نصايح وقت النفاس

نصائح لوقت النفاس:


وقت النفاس:
-اﻻ‌عشاب مرا ضروريه هذا شي طلعنا عليه انا من تجربه شخصية اول نفاس لي مااكلتهم كويس ووالله تعبت باخت النفاس 
نزفت نزيف قوي ولما حملت مرا ثانية كنت باموت من ظهري وارحامي وامي كانت تقول لي ﻻ‌نك ما اهتميتي** 
والحمد لله من بعدها وانا احرص اني التزم فيهم وصراحه فرق في الطهاره تطهرين بدري ويطلع الدم الفاسد اللي بجسمك 
ويرجع الرحم لمكانه وتنشد ذيك المنطقة**
- ﻻ‌تجلسون متربعين حتى لو على السرير وﻻ‌ على اﻻ‌رض ياخر في التئام الجرح..
-ﻻ‌ تجلسين لحالك عشان ماتجيك الكئابه تبع النفاس 
وشغلي قران عندك * وانتي نايمه شغليه 
- موانع الحمل مع الرضاعه اﻻ‌فضل حبوب الرضاعه، بس تكون دقيقه في وقتها ومنتظمه عليها، ﻻ‌نه غيرها بيجفف الحليب بالتدريج او بيخففه مررره، وسالتها لو الرضاعه الكويسه تكفي؟ قالت نهااااائيا ما يعتمد عليها 
- احرصي على الموعد اللي بعد الوﻻ‌ده،وغالبا يكون بعد 30 يوم.
- رضعي البيبي من اووول يوم، 
-إحذري من
* الجلوس في المآء و الملح ﻷ‌نه مو زين للخيوط و لﻸ‌رحآم كمآن مو زين يدخلهآ ملح ...
* المشي حافية على البﻶ‌ط 
-امشي كل يوم قد ماتقدرين عشان الغازات وعشان الجرح.

- بعد الوﻻ‌ده اطلبي شفاط الحليب حتى تشفطين الحليب احسن من تجيبين البيبي وتجربين انتي وياه الرضاعه وتتعبين ﻻ‌نه غالبا مايعرف يمص بسرعة.. فاذا شفطتي مره او مرتين
خﻼ‌ص يصير الحليب ينزل بسرعة وخاصه اللبأ تشفطينه وتعطينهم يرضعون البيبي..اقري عن الرضاعة الطبيعية وحاولي تحرصين عليها ع اﻻ‌قل اول 4 شهور-6 شهور

-بالنسبه لتغيير الحفاظ للبيبي.. حاولي تتجنبين المناديل المعطرة ﻻ‌نها تسبب تسلخات لجلد الطفل استعملي مناديل عادية ومويه دافية وبعد ماتخلصين جيبي مناديل او قطنه وزيت زيتون 
ومرريها ع المنطقة كلها.. هذا افضل عﻼ‌ج من تجربة يحمي الطفل من التسلخات افضل من سودا كريم وفازلين واﻻ‌شياء هذي..ولسر الطفل استخدمي بودرة اسمها baneocir حطيها ع السر
لحد ماينشف ويطيح او اعصري عليه مسحه طبيه.. واذا طهرتي ولدك صبي ع مكان الطهور زيت زيتون لحد مايلتئم الجرح

- حاولي تترعين الطفل بعد كل رضعه (تخلينه يطلع الغازات او الهواء اللي بلعه مع الحليب) وﻻ‌تستهينين بهالشي .. حتى تقللين من الم المغص عنده قد ماتقدرين
رضعيه بطريقه يكون شبه جالس راسه مرفوع عن جسمه وخليه ع ذا الوضعية حتى بعد مايخلص راضع.. وطقي بشويش ع ظهره لحد مايطلع الهواء.. اذا تازم معاك الوضع
فيه شرابين حلوين انا جربتهم بس خذيهم بعد وصفه infacol و Dentinox..وحاولي كل ليلة تعطينة يانسون يهدي معدتة ويريحه ينام كويس بالليل..ومرا حلو تمسجين بطنه بزيت زيتون..

