##تجمع احلى واجمل حوامل التوأم (^~^)

الحمل والإنجاب

السلام عليكم ورحمة الله وبركاته 

##تجمع احلى واجمل حوامل التوأم (^~^)
6
3K

يلزم عليك تسجيل الدخول أولًا لكتابة تعليق.

تسجيل دخول

.. هيبة بدويه ..
مبرووووووووووووووك التجمع الجديد، والله يجعله فاتحه خير لنا ..

حبيبتي نسيتي ماتحطين مقدمة الموضوع والجدول نفس التجمع السابق..
الشوق صعب
الشوق صعب
مصره احط تجربتي في التجمع عشان الكل يستفيد خخخخخخخخخ

تقبلوا مني اخر كم مشاركه لاني خلاص ناويه اطلع من المنتدى .. عشان ما اعذب نفسي :(

حبيباتي .. ردودكم اثرت فيني و حسيت الدعاوي طالعه من قلبكم ...

الله يجزاكم خير و ينولكم يلي تبغوه ..

الحمد لله .. حملي كان متعب و كله حرق اعصاب و بكااء بسبب الدماء يلي كنت اشوفها و الدكاتره ما عرفوا سببها .. و الحمد لله فقدتهم و ما امداني انبسط فيهم .. الفتره الماضيه كانت جدا عصيبه ... عيوني تعبت من البكاء و نفسيتي تدمرت .. و انا قاعده اولدهم زعلت بعدين قلت خلاص من بداية الحمل و انا على اعصابي و كنت خايفه من الولاده الطبيعيه و تعبها .. و ربي سهلها الحمد لله ... هذا كان الصباح .... على العصر دفنوهم .. لما دفنوهم توني استوعب .. و قعدت ابكي و على لساني الحمد لله و يا رب عوضني ... و قعدت لثاني يوم متاثره و جو اهلي لعندي و غيرولي جوي و امي الله يسعدها نايمه عندي ...

صايره ما احب اقعد لوحدي ابدا ... لازم ناس حولي و لا الدموع تبدأ تشتغل ..

يلا عملنا بروفه للولاده الطبيعيه و القيصريه خخخخخخخخخخ .... لاني انا في عملية الربط اخدت بنج نصفي ( ابرة الظهر ) فصار عندي خلفيه عن الولاده القيصريه .. و الولاده الطبيعيه عملت لها بروفه خخخخخخخخخخ

ان شاء الله لما ربي يكتب لي الحمل ما راح اخااااف من الولاده عرفت ايش هي ..

مشاركتي الجايه راح اكتب لكم ايش يلي صار لي بالضبط وولدت عشان تستفيدوا و تنتبهوا على نفسكم :)
الشوق صعب
الشوق صعب
قبل اسبوعين زي م انتوا عارفين جتني ولاده مبكره ووقفوها و عملولي عملية ربط ... لانه راس واحد من الاجنه صار تحت و صار يفتح عنق الرحم .. و انا احمد الله تعالى على يلي صار لاني حسيت كانت رحمه كونه الولاده جت بالتدريج و جرعة الصدمه اخدتها شوي شوي مو على طووول .. و الدكتوره قالت ما اضمنلك ما تصير ولاده و احنا عملنا يلي علينا .. ضليتني فترة الاسبوعين راحه تامه ما امشي الا للحمام اكرمكم الله ....

و انواع العذاب في الاسبوعين هدووول كل ما احس بنغزه كل ما احس بشي اقول خلاص ولاده اعصابي تعبت و الحمد لله ..

المهم انا احب لما اروح عند الدكاتره و خصوصا النساء و الولاده اكون ملمه بكل شي و قاريه و عارفه يلي قاعد يصير .. لانهم مرات يتفلسفوا على الفاضي ... اول ما عملت ربط ... فتحت النت و قريت كل شي عن الربط .. و كان فيه ملاحظه مهمه .. انه اذا جت ولاده مبكره ضروري ينشال الربط في اقرب وقت ممكن و لا راح يصير تمزق و مشاكل و خطوره علي ....

قبل كم يوم .. رحت انام و تعبانه من الثقل .. و اتقلب مو قاره انام .. انا ما عانيت من الم الظهر في فترة الحمل ابدا .. بس لاحظت فجاة صار عندي الم ظهر و آلام في الجنبين تروح و تيجي و حسيتها كل خمس دقايق .. و صرت اروح الحمام كل نص دقيقه .. طبيعي الحامل تروح الحمام كثيير بسبب الثقل بس مو كل ثانيه ...

