السلام عليكم بنات وعدتكم انزل لكم اللي استخدمته خلال الثلاث سنوات الماضيه لكن بذكر نقطة بعض البنات يدخل في قلبهم اليأس وتقول في خاطرها مستحيل صبغة الميلانين تتغير مستحيل اصير بيضاء صبغة الميلانين اذا تحكمتي فيها بتفتيحن بالدرجات كيف لو عرفتي كيف تتحكمي فيها لسنوات واتخذتيه اسلوب حياة ؟ مستحيل ماتفتحين بقل لكم كيف؟
تبتعدي عن الشمس قدر الامكان خصوصا شمس الصيف ولو سافرتي تضعي واقي الشمس وتاخذي شاور يومي حتى وانتي مسافرة مافيه كسل مري السوق قبل تسافرين وخذي لك اقنعة اللي تكون باكياس لاستخدام واحد وترمينها بس عشان تزيلي اضرار التعرض لاشعة الشمس عندك اقنعة ذا فيس شوب انا من سنه 2008 اكتشفتها في دبي كل مره اخذ منهم مجموعه والحين المحل فاتح عندنا ومو شرط هذا المحل فيه اقنعه كمان بسيفورا ومو غاليه او ممكن تاخذي الارخص كمان مثل اقنعه بيزلين عندهم قناع مفتح رووووعه وقناع للبشره المجهده المهم يكون عندك لما تتعرضي للشمس قناع+استحمام يومي+وااااقي شمس حطي تحتها عشر خطوط
طيب عرفنا الخطوه الاولى الشمس عدوك البياض والشباب
الشي الثاني الاكل مايخالف كلنا نحب الباستا والبيتزا بس لايمر عليك يوم ماكليتي فيه صحن فواكه منوع !+ صحن سلطه خصوصا الفتوش والجرحير انا شخصيا مااطيق الجرجير بس اتعب وانا اقول لكم روووووعه خصوصا للشعر انا اكله مع لبنه وطماط وشوي زيت زيتون عشان الطعم وايضا الحليب 3 كاسات باليوم وابتعدي عن القهوه والله بنت خالتي ماسودها الا كثر القهوه تشربها مثل الماء!
وماتنسوا على الريق اساس الجمال والحياه عموما الماء اشربي 6 كاسات ماء ولاتنسي كاس ماء مغلي مع ملعقه عسل قبل النوم هذا غير انه يزيل تراكم الدهون الكرش
طيب نجي للعناية راح احط شغلات فادتني والان انا ماعدت احتاجها الحمدلله لكن اللي صدق تبي تزيل السمار والخشونه والسواد وعدم توحد اللون واثار حبوب وغيره كله بيروح باذن الله مدة 9 اشهر استخدمت التقشير هذا النوع اللي استخدمته في اول سنه لمدة 9 اشهر ادري كثير التقشير هالمدة لكن اللي يبي الزين يتحمل هذا هو مقشر جلايكولكس وكنت اشتري منه كمية اخصص علبه لوجهي وعلبه لبطني وظهري وعلبه لركبي مع انه يوجد منه لوشن مخصص للجسم لكني ماكنت اعرف عنه هذي صوره الكريم
وكنت استخدم مع المقشر كريم بيتنوڤيت ضروري عشان ماتحترفين وتسودين اكثر
مثل ماقلت لكن استخدمتهم 9 اشهر ومع التقشير استخدمت فيتامين سي من اوباجي ادري ان سعره يذبح بس استخدمته مع التقشير اقطر منه على وجهي قبل لاانام وفوقه احط المقشر مخلوط ببيتنوڤيت هذي صورة فيتامين سي اوباجي
وبعدين صرت استخدم لجسمي يوميا بحجم قبضة يد مع كل شاور ملح الحليب
وللمنطقه الحساسه مافيه احسن من الليزر صدقوني الليزر بيفتح منطقه الاشفار كلنا نعاني من سمار هذي المنطقه تدرون ليه لان هذا الجزء جدا حساس ومع الحلاقه يسود اكثر اما جبهة المنطقه اكثرنا لونه متوحد ومافيه مشاكل مو نفس الاشفار روحي لاي عياده واطلبي جنتل ليزر واطلبي من الممرضه تعلمك كيف تسوين عدد الضربات وكيف تشغلينه انا سويته بعياده البسام قلت للمرضه ابي اسويه بنفسي سويت الحين جلستين وانا الشعره عندي تفشل كانت سوده وسميكنه وراس الشعره ثقيل كانه دقن رجل منظر بشع الحمدلله بعد الجلستين ماطلع شعر والان مرت سنه الشعر اللي طلع وبري طويل لكن لاباس فيه خفيف جدا غير مرئي وناويه اسوي ثلاث جلسات اذا الله كتب لان ماعندي حاليا فلوس وخايفه من الصرف بس انصحكم فيه راااااحه نفسيه المهم بعدها استخدمت ايضا للمنطقه الحساسه كريم افالون ايفوكين طبعا المنطقه راح تفتح اكثر مع الليزر يعني لااشيلون همها المهم استخدمت سنتين كاملات هذا الكريم
