروركم والرد الرائع
الله يعافيك
اشكركم ع مروركم والرد الرائع
حسبي الله عليهم والله يعوضك ياختيحسبي الله عليهم والله يعوضك ياختي
اشكرك ع مرورك والرد الرائع حبيبتي منقول مو انا الي صارلي ,, الله لايجعلنا نمر بهالمواقف ,, الله يعوض الي اشترته
الصفحة الأخيرة