قلت لزوجي احس باني بولد اليوم وديني المستشفى قالي لا طبيعي لانه الاجنه قاعده تكبر و الآلام طبيعيه .. روحي ارتاحي و نامي .. قلت طيب ..الآلام مو راضيه تخف اصريت عليه قلت لازم دكتوره انا عامله ربط و فيه خطر .. وداني نفس المستشفى يلي عملت فيها ربط قلت احسن ... رحت اسطون مع اني ما احبها بس الحمد لله ...

دخلت الطوارئ و كانت الدكتوره المناوبه دكتوره باكستانيه .. قلت لها على يلي احس فيه شافت بطني قالت لي مو متحجر لانه من اعراض الولاده تحجر البطن .. قالت انتي مو بولاده و هي عارفه اني عامله عملية ربط .. حطولي جهاز و شافوا دقات القلب حقت الاجنه كانت طبيعيه .... قالوا مو ولاده .. و انا اصريت اني ما اطلع من المستشفى قلت ما حروح البيت الين ما اتاكد اني مو بولاده و طلبت سونار و تشييك على عنق الرحم ... مصرين قالوا مو لازم .. قلت لزوجي وديني طواريء سعد ما حرجع البيت ..


كلم زوجي الدكتوره الباكستانيه و قال لها احنا راح نروح مستشفى بعيده عشان نعمل سونار .. قالت طيب خلاص راح اعملها سونار اي كلام لانه المتخصص بالسونار مو موجود .. قلنا طيب ... ودوني غرفة الولاده و انا على امل انه كلام الدكتوره صحيح و فعلا ما فيه ولاده بس من داخل اقول لا انا في ولاده .. مع اني بكريه و ما اعرف ايش هي آلام الولاده بالضبط ... عملتلي سونار و قالت ما شاء الله حركة الاجنه طبيعيه و دقات قلبهم تمام ... و كانت بتمشيني و تعطيني مسكن و خلاص... قلت لها دكتوره الالم قاعد يزيد قعدت اتعصر قلت لها فيه الم الحين .. حطت يدها في بطني و لقت انه لما يجيني الم يتحجر بطني ... بدري خخخخخخخخ صرت انا الدكتوره مو هي ... قلت لها اكشفيلي على عنق الرحم .. سمعت كلامي و قالت طيب صرت انا يلي اعطي اوامر .. طلع عنق الرحم مفتوح 6 سم .... و الالم يزيد .. قالت انا اسفه انتي في ولاده ...... قلت بيني و بين نفسي ادري .... نادوا دكتورتي عشان تفك الربط .. و الدكتوره جت بسرعه و كشفت قالت موية الجنين انفتحت بس مو قادره تنزل عشان الربط ... و رجل الجنين تحت عند عنق الرحم فيه خطر على حياتك راح افك الربط ... و انا ابكي و اقول ما ابي اخسر اجنتي و الدكتوره الباكستانيه تضمني و تدعيلي بالعوض .. عطوني اكسجين و فكوا الربط .. و لاني كنت خايفه و متوتره تالمت شوي ... مجرد ما فكوا الربط حسيت بمويه حاره وكثييييييييييييييييييييييييييي يييييييييييييييره زي موية الحنفيه .... انسكبت علي .. قلت للدكتوره هدا دم ؟؟ قالت لا موية الجنين .. عاد انا سبحان الله ما شفت اعراض غريبه لا دم و لا مويه و لا شي في البيت .... اخيرا عرفت ايش هي موية الجنين .. قلت لكم بروفا للولاده الطبيعيه خخخخخخخ

