بغيت الحمل بواحد حملت بثلاثه ساعدوني بهالمشكله

السلام عليكن جميعا
رمضان مبارك واسأل الله انه يعوده علينا وعليكم بالصحه والعافيه والاطفال لكل محتاجه
انا ماني عارفه كيف ابدا موضوعي انا بحيره وهم وخوف مايعلمه الى الله
مشكلتي يابنات انو لي عشر سنوات ماراد الله لي الحمل
عملت اطفال انابيب ست مرات عند عده اطباء وماكتب الله لي
من شهر ونص سويت اطفال انابيب عند ادكتور بندر العبدالكريم واخذت الابر المنشطه المعتاده بس الغريب بالامر ان الابر اسمها غريب غير النوعيه اللي اخذها دايم المهم طلع عندي اربع اجنه ورجع لدكتور ثنين سبحان الله بعد الترجيع باسبوعين حسيت باعراض الحمل اللي اسمع فيها دايم انا كل ماسويت عمليه الانابيب احس بنفس الاعراض بس بعد فتره تنزل علي الدوره بس المره هذي حسيت بمغص شدييييد ببطني وصراحه قلت الدوره شكلها بس انتظرت لين جا موعد التحليل ويوم حللت طلعت حامل ماتتخيلون فرحت امي قسم بالله انها صارت تزغلط بالمركز
يوم الكتور سولي اشعه قال في اكثر من كيس حمل تعالي بعد اسبوع يبان اكثر
يوم سويت الاشعه الثانيه وشاف الدكتور لقاني حامل بثلاثه
سألته وش السبب قال وحده من البويضات انقسمت اثنين بس الدكتور قال الافضل ننزل واحد
انا جلست ابكي بصراحه ودي فيهم كلهم انا ماصدقت بس الدكتور قال خايفين يصير اسقاط للثلاثه كلهم وهذا اللي موترني
امي قالت اتكلي على الله وخليهم كثير ناس حملو بثلاثه والدكتور يقول الافضل ننزل واحد عشان مايأثر على البقيه
والله حالتي زي الزفت وخايفه يجيني شي من كثر مابكي وخايفه اسقط من كثر التعب النفسي والبكاء والله محتاره يابنات
رجعت للدكتور وطمني قال عادي ننزل واحد وماراح يأثر لاعليك ولا على الاجنه الثانيه
المهم قلتله الحين ماقدر اسوي شي لاني بحضر زواج اخوي بالجنوب الاسبوع الجاي قال لما ترجعين تعالي نسوي العمليه واتكلي على الله وانتي ماعطيه الامور اكبر من حجمها
بنات دخلت المنتدى عشان تساعدوني امانه اللي تدخل تردعلي بالله عليكم انا ناخيتكم الله يجعلها بميزان حسناتكم ابي مشورتكم اكتب وانا ابكي وربي اني خايفه