كم سوال للى خلص من استعمال الروكتان الله يوفقكم جاوبونى//قديم

استغفر الله واتوب اليه

انا خلصت من ٨شهور
وراح اجاوبك باالارقام لاني داخله من الجوال :
١/نعم ندمانه /والسبب ان حظي النحس وداني عند دكتوره فاشله وكان المفروض توقف الكورس بعد ٣شهور ولكن حسبي الله عليها عرفت انه مايناسبني وخلتني اكمل الكورس .
٢/ الاشياء السلبيه بالنسبه لي شخصيا ترقق في البشره بشكل فضيع لدرجه اني يوم البس الطرحه كانت تلصق بوجهي وهذا الشي سبب لي تسلخات بأطراف الوجه ومازالت التسلخات موجوده الى اليوم وايضا طبعا حالتي تعتبر نااااااادره وهذا كلام اكثر الدكاتره الي رحت لهم وشرحت حالتي بعد الروكتان لانه ماناسبني وكان المفروض ماينصرف لحالتي .وايضا الم الظهر والعضلات والحاله النفسيه وقت الكورس والسبب زياده الحبوب بالوجه بشكل واااضح وبعد الكورس صارت معدتي تعبااانه وحموضه وقولون وحاله اخرتها سويت زائده قبل شهرين عاد مدري منه او لا ههههه .
٣/ ممم الايجابيه مااقدر افيدك لاني خلصت الكورس ومازالت تطلع حبوب ورؤس سودا . لكن خفف الحبوب بنسبه كبيره .
٤/ انا استخدمت بعد الكورس مباشره مضاد حيوي لمده شهر ونصف واختفت باقي الحبوب الحمدلله وحاليا ولله الحمد تطلع حبه او حبتين وقت الدوره وتروح لوحدها .
٥/نعم كثرت واسترت تكثر حتي الشهر الخامس وبعدين بدئت تحتفي .
٦/ لااااا المسام موجوده والدهون رجعت تدريجيا لكن مو زي قبل والروكتان علاج للحبوب فقط ينفع ناس وناس ماينفع لهم .
٧/ ههههههه لا ماتغير لوني ابدااا وانا خشمي صغير خلقه هههه يعني هذا كلام مش علمي ولاتصدقينه انا شخصيا ماكان عندي دهون في الانف ولا حبوب .
٨/(اول شي نعم ترك اثار على وجهي بسبب كميه الحبوب الي طلعت اثناء الكورس صار كانه عنقز من كثر الحبوب وطبعا الحبوب لانها طلعت بكميات كبيره وكانت كلها ملتهبه تركت اثااااار حفر وبقع حمراء وبالاضافه الى التسلخات الي سببها ترقق البشره ، والاشياء الي استخدمتها بعد الكورس كثيييييييييره وجهي لو له لسان كان اشتكى .....لي عوده تعبت بنام .

ياعمرى ياشقاوه انثى احسك مقهوره والله انه من قهرك انقهرت عليك في كل موضوع عن الروكتان تردين وبقهر ياعمرى عليك

ان شاء الله وجهك يصير يهبل وصافي يارب

السلام عليكم شلونج حبيبتي ومبروك عليج الشهر
انا استخدمته من سنتين ونص وكانت مدة الكورس 8 شهور .... ( هذا طبعن غلط حدج ست شهور أو أربعة بالكثير )) بس تعرفين المستشفيات الخاصة همهم الفلوس طبعن عشان جذي مددلي الدكتور أربع شهور زيادة )) الظاهر على قولة (( شقاوة أنثى )) ما ناسبني وزاد فترة الكورس الله يسامحه المفروض أربع شهور فقط لاغير هذا اللي اكتشفته بعدين وعرفته من بنات خالتي لما راحوا وتعالجو بالمستوصف الحكومي قالهم الدكتور هالحجي ما يتعدى أربع شهور وبنت خالتي ما ناسبها لما سوا لها الدكتور تحليل كلى عندها صفار فما ناسبها
- اول شهر راح يقب وجهج كله حبوب وراح يعطيج الدكتور غسول وكريم مرطب (( أنا وصفلي غسول وكريم مرطب من نفس الماركة (( إيكس فوليك )) اسمها وبعد مرطب شفايف لأنه حيييل ينشف الشفايف والجلد والعيون وانتبهي تلبسين عدسات ما يصلحون بفترة العلاج كلش أنا لبستهم بمناسبة وصار فيني التهاب بالقرنية بس كان شكلي بالعرس حلو ما شاء الله والكل انجن علي فما أدري من الحبوب ولا عين ما أدري المهم انتبهي تلبسين عدسات
بالنسبة للحبوب ما راح تطلع وتخف حيييييل وراح تفرق عليج بشرتج صراحه هو الحل الوحييييييييييد لحب الشباب الكريمات والغسولات ما تنفع (( خرطي )) الحمد لله ترا يجيب نتيجه حلوة وتودعين شي اسمه حبوب بس وقت الدورة وتكون حبت دورة مو حبت شباب مالها أثر إذا راحت
أنا بالنسبه لي حسيت بفرق ومرة حفيت المنطقه اللي فوق الشفايف وصار عندي تسلخات بس الحمد لله راحت لأني عديت الأربع شهور مثل ما قلتلج
انتي أخذي الحبوب أربع شهور بس مو تزيدين وما راح تلقين إلا العافيه
ويأثر على النفسية شوي وجفاف بالعين والجلد كثري قطرة مرطبة للعين ولوشن للجسم على طول وأهم شي يسوون لج التحاليل قبل لا تاخذينه وما يكون في مشروع حمل لست شهور قدام والأفضل سنة لقدام لأنه حيييييل قوي وكثري من شرب الماي لما تاكلين الحبوب وأكليهم مع وجبة الغدا لازم تكون وجبة دسمة لأنه قوي على المعدة انتبهي لها النقطة
وبس
لا تنسيني من الدعاء اختي الحبيبة

فطومه ياعمرى الله يوفقك وين كارحتى يارب زيرزقكك ماتتمنين يارب طيب صح يقولون يكثر الشعر بالجسم

محتارهة وراح من عمرى كثير وانا محتاره الله يعين بس
ارجع اشكرك اختى فتوما
دعواتكم