كيفكم حوائيات؟
حابه اوريكم بعض الصور لمعجناتي واعرفكم على طريقتي في صنع العجينه جدا سهله واهم شي بالنسبة لي مافيها ولا بيضة لاني ما احب طعم وريحة زفرة البيض في المعجنات والحلويات
هذا العجينه انا معتمدتها من زمان في صنع الفطاير والحلويات مثل خلية النحل والسينبون وان شاء الله الكل يستفيد جربوها وما بتندمون ابد
المقادير:
(طبعا استخدم الكاس حقت الجبن السايل كرافت والملعقة الكبيره ملعقة الطعام والصغيرة الملعقة المتوسطة الخاصة بالحلا)
2ونص ك دقيق كويتي منخول
م ك خميرة في المقابل م ص بكنج بودر
م ك سكر في المقابل م ص ملح
ربع ك زيت
ك مويه دافيه
طريقتي بالعجن تضمن لك ان العجينة بتجي هشة وخفيفه اول شي حطي المويه والخميرة والبكنج بودر مع بعض وحركيها شوي لمدة دقيقة وبعدين اضيفي كل المقادير ماعدا الدقيق وكمان اخفقيها مع بعض بعدها ابداي اضيفي الدقيق واعجني مع ضرب العجن عشان يدخل الهواء فيها لمن تصير العجينه متماسكة جيبي كيس نايلون وحطي العجينه فيه واربطيه ودخليها بالمايكرويف او الفرن المهم بمكان دافي وخليها تخمر لمده ساعه او الين تنتفخ اذا كنتي مستعجله حطيها المايكرويف وشغلي عليها شويه وبعد ما تخمر شكليها بالطريقة الي تحبين واستمتعي باحلى معجنات
والنتيجه بالصور:
سينبون
فطاير عبارة عن:
-سمبوسة مقليه
-سينبون الزعتر اعمل نفس طريقة السينبون في فرد العجين وادهنها بالزيت الزيتون وارش عليها الزعتر ثم الفها واقطعها بنفس حركة وفكرة السينبون الحلا
-اقماع حشيتها جبنه سايله
-خلية نحل عملتها في صينيه الكب كيك على شكل وردات
اتمنى تكون معجناتي نالت اعجابكم ولكم مني جزيل الشكل
الحمدلله الذي اطعمنا وسقانا من غير حول منا ولا قوة
اتمنى من كل وحده تدخل موضوعي تدعيلي ان الله يتمم لي حملي ويصلح لي ذريتي
ولا تحرموني من تقييمكم وردودكم الحلوة