خف الالم لانه المويه نزلت و قعدوا يدوروا على سرير اولد فيه .. ما لقوا كله مليان و الكل قاعد يولد خخخخخخخخخ ... تخيلوا حطوني بسرير حق التنويم .. و كان جنبي وحده مع ابنها صغير عمره كم سنه بس عامل عمليه ... و كان نايم و قام مفجوع على صراخي .. طبعا فيه ستاره بينا .. انا استغربت كيف يحطوني في غرفة تنويم وين التعقيم وين النظافه .. شلون الغرفه يلي اولد فيها هي نفسها يلي انام فيها ؟؟ ما حبيت المستشفى ما فيها نظام و نظافه ... ولدت اول واحد بسرعه و كانت بنوته .. و لانه المشيميتن ملتصقتين فلازم يسحبوا الاجنه مع بعض فاضطروا يخلوها عندي قريب من بطني تحت الين ما يطلع الثاني و بعدين يسحبوهم مع بعض .. و كان اصعب شعور لاني كنت حاسه برجلها و يدها و راسها بس ما حبيت اشوفها .. و عطوني طلق صناعي و زادت الانقباضات و قالت لي الدكتوره لا تدفي عشان ما تتعبي و توفري طاقه لانه البيبي الثاني بعيد عن عنق الرحم .. انا ما سمعت كلامها صار لما يجيني قبض قوي ادف بقووووه لاني خلاص تعبت و ابيهم يطلعوا .. و دفيت ثلاث مرات و الثالثه قرب الجنين من عتق الرحم و طلع .. كان قلبه ينبض .. شوي ووقف و مات :(. و المشيمه ولاده ثالثه خخخخخخخخخ ما توقعت المشيمه تكون متبعه . كنت اقرى في النت بس ما توقعت ... طلعت بعد ثلاث ارباع الساعه و بمساعدة الدكتوره .. .. و لما طلعت المشيمه ارتحت و راح كل الالم و الانقباضات .. شوي و لا احس بالم .. .. حطولي محلول يسكر عنق الرحم لاني نزفت اثناء الولاده و كان كانه طلق صناعي .. و قعدت اصرخ على الممرضه و اقولها خلاص تعبت حرام عليكم انا مو ملاك انا بني آدم .. كان عطيتيني مسكن بعدين هذا المحلول .. قعدت ساعه اتالم و بعدين الحمد لله كل شي بخير .... و بعد كم ساعه عملت تنظيف و نزفت اثناء العمليه .. و الدكتوره عطتني حديد عشان اعوض .. احس ولدت نفسي بنفسي خخخخخخخخخخخخ ما حد عطاني وجه ..

و انا ولد اسمع الغرف القريبه مني ناس تولد و اسمع بكا اطفالها ما شاء الله كان شعور صعب ... و غرفتي كانت افبال غرفة الاطفال الحديثي الولاده كنت اسمع بكاهم و اشوف اسره صغيره فيها اطفال ما شاء الله رايحه جايه عند امهاتهم .. صعب كثيير علي .. الحمد لله

اسفه طولت عليكم .. بس خواتي و خصوصا يلي عاملين ربط اذا صار عندكم بوادر ولاده او اي شي روحي المستشفى و تاكدوا من عنق الرحم لا تسكتوا على انفسكم .... حبيت تستفيدوا من تجربتي ..

كل يلي صار لي بفضل من الله وحده و الهام منه ... يعني تخيلت لو اني سمعت كلام زوجي و قعدت في البيت او سمعت كلام الدكتوره.. كان خطر على حياتي و ممكن اخسر رحمي و افقد الانجاب تماما .. الحمد لله ربي انقذني و ريحني و كتبلي يلي فيه الخير .... الحمد لله ...... سبحانه رحيم .. و انا متأكده انه ربي راح يعوضني بشي حلو غير متوقع ... يا ربي لك الحمد و الشكر .. و انا سبحان الله كنت قاريه سورة البقره و مستغفره اللهم لا رياء ...


مع السلامه :)
الشوق صعب
الشوق صعب
هيبه بدويه سامحيني لاني فتحت لك جروح يا عمري :(

تجيني حالات نفسي ابكي و نفسي احس بحركة حبايبي في بطني زي اول و نفسي اشوف بطني منفوخه :(

اشتقت لحبايبي كثييييييييير .. قاعده اكتبلك و الدمعه بعيني .. و حتى لما سوولي سونار عشان يشوفوا اذا احتاج تنظيف و لا لا .. طلبت من زوجي يسكر الشاشه يلي قدامي لاني تعودت اشوف حبايبي يتشقلبوا .. ما قدرت اشوف رحمي و هو فاضي :(

بس ايش اسوي غير اني اصبر نفسي ....

و اهم شي ما اجلس لوحدي لاني راح افكر و ابكي ...

الزمن يداوي الجراح على قولتهم ....

لا تزعلي حبيبتي .. ان شاء الله كل شي راح يكون تمام و ربي رحيم بعباده سبحانه ..
و يلي فقدناهم شفعاء لنا في الجنه .. ايش نبغى احلى من كذا .... الله يسعدك و يوفقك دنيا و آخره يا رب
الحمد لله
الحمد لله
الحمد لله

حبيباتي استودعكم الله .. انتبهوا على انفسكم .. اتمنى لكم السعاده و التوفيق

دمتن بود
مع السلامه :)
طالبة أكاديمية
ﺂﻟﻟ?َ يعوضك أختي السوق صعب

تجمع مبارك ان شاء ﺂﻟﻟ?َ أكون معكم
يآ ربَ وأولذ بالسلامة ويلازقني ﺂﻟﻟ?َ احلى توأم أولاد :(