مع قناع اسبوعي كل جمعه اللي هو ماء ورد ونشاء لان النشاء وماء الورد يزيل لك النقااااط السوداء ويصك المسامات ولاحظت هنا في بنات يلاحظون هالشي على نفسهم مثل العضوة فتاة المستحيل والعضوة اظن اسمها عالرة سبيل كانت تعاني من نقاط الساق ماء الورد لوحده روووعه للبشره
المهم اعيد واكرر مستحيل تفتح بشرتك على جسم مو نظيف وطبقات جلد ميت ضروري الشاور يوميا المهم هذي الاغراض ماعدت استخدمها بس حبيت اذكرها للبنات اللي يعانون من السواد والسمار والاثار وغيره لاني انا كنت من هالبنات المهم لازم الصبر والاستمرار ولازم انتي اللي تجربين وتتعبين ماتنتظرين غيرك يجرب عنك لان الناس تعطي خير ناس كثير بحياتي يسبون ويعايرون زعلانين كني سارقه لهم حلال وربي لو تدخلون غرفهم اغراضهم اكثر مني لكن نصها منتهيه الصلاحيه يشترون ويرمون فلا تصيرون من البنات اللي يشترون الشي ولايستخدمونه بضمير بعدين تتحلطم تقول ليه البنات تغيروا وانا لا لازم اناي تستمرين وتتعبين كل البنات اللي تغيروا 180 درجه ماتغيروا في يوم وليله ماتغيروا الا من آلام نفسيه وعزم على التغيير بالضبط نفس السمينه اللي تبي تصير نحيفه صبرت وسوت جدول
عشان تنحف وتكتب الهدف للوزن اللي تبيه نفس الشي البياض اكتبي الدرجه اللي تحلمين بها واوصلي لها ويكلفك سنوات بس استمري اذا حطيتي ببالك انك مو حلوه وبشرتك عمرها مابتتفتح عمرك مابتفتحين افكارنا هي اللي تمشي حياتنا ولازم يكون عندنا طاقات ايجابيه انصحكم بكتاب قوة التفكير المهم ادري طولت عليكم باختصار اول مرحله زي ماذكرت التقشير 9 اشهر الى سنه
لين توصلين لنتايج مرضيه وماعاد يبقى فيك سواد
المرحله الثانيه استخدمت حبوب زهرة الربيع رووووعه زهرة الربيع المسائيه تقوي العظام وتخفف الام الدورة وتورد البشره وتعطي نظاره ولمعه اعششششقها هذي صورتها واعتذر على رداءة تصويري
ثاني شغله انا مستمره على الصابون المغربي الاصلي كل جمعه اسوي لنفسي حمام بخار وبالشتاء حاليا عالماء الحار فقط لان البرد مايخليك تتحملين تطولين بالحمام الصابون المغربي الاصلي يجي لونه عالبني اما اللي ماهو اصلي يكثرون فيه زيت الزيتون ويصير مايل كثير للاخضر هذا النوع صناعة لبنان عاجبني مره
وكنت استخدم معاه ليفة بودي شوب القفاز لانها شوي خشنه وانا مااحب الليفة المغربيه لكن لقيت اللي احلا من قفاز بودي شوب ليفة خشنه بالسوبر ماركيت صناعه بريطانيه اسمها سمارت رووووعه هذي صورتها وانا مااستغني عنها اشتري كل مره ثلاث اربع منها
واستخدم للشاور اليومي صابونة بابايا اسمها Silka او سيلكا من البقاله الاندونيسيه عندهم صوابين الفلبين هذي اروع صابونة بابايا جربتها بحياتي واحلا من صابونة بابايا فروتي4ف1 تركتها بعد البابايا السيلكا تهبل هذي صورتها يوميا يابنات اوك اما السدر في موضوعي السابق فقط للوجه يوميا اما السدر للجسم يكون فقط كل جمعه واللي فيها عين او سحر واكتئاب باذن الله تطيب هذي صورة صابونة بابايا سيلكا
وارطب كامل جسمي الترطيب صبح ومساء يوميا لاتصيرون مثل بنت خالتي عندها لوشن فازلين صار له دهر بالتسريحه ماتستخدمه مثل ماقلت في موضوعي الاول استخدم جلسوليد مخلوط بشوي ماء ورد وشوي نشاء بنات الجلسوليد من العطار ارخص من الصيدليه ومرات اذا يعرفك العطار يبيع لك ارخص مثلا انا اخذ 6علب حجم 250 مل يرخص لي كثير لاني احب اشتري حق سنه كامله بعلمكم بعدين في موضوع مستقل كيف تصرفون ان شاءالله هذي الصوره
وايضا غير زيت الجلسرين حبيبي اللي مااستغني عنه ذكرته لكم في موضوعي الاول وانا دوم احط قطرات بسيطه من على وجهي ورقبتي والباقي على يديني ايضا استخدم كريم جونسون هذا جونسون كلكم عارفينه
وايضا احب مرطب اولاي بورق التوت البري بديل للمكياج لاني اكره المكياج وايضا صار لي موقف بنات جماعتنا يسبون اولاي بالتوت ويقولون رخيص وتافه وكله امراض تدرون ان بنت اختي الصغيره تقول تسريحاتهم فيها حوالي 7 علب اولاي بالتوت هههههه اولاي سفتوا كيف نفوس الناس المهم ان اولاي انقطع فيه مثله واقي شمس بيزلين ماصورته مخلص من عندي بس نفس النتيجه بياض ولمعه مثل المكياج
مره كنت بالصيدليه قلت له دكتور ماابي اشتري منتجات مكلفه وبلا فايده ابي منتج يعطيني نظاره وصحه ويوخر الاصفرار والشحوب المهم تدرون وش قال .. قال: اقوى شي للبشره اي بهتان وشحوب واسمرار معروف العلاج فيتامين سي المهم تعرفونه فيتامين سي الفوار انا اخذه عالريق الصبح بعلبه ماء نوڤا كبيره الحجم استخدمه 3اسابيع واوقفه شهر وارجع اشربه وهكذا والحمدلله روعه للصحه وللنظاره خصوصا مع حبوب زهرة الربيع
مجي الان للشعر بعد التاكد من عدم نقصك لفيتامين B ولا للزنك هذا النبات يستخدم في علاج تساقط الشعر قريته في كتاب الدكتور جابر القحطاني نصح بنبات الكثيره او الكثيراء هو قطع مثل الصوره تحطين شوي من النبات على ماء مغلي وهو يتحول الى جل ثم افرده على فروة الراس اتركه شوي بعدين اغسله رووووعه ماشاءالله لتساقط الشعر انا اميل كثير للطبيعي جربت بنفسي شامبو سيباميد ضد تساقط الشعر النتيجه خلا شعري متشابك! وجربت شامبو فيشي هيرلوس ضد تساقط الشعر علبته اسود باحمر النتيجه عااااااديه ماشفت نتيجه الا من نبات الكثيراء ماشاءالله واستخدم النبات كل جمعتين من كل شهر يعني مرتين الى ثلاث بالشهر صورته
ولا استغني لشعري عن الحناء استخدم الحناء كل جمعه ولاتخلطين لازيت ولاغيره مع الحناء عشان اي زيت راح يمنع لان الشعر يستفيد صح من الحناء والحناء من اسرار جمال شعور البدويات
وزيتي المفضل لان ماله ريحه مزعجه ولاني اثق شخصيا في منتجات وادي النحل زيت الخروع ثلاث مرات بالاسبوع
والشاملو اللي استخدمه يااما شامبو الاطفال جونسون او نونو او شامبو وبلسم ڤاتبكا روعه وجدا اقتصادي مااستغني عنه اغسل شعري يوم ايه ويوم لا اما الجسم يوميا
واخر شي خلطه مااستغني عنها للمحافظه على بياض ونظاره الجسم وعموما تثبت البياض معروفه
قرص فيتامين سي فوار احطه داخل علبه ماء ورد واصب الخايط في علبه كبيره جدا ثم اضيف زيت الجلسرين علبه كامله وبعدين علبتين جلسوليد راح تكون الخلطه مره سائله يعني مويه يااما احطها بالخلاط الكهربائي او اترك الخلطه تنقع لمدة اسبوع بعدها استخدمها بالليل والصبح اتروش
كل شي استخدمته غير مكلف ويجلس بالاشهر معك وان شاءالله انزل لكم موضوع احلا كريم اساس جربته بالمناسبات والجمعات العائليه ع وردي واحلا احمر خدود وروج ثابت فاتح زي شفايف اليسا ونانسي عجرم :luvkiss:
عناية متكاملة ماشاء الله
يجزاك الله خير