-اذا ترضعينه طبيعي طول اليوم خلي رضعة بالليل صناعي حتى يشبع منها وينام فتره اطول مايقوم عليك كل ساعتين يبي يرضع تطول فتره نومه ل 4 ساعات وشوي يشبع ﻻ‌ن الصناعي
اثقل ع المعده من حليب اﻻ‌م اللي يمتص بسرعة

- حاولي تشفطين صدرك كل 4 ساعات.. كل الجهتين حتى مايتحجر عليك..وفرزني او احفظي بالثﻼ‌جة.. ﻻ‌ن الطفل يحتاج كمية بسيطة وانتي بتحسين بكمية حليب كبيرة وارجعي لردي 
طرق تخزين الحليب بينفعك كثير..او اي استفسار بهالشي انا موجودة..وكل ماجيتي ترضعين او تشفطين حليب اشربي كاس ماء..

-جرح العمليه او جرح الخياطه استخدمي عليه كريم ميبو جدا رهيب لتخفيف اﻻ‌لم ويساعد بالتئام الجرح بسرعة

- المشي ثم المشي ثم المشي.. جدا بيريحك وكل مامشيتي اكثر بتحسين انك افضل..

- احرصي ع اﻻ‌كل البر.. الصباح مصابيب مع حليب مع المردود والضحى قهوة النفاس والظهر مطازيز او قرصان مع لحم والعصر شاي اعشاب وبالليل شوربه او خبز بر مع اي حشوة تبينها
وانا افضل البيض او التونه او اي بروتين يساعدك ع ان الجرح يلتئم بسرعة..

- اذا تبين بطنك يروح بخﻼ‌ل 15-20 يوم انصحك بنظام ام عزام ماشاء الله تبارك الله..نظامها يزيل انتفاخات البطن بصوره رهيبه ويطرد الغازات اللي ببطنك* يدر الحليب*
ومايسبب لك امساك* ومقوي ويخفف اﻻ‌ﻻ‌م الظهر* وبتﻼ‌حظين الدم الفاسد ينزل ** وهذي اشياء بتﻼ‌حظينها بعد كل شي تاكلينه او تشربينه يعني مفعولها فوري..
وبتﻼ‌حظين بطنك يوم عن يوم جالس يرجع لطبيعته.. وكمان استخدميه باخت النفاس ﻻ‌زم تهتمين فيها زي اهتمامك بالنفاس بالضبط..وهي تختلف فيه ناس يطهرون بدري وتجيهم بعد اسبوع 
وفيه احد تجيه بعد شهر ** وفيه حريم الرضاعه تسوي لهم زي المانع وﻻ‌ تنزل عليها الدوره اﻻ‌ اذا نشف الحليب

-افضل حليب صناعي لﻼ‌طفال سيميﻼ‌ك من ناحية المكونات وانه مايحتوي ع زيت النخيل اللي يحتويها اغلب الحليب الصناعي لﻼ‌طفال.. استشرت اكثر من طبيب وكلهم رشحوه لي واستخدمه في
والحمد لله ماعانيت معه..

- انتبهي من الجوع** مايصلح ابدا وﻻ‌ ضيقة الصدر ع قول امي وجدتي..

- خلي جنبك ﻻ‌ب توب .. طول الوقت مفتوح قران بصوت العفاسي او العجمي او اي صوت يعجبك ﻻ‌ن النفاس ﻻ‌زم يجيها ضيقه صدر بسبب التغيرات الهرمونية
وقل النوم والتعب**وزيادة المسؤلية..

- حاولي تفوضين بالبيبي ﻻ‌حد يمسكه معك حتى ماتتعب نفسيتك بتغيير الدايبرز او اذا شفطتي حليب يرضعونه عنك ** شوي يشيلون عنك وترتاحين..

- ارجعي لهواياتك.. انا جنبي كتب تطوير ذات اقرا فيها واحاول اروق حتى ما افكر باي شي يزعجني..

-حاولي تعرضين الطفل يوميا للشمس بس بدايتها او قبل تغيب.. مرا يساعد ياخذ فيتامين د 
كويس لعظامة ولبنية